صور فطوري امس واليوم....وان شالله اصوره لكم كل يوم

روعةالله يهنيكم
ممكن مقادير شوربة الحريرة

الله يسلمك ويحفظك ...والشكر لك حبيبتي على المرور والرد الحلو :42:

وللجريش اول شي اسلق حوالي كيلو لحم في قدر الضغط 10 دقايق على دفعتين عشان يكون عندي مرق كثير .....يعني كل مره اسلق نص كيلو

واكون ناقعه من كم ساعه كوب ونص جريش ونص كوب رز مصري...وكمان قطعت بصلتين كبار شرايح وحطيت عليهم ملعقه دقيق وقليتهم زي حق الكشري وبعدين صفيتهم وحطيتهم على جنب

حطيت المرق واللحم كله في قدر ومعاه الجريش والرز بعد ماصفيتهم ومعاهم مكعبين ماجي وخليتهم على نار قويه وبعد مابدا القدر يغلي وطيت النار على الاخر وتركته .....وكل ربع ساعه اقلبه

بعد ماتشرب المرق وقرب يستوي اضفتله ملعقه كبيره بهار مشكل وملعقه كبيره ليمون ناشف مطحون وملح حسب الرغبه وعلبة زبادي كبيره خلطتها مضبوط وبعدين صبيتها عليه وقلبتهم مع بعض وزدت عليهم شوي بصل محمر ومن زيت البصل حوالي ربع كوب او حسب الرغبه (يعطيه طعم روعه) وبعدين وطيت النار على الاخير وحطيت الحديده العازله >>مدري ايش اسمها :22:
وتركته حوالي ساعه الاربع

غرفته في صينيه عميقه ورشيت عليه شوي من زيت البصل بعد ماسخنته ورشيت عليه كمان شوي ليمون ناشف وكثير من البصل المحمر ...وكان طعمه يهبل لاااااااااايفوتكم

وسويت شوي حشو بس ماحطيته عليه لان زوجي مايحبه ..وبالهناء والعافيه :26:

مشكورة يا لغلا ويعطيك العافية

كل عام وانتم بخير *****الله وينعاد عليكم رمضان بالصحه والسلامه
سفره دايمه *****الله وتسلم ايديك

ممكن لو سمحتي طريقة البلا بلا
تحياتي:26: