تعالوا شوفوا سالفتي مع السواني...

الماركات كانت اسباني

بس اللحين كلهم حولوا عالصين ويجيبون من هناك غالي ورخيص ويتحكمون بالسعر

صح لسانك

أنا سمعت عن وحده شرت بلوزه من العقاريه ب600 ريال ويقولون انها عاديه مره يعني مافيهاشي مميز وتروح بنفس اليوم وتلقاها بحلة القصمان ب60 ريال يعني شوفي التناقض في السعر والسوق ...............اللي وداها حلة القصمان مره تقدر تروح كل مره بس فيه ناس تحب تكشخ بالسعر والمحل اللي شارينها منه ... اذا الواحد عنده ذوق يلبس وخلاص ... لأن وش ضمنك ان لبسك اللي مكلفه عليه مبلغ وقدره يشوفونه الناس بالهرم ومبارك وطقته ... فالمسأله مسألة أناقه وبس ..

والله انا في استراليا الان وبنتي قبل ماروح شريت لها من الهرم ملابس عشان المدرسه والكل منجن على لبسها من جبته وبكم شريته
الاجانب لو يدرون انه قيمته اقل من 40 ريال وش بيقولون والله حتى جزمه شريتها ب15 يقولون ما شفنا زيها .. الله يعز اسواق السعوديه ما شفت زيها .. بس المسأله تعتمد على الذكاء وعلى ذوقك انتي يعني اذا لقيتي ذوقك بالهرم وطقته لا تقولين بيقولون من الهرم خلك ثقه يعني اكيد بتلاقين زيه بالسواني والعيسائي وغيره


ودمتم بتسوق موفق

روحو لطريق الطفل اللي بالعليا شوفو النصب صح الاسعار بالالاف على شاي والله مايستاهل