البنات المغتربات في داخل الوطن بعد زواجهم من مناطق آخرى

الله يكون بعونكم ...
من جد احس انها مشكله..!!

بالتوفيييق

هلا اختي الحبيبه وردة المدينه ..
والله وجيتي على الجرح :06:
حاسه بشعورك وماالومك على الضيق لأن بعض
الاحيان تنقلين لمكان تنصدمين فيه بطبايع الناس
حتى لو كنا بنفس الدوله..
لكن انا اختلف عنك بشي اني هنا بضيق واذا رحت مدينتي
واهلي بضيق وكدر بأسباب ماهو المجال لذكرها..
لكن اللي ابغى اقوله لك اني فعلاً توصلت بعد ان كنت على حافة الانهيار
والمرض والاكتئاب..اني استطيع العيش والتكيف في اي مكان..
مو البشر اللي من حولي هم اللي بيعطوني السعاده لاااااا هذا شعور ينبع
من داخل النفس الراضيه بأمر الله المحتسبه عند الله خيراً..
يعني بالله علشان مين يصيبنا مرض نفسي :mad: هذا نصيبنا وقدرنا ..
اننا نتزوج ونبعد عن مكان نشأتنا ..ومع الوقت احس ان ربي بعدني لحكمه وخير لي..
عرفت الصديق اللي يحبني لله..عرفت اللي بمجرد البعد نسيوني ولاكأني كنت..
وعرفت ان اللي يستاهل الحشيمه والقيمه هو زوجي اللي صبر على اوقات ضجري وتعبي
وحزني واكتئابي..
وصرت بدل ماابذل المجهود الجبار في التفكير اني مسكينه ووحيده ومقطوعه من شجره بهالديره..
صرت افكر وش ممكن اسوي واقدم ..صرت افكر بمصلحتي ومصلحة اسرتي..
صرت اقول انا مؤسسة هذه الاسره وراعيتها كيف اضيع عمري بأحزان وهموم اولادي وزوجي
ضحيتها والحمد لله اللي تداركت نفسي لأنه بيني وبينك صبر الرجال قليل..
الله يسخر لنا ولك..
اختي انا مره سمعت بشريط للشيخ عايض القرني (الهمم لأهل القمم) كلمه مازالت ترن بإذني
كل وقت..
يقول ...
ان اصابت احدهم بالزكام تنسيهم موتي وموتك :29: ..
قالها على الحزن وتحميل الامور اكبر من حجمها..انا كثرة الكلام لكن حاسه فيك عيوني وعايشه
اللي تعيشينه بس تداركني الله برحمته قبل اموت من الاكتئاب..
والحمد لله رب العالمين.