ارجوكم ادخلو امي بضيع من بين ايدينا

السلام عليكم يابنات الله يعفيكم ابيكم تساعدوني بعدالله امي ولدت ولها28 يوم لكن حالتها ماتسر احد من بعد الولاده ماتحب تجلس مع احد خاصة الحريم اللي يزوروها اذا كانو يتكلمون ويسولفون تكون هي في عالم ثاني وسرحانه وتقول مالي نفس اطلع ودايم منسدحه وحزينه وتحس بخمول وماتنام الليل تقول حاولت لكن مايجيني نوم
وشهيتها للاكل معدومه حاولت اسوي الاكلات اللي تحبها لكن مافيه فايده وديناها دكتوره قبل امس وعطتها حبوب بروزاك لكن تقول حسيت اني تعبت زياده وقلبي ينبض بسرعه وشكلها بتوقف العلاج بس اخاف يضر.. نفسي ترجع زي قبل تطلع وتمشى وتضحك معنا:44: آآآآآآه يمه الله يشفيك ويعافيك.. تكفون احد مر عليه هذي الحاله عشان تفيدني بشي ولاتنسون الله يخليكم تدعون لها وانتم صايمين واذا افطرتم....

23 تعليق 1,455 مشاهدة

شاركي في النقاش

سجلي الدخول لإضافة تعليق.

التعليقات

20
  1. @nory1

    الله يرفع عنها ويحميها لكم
    بس اللي اعرفه انه المراه تمر عليها اثناء النفايس حالتة إكتاب وهذا طبيعي تكون طفشانه ومالها نفس بشيء
    الله يشفيها ويطمنكم عليها
  2. @rory_2010

    ماتشوف شر ان شاء الله خليها تحلل غدة درقيه يمكن منها او يمكن اكتأب مابعد الولاده لاتخافين ان شاء الله ترجع مثل اول واحسن بعد
  3. @bnt_amy_oaboy_2

    ياقلبي عليها ماتشوف شر ويارب ترجع مثل أول وأحسن......
    شوفي ترا المرأه يجيها حالات مثل كذا بعضهن بعيد الشر عن أمك تترقد بالمستشفى النفسي وهذا يسمونه إكتئاب ويجي أحيانا أشد من كذا بعضهم تصر ماتبغى البيبي
    ودوها للدكتور نفسي وإذا تبغين دكتور نفسي ممتاز عندك الدكتور السبيعي وعندي رقمه إذا تبغين

تابعي تجارب أخرى من هذا القسم.