السلام عليكم و رحمة الله و بركاته ..
أختي العضوة الجديدة ..
هي جسمها مو بطال .. بطبطت شوية بس مو فيل !!
يعني جسمها نوعا ما و مقارنة بغيرها مقبول ..
و المهم إنه هو مو معترض عليه كتير .. يعني نوعا ما متقبله ..
بس برضو هو أنتقد الكرشة قبل كدة و رمى لها كلمتين تعور :44:
و بتحاول تصلحها بس ماهي قادرة ..
هي عالأقل بتقول لو تنشد البطن طزززز في التخن ..
التخن يروح لكن الجلد المتهدل فين يروح ؟!
و المشكلة في الكرشة ..
يعني شوفتي البطن إللي تحت ؟؟
كيف بالله أوصفها دي :confused:
يعني فيه ناس يالطيف يارب تلاقي كرشتهم
كبيرة و مدورة زي كأنها حامل .. يعني بطنها مرة بارزة ..
هادي لأ .. كأنه بطنها مقسومة نصين ..
فوق السرة و تحت السرة ..
فهمتي قصدي :eek:
هي المشكلة عندها في البطن إللي تحت ..
مرة مفروطة و مترهلة .. و تتهزهز ..
يعني الجلد نفسه فارط .. مو العضلات ..
يعني لو لبست مشد يتصلح شكلها كتير ..
بس بدون مشد تكون مرة باينة ..
و أنا من تجربتي الشخصية أعرف إنه الجلد لمن يفرط ما يرجع بالرياضة ..
العضلات بس هي إللي ترجع لكن يفضل الجلد مدلدل خصوصا إذا فيه تشققات ..
و الله أعلم .. و أكيد جسم عن جسم يختلف ..
و يمكن فيه شي يصلح الجلد و يشده إذا أحد يعرفه يقول لنا عليه ؟!
و هي مرة متضايقة من بطنها و هي أكتر شي كاسفها في جسمها ..
و أظن زي كدة الحل الوحيد إللي حيصلحها إنها تسوي عملية تجميل ( شد )
أو ( تامي تك ) بس جوزها رافض العملية هي كلمته عليها قبل فترة و رفض ..
لأنها لو سوتها المفروض ما تحمل تكون خلاص خلفت إللي تبغاهم و ماعاد في بالها
تخلف تاني .. ولا ما حتستفيد شي حترجع تنفرط تاني و تتشقق و تنعدم
ولا كأنها سوت شي و ما ينوبها غير الألم و البهدلة و صرف الفلوس عالفاضي ..
و هو الأخ لسة يبغا خلفة :baby2:
و ياختي إذا على التفكير و شيلة الهم ..
آه يا قلبي آه .. أنا شايلة همي و هم غيري !!
و يا حسرة عليا ماحد مفكر فيا ولا شايل همي لا قريب ولا بعيد :44:
عشان كدة أنا ما سرت أتكلم ولا أفضفض و لا أشتكي
لأحد .. كل مين يقول نفسي نفسي كأننا في يوم القيامة
أستغفر الله العظيم بس !!
و الناس يحسبوني ساكتة و مبسوطة و ما بأتكلم عشان خايفة
من الحسد :09:
لكن برضو فيه ناس مرة قريبين مني و نعرف كل شي عن بعض
و بعضهم أقرب لي من أهلي .. و مهما يسير بيننا إذا حسيت
إنه عندهم مشكلة مرة أتضايق خصوصا لو جوو و حكوني
أحس إني لازم أساعدهم بإللي أقدر عليه لأني أنا عانيت كتير
و مريت في مشاكل كتيرة و كنت لحالي و كنت أتمنى إللي يوقف جنبي
و يدعمني و لو حتى بكلمة طيبة بس عالأقل أحس إنه أحد جنبي و متعاطف معايا
و ما لقيت أحد و كان إحساس زي الزفت :(
و يا ستي على قولتهم :
سوي خير و أرميه في البحر :)
و كله عند ربنا ما يضيع :)
الله يرزقك الصديقة الصدوقة إللي تتمنيها :)
تحياتي ..
جــــداويــــــــة
تعالوا نتعلم فن اغراء الزوج باشياء حلال وموجوده ببيتك
متابعة النقاش، صفحة 28