السلام عليكم ..
شلونكم يابنات حواء :)
مدري شلون أبدأ موضوعي
طبعاً وأكيد عندنا شح وظايف وثلاثة أرباع البنات جالسين مالقوا شغل
أنا أول ماتخرجت كنت أدور وظيفة وعندي رغبة أتوظف
بعد هالسنين خلاص ما عاد أبي وتعودت على جلسة البيت :09:
وعندي اقتناع أني ما أبي أتوظف
ولا أبي لا أدور الوظيفة ولا أسعى لها
وكل ما فتحت السيرة مع أحد لامني وأسمع محاضرة طويلة عريضة
كلش عاد لاقالوا مدامك ماتزوجتي أحسن لك الوظيفة <<< عاد لا سمعت هالطاري يدقون على الوتر الحساس وتصير جروحي تنزف :tongue3:
وختاماً يارب أحد يرد علي
كاني غلطانة ينصحني وكاني ماغلطت يأيدني :icon32:
ترى مايضركم شي أقل من نص دقيقة تكتبون لي
وإذا ما أنتم رادين أدعولي بسركم بالزوج الصالح خخخخخخخ :35:
شاركي في النقاش
سجلي الدخول لإضافة تعليق.
التعليقات
91- أختي الغاليه (ألوان)
وش رايك انتي ....
مدام النعمه جت عندك لرجليك بترفسينها ...
شوفي حبيبتي اذا ربي ماكتب لك في هالوظيفه نصيب ماراح تتوظفين ..
واذا كاتب لك بتصير لك مهما عارضتي ....
بس بقولك شغله من وجهة نظري
بما انك مابعد تزوجتي سواء تزوجتي او ماتزوجتي ....
الوظيفه عز ....
يعني فيها تبنين قواعدك وتتبوأين مقعدك في الدنيا وحلو انوو الشخص يثبت نفسه بشغله ومجتمعه...
حلو ان الواحد يأسس له حيااة إلى متى جلست البيت لاتتهورين وتقولين مابي اتوظف ...
افرضي لا قدر الله تزوجتي وجاك زوج بخيل ساعتها وش بتسوووين ...
اللحين ياقلبي انتي في عز اهلك وبينهم .. بس بعدين ان شاء الله اذا ربي رزقك بزوج صالح
ماتضمنين ..دخله ... شخصيته مع البخل في كل الحالات انتي محتاجه للوظيفه ..
سواءً من الناحية الماديه او الناحيه الإجتماعيه عند الناس ....
وانتي عقلك في راسك وتعرفين خلاصك ...
وانا قدمت لك مشورتي واتمنى تتقبلينها برحابة صدر ^_^
والله يوفقك ويرزقك ويصلحك امورك لكل خير
تقبلي مروري
عزي شموخي - سبحاااان الله اول مره القي وحده زيي اول ماتخرجت كان نفسي اتوظف لكن الان لا مالي خلق ومزاااج وتعودت عل قعده البيت على قولك
والناااس كل من شافني ليه ماتروحين ليه ماتقدمين تقولين هم اللي يصرفوون علي ودي اقولها في وجههم ماابي
اصلا اللي يشوف يقول الوظايف مرميه وعلى قفا من يشيل
والل ييسر لك اللي فيه خير لك
والله يرزقك بالزووووج الصااالح عاجلا غير اجلا ويغنيك عن وظاااايف الدنيا كلها<< حلوه الدعوه صح:35: - الوان حبيبتي اذا انتي مرتاحه ماعليــــــــــــــــــك من احد
اهم شي عندك شهادتك لو لا سمح الله اضطريتي تشتغلين بها
انا احس انه مو كل البنات لازم يشتغلون فيه ناس سبحان الله ماتحتاج لا نفسيا ولا ماديا فليش ننشب لها!!
وصدقيني الناس نشب يعني ينشبون لين تتزوجين واذا تزوجتي ليش ماتحملين واذا حملتي ورا بعض قالوا بسه واذا حملتي وقعدتي فتره ماجبتي اطفال يقولون وش عندها ماتحمل دلع!!واذا مااشتغلتي ليش ماتدورين وليش ماتقدمين يالخبله الدنيا ماتنضمن!واذا اشتغلتي شغل طويل قالوا وش لك بهالتعب!!
<<باين انها طفشانه من الناس وحكيهم:)
صدقيني انتي اعرف الناس بنفسك اذا انتي مرتاحه بدون شغل فسوي اللي يريحك واسفهي الحكي وكبري المخده:) - الله يرزقك بالزوج الصالح وجميع المحرومات :)
ياقلبي الوظيفه عز لكي
يارب ترزقني وجميع البنات بالوظيفه والزوج الصالح
وتغنينا بفضلك
يارب يارب - شوفي حبيبتي استخيري وسوي اللي يريحك
لاتسمعين كلام فلانه وعلانه اذا انتِ مرتاحه وماعليك قصور..
خلاص احمدي ربك وبوسي ايدك وش وظهر على قولتهم..
لو ودك خذي دورات انجليزي او حاسب الي تنفعك .. ادخلي تحفيظ ..
شوفي حبيبتي انا تخصصي يعني ماادري شلون اقولك مطلوب ودراسته مرررره صعبه
يوم دخلت الجامعه دخلت بحماس ودرست وانا كنت متحمسه ومبسوطه على الرغم من الصعوبه
بس يوم جربت التطبيق العملي صعب صعب صعب جدا ماقدرت أتحمل ماتخيلت حياتي وانا اشتغل كذا بهالوضع وبهالمكان
ماصدقت اني تخرجت وبممتاز مع مرتبة الشرف طبعا قلت ابقدم على الجامعه واصير معيده واكمل ماجستير
وحلمت وحلمت دخلت 3 اختبارات ولا انقبلت طبعا الواسطات تلعب دور يوظفون اللي جيد ويتركون الممتاز
في النهايه استسلمت وقلت ربي مو كاتب لي .. ربي راد عني شر ..
والحمدلله مازلت صامده ولا افكر اتوظف اصلا انسدت نفسي والحمدلله راضيه ومبسوووطه
والناس يشهقون اذا عرفوا اني ماتوظفت الى الان ويقولون لي حرااااااااااااااااااااام ...
حلوه حرام تفتون من راسكم ؟؟ قعدتي بالبيت حرام؟؟
اهم شي اني مرتاحه وصرت اسكر هالموضوع من يوم وحده تفتح لي سيرة الوظيفه اقولها ماابي انا مرتاحه والحمدلله
مع ابتسامه عريضه وش اسوي يعني ؟ اناطح الجبال ..؟؟
خلاص كل واحد يعيش مثل ماهو يبي انا ماجيت اشحذ منكم فلوس عشان تغثوني بهالوظيفه..
والله يرزقك بالزوج الصالح الغني بدينه وماله وأخلاقه عاجلا غير اجل ادعي هالدعوه على الفطور برمضان
وبكل سجده تسجدينها صدقيني ربي مايخيبك ,,
معليش طولت بردي بس حسيت اني ودي اقولك تجربتي .. لأن اكره ماعلي اللي يحشرون نفسهم باللي مايخصهم..
ليش ماتوظفتي .. ليش ماتزوجتي .. ليش ماحملتي.. ليش ماتطلعين ببيت لحالك .. ليش ماتجيبين شغاله ..
مواضيع مشابهة
تابعي تجارب أخرى من هذا القسم.