شاركي في النقاش

سجلي الدخول لإضافة تعليق.

التعليقات

98
  1. شوفي حبيبتي ..
    أنا عجبوني البلايز وخصوصا ام الرقبة على قولتكم ..

    بس بصراحة كتير انخنقت لما شفت طريقتك بالكلام بالنسبة لكلام البنات على إنه حرام ..

    يعني وحدة بتنصحك وبتقولك الدنيا ما بتسوى ..
    بتقومي بتقوليلها في ناس مزعجين ع الطالعة وع النازلة بيقولو حرام ..
    هوي الواحد شو بيستفيد إزا لبستي محتشم أو لأ ..
    هل رح تزيد أو تنقص حسناتو .. ؟؟!!
    هوي من مبدأ إنه بيخاف عليكي أو من مبدأ نصيحة ..
    هيك كإنك بتجاهري بالمعصية .. وبتجادلي .. وهيدا الشي حرام حرام حرام ..
    حبيبتي أنا ما بقول هيك علشان أعاندك بما انك قلتي ما حدا يقول حرام ..
    وصدقيني ما كنت ناوية بالمرة إني اقولك رأيي من الناحية الدينية .. وكنت رح أقول رأيي بس بالموديلات ..
    بس طريقتك استفزتني كتير .. وما قدرت امنع نفسي ..

    أنا بقولك خافي الله .. والله الموت ما بيعرف زغير ولا كبير
    وممكن بعيد الشر ما تلحقي تتهني بلبسهن .. ساعتها شو بينفعوكي ..؟؟
    توبي واستغفري الله حبيبتي .. وصدقيني الله عند ثقة عبده به ..
    استغفريه بقلب صادق وصدقيني ما رح يخيبك .. ورح تكوني اجمل بكتير بالحجاب والعفاف
    ورح تقولي انا وين كان عقلي لمن كنت بلبس هيك ..

    الجمال جمال النفس والروح .. والأخلاق ..
    ما تخلي هيدا اللبس يعميكي ويكبر راسك ..

    بعرف إنه حكيي مش عاجبك وما رح يعجبك ..
    بس بدعي الله وأنا صايمة .. إنه يارب يجعل كلامي ينزل بأمان وسكينة على صدرك ويجعلك تغيري رأيك ..
    وأكون سبب في تغييير تفكيرك نحو الأحسن يارب ..
    وياستي البسيهن بس قدام بنات ..

    يعني مختلطة كمان .. والله هيك كتير !!
    الله يهديكي حبيبتي ..

تابعي تجارب أخرى من هذا القسم.