بنات انا مريضه وماحد يعرف وش فيني.. تعبت
الســلام عليــكم ورحمــة اللــه وبركــاته:
اخواتي حبيت اقولكم وش يجيني ووش احس فيه يمكن احد يعرف شي لاني تعبت
تجيني حاله بين فتــره وفتــره يعني كل شهرين تقريبا او اكثر شوي او بالاصح احس تجيني اذا كنت مرهقه ونمت وانا تعبــــــانه
طبعا ما تجيني الا وقت النوم...
أكون نايمه (بعد ماكون مرهقه انا لاحظت هالشي) فجأه ماعرف وش اللي يصير بالضبط بس خفقان بالقلب وخلااااااااص احس اني باموت يجلس هالشي اقل من دقيقه اذا خلاص احس اني بافقد الوعي (او اموت بالاصح)
يروح وبعده تجيني نوبة بكــــــــاء من الشي اللي حسيته...
اول مره جتني وامي شافتني .. وثاني مره كمان امي شافتني قالت يلا عالمستشفى لان اللي حولي كمان يحسون اني باموت خلاص ويحسون قلبي كيف يدق بسرعه.. رحت سويت تحاليل وتخطيط قلب وكل شي يقولون مافيك شي.. ويقولون تتدلع :(
بعدها جتني يمكن 4 مرات اخر وحده كانت امس
كنت تعبااااانه ومابي انام ابي امسك نفسي واسهر لاني تعبت انام واصحى من 8 الصبح وماقدر ارجع انام واحنا الفطور عندنا 8 الليل اتعب مره خصوصا انا حامل وهالفتره وحم وتعب
دايما خلاص اطنش الموضوع الحين لا ماقدر انا حامل وبجيب بيبي مابيه يعيش بدون ام ويضيع
والله طول امس ابكي بس عشان هالشي لاني من جد اشوووووووف الموت
وادعي ياربي اذا باموت - اموت الحين احسن عشان ما اولد ويضيع طفلي
اذا وحده تعرف اي شي وتعرف احد جاه هالشي بليز قولولي اي شي
لاني حتى لما اروح للمستشفى ماعرف اعبر وش اللي جاني بالضبط يجيني شي فضيع
انتظركم