صور فطوري امس واليوم....وان شالله اصوره لكم كل يوم

يسلمو ام عزوزي

ماشاء الله صفره عامره

صح ياقلبي هذي هي السلطه ...يسلم بؤك :D

والجريش انا مااسويه في قدر الضغط ....انا بس اسلق اللحم 10 دقايق في قدر الضغط وبعدين اكمل الطبخ في القدر العادي




الله يعافيكي حبيبتي .....وهذي طريقة الجريش لعيونكم بالتفصيل الممل

وللجريش اول شي اسلق حوالي كيلو لحم في قدر الضغط 10 دقايق على دفعتين عشان يكون عندي مرق كثير .....يعني كل مره اسلق نص كيلو

واكون ناقعه من كم ساعه كوب ونص جريش ونص كوب رز مصري...وكمان قطعت بصلتين كبار شرايح وحطيت عليهم ملعقه دقيق وقليتهم زي حق الكشري وبعدين صفيتهم وحطيتهم على جنب

حطيت المرق واللحم كله في قدر ومعاه الجريش والرز بعد ماصفيتهم ومعاهم مكعبين ماجي وخليتهم على نار قويه وبعد مابدا القدر يغلي وطيت النار على الاخر وتركته .....وكل ربع ساعه اقلبه

بعد ماتشرب المرق وقرب يستوي اضفتله ملعقه كبيره بهار مشكل وملعقه كبيره ليمون ناشف مطحون وملح حسب الرغبه وعلبة زبادي كبيره خلطتها مضبوط وبعدين صبيتها عليه وقلبتهم مع بعض وزدت عليهم شوي بصل محمر ومن زيت البصل حوالي ربع كوب او حسب الرغبه (يعطيه طعم روعه) وبعدين وطيت النار على الاخير وحطيت الحديده العازله >>مدري ايش اسمها :22:
وتركته حوالي ساعه الاربع

غرفته في صينيه عميقه ورشيت عليه شوي من زيت البصل بعد ماسخنته وممكن تحطي بداله زبده اذا تحبي ....ورشيت عليه كمان شوي ليمون ناشف وكثير من البصل المحمر ...وكان طعمه يهبل لاااااااااايفوتكم

وسويت شوي حشو بس ماحطيته عليه لان زوجي مايحبه ..وبالهناء والعافيه :26:

ماشاءالله تبارك الرحمن الله يعطيك العافية

علميني يام عزوز الله لايهينك كيف طريقة بسبوسة بالشكولاته