( مشكلتي ) تريد حلا ... ساعدوني بحلولكم

يمكن انتي تتصورين انه تدخل من اهله .. ولكن هو بالحقيقة تواصل وصلة رحم
لاتحاولين تبعدينه عن اهله وامه .. قربي منهم ومن زوجك حتى تكسبين الجميع

سبحان نفس مشكلتي مع زوجي بس انا ساكنه بمدينه وزوجي انسان متعلم وجامعي وعلى قولة الناس انه مطوع وملتزم والمشكله انه مايرى ان هالتصرفات فيها اي ضرر او تدخل بحياة الاخرين هي حق مشروع لامه واخواته اللي يكرهوني كره العمى و بالعكس خليني اتذمر او اقول كلمه عنهم يطربق الدنيا على راسي بس مااااقول غير ربي ينصرنا عليهم ويفرج لنا منهم عاجلا غير آجل وللعلم انا هالحين كملت 12 سنه زواج ماشاء الله تبارك الله
(ترى انا اخت ام زين)

الله يفرج همك ويشرحلك صدرك يارب
اكثري من الدعاء والااستغفاار.................

السلام عليكم ورحمة الله ..

ام شروق الله يحفظك ويرعاك.. اسمعي مني للآخر..

في البدايه لازم تعرفين ان اهل زوجك يتدخلون في حياتك بسبب الغيره منك وهذا امر طبيعي .. لكن المشكله في زوجك حاولي تجذبينه لك تكسبينه تحتوينه .. انتي شوفي ايش هي الأشياء اللي يحبها زوجك فيك يعني مثلا يحب الطبخ تفنني في الطبخ .. يحب اللبس والدلع تفنني في اللبس والدلع ... يحب انك تطيعينه لاتخرجين من طاعته الا في امر نهى الله عنه .. وهكذا..
شاركيه همومه اذا تكلم معك لاتقاطعيه خليك دائما انتي اللي تسمعين خليه يفضفض اذا فرح بحاجه شاركيه فرحته .. عوديه يستشيرك في اموره اذا قال مشكله او اي شئ قولي رأيك عشان يتعود انك انتي المستشاره الخاصه له.. والخ.

اذا كسبتيه من الناحيه هذي فصدقيني راح ترتاحين لأن هذا جانب من المشكله عندك..


بنسبه لأهله عامليهم بحب واحترام وتقدير مهما جاء منهم من مشاكل لأن في قاعده تقول ( اكسبي اهل الزوج تكسبين زوجك)..
اذا هاجموك في اي شئ امتصي غضبهم يعني عامليهم بسياسه وبدبلوماسيه اي مناسبه لهم احضريها .. وحافظي على اسرار بيتك لاتطلعينها لهم.. زيارتك لاتكثرينها لهم .. يعني بأختصار خليك رسميه وفي نفس الوقت محترمه معهم .. واللي صار بينك وبينهم انسيه..

اما بالنسبه للنقل انا اقولك صعبه لأنه انتي باقي في بداية حياتك وهو لازال يستشير امه واهله.. انتي مشكلتك كلها انك ماكسبتي زوجك اكسبيه في الأول بعد كذا موضوعك ينحل.. وسوي اللي قلت لك في بداية الموضوع..

وفي مثل حطيه في بالك( الولد على ماربيتيه والزوج على ماعودتيه).. اتمنى الفكره وصلت وبتوفيق يالغاليه :)