السلام عليكم
بنات وربي مقهورة من قلب معقوله رمضان شهر الخير فيه هالاشكال اعوذ بالله والله ان سلفتي غاثتني ومااقول هالكلام غيبه لها بس معاد اقدر وقدر افضفض لاحد زوجي يعرفها بس مايحب سوالف الحريم
اتخيلوا هي ترسل لي طعمه ع الفطور (هذي عوايدنا الجيران يطعمون بعض)
عاد انا من عادتي ماارجع الصحن فاضي كذا علمتني امي مالكم بالطويله كنت ارسل لها ومرات ارسل تحت لاهل زوجي
امس بالصدفه نزلت لهم كلهم هي واهل زوجي اتخيلوا بالصدفه لقيتها منزله الاكل اللي ارسلته لها على انها هي اللي طابخته :06: اتخيلوا الوقاحه
وهي كانت معصبه عليهم لان ام زوجي ماعطتها وجه وقالت لها افطري بشقتك وهي تبي تفطر عندهم بس كرشوها تجي عندنا انا وسلفتي الثانيه تسبهم وتتكلم فيهم وحنا مانعطيها وجه لاننا خابرينها نقاله حكي
تخيلوا النفاق تحكي فيهم فوق وتخدمهم تحت تخيلوا اكتشفت انها كل يوم تنزل تطبخ لهم السحور وماتاكل معهم تصعد فوق تاكل شفتوا الاستحقار انا صرت اتسائل كيف تنام مرتاحه لما تحط راسها ع المخده مايأنبها ضميرها؟؟؟
لا وحنا في البيت كله فوق وتحت نعاني من هجوم فيران علينا وقاعد نكافحهم انا ماعندي غير وحده وسالتها يافلانه وش تسوين بالفيران قالت وعع انا ماعندي فيران الفيران تجي ع الوساخه (اي وساخه والبيت كله ملغوم)
واهل زوجي بعد اشتكوا لي من وجود الفيران عاد بالصدفه كنت اسولف مع ام زوجي اسالها عن الفارة كان ينط ولد سلفتي هذي يقول ايه امس امي تطارد الفاره في الصاله هههه ربي كشفها وزوجها سال زوجي عندكم فيران قال زوجي ايه بس وحده ومدري وينها طردي وراها قال ياخوك اكلونا الفيران كشفها ربي الكذابه
وشرايكم بهالدنائه انا مو قاهرني الا انها تنزل طبخاتي تحت على انهم لها
انا لو مسكتها مره ثانيه ابقول لها
(كيف من داخل تحترمي نفسك وانتاي عارفه انك منافقه كل هالسوالف تسويها عشان زوجك مايتزوج عليك)
هي زوجي يبي يتزوج عليها بس اهله رافضين
يكفيها انه مو صابر عشانها بس اهله ماسكينه وش الفايده اصير خدامه لهم عشان مايعرس علي
اذا ماحبني لنفسي ولا بقريح عمره ماقعد انا اروح اخطب له اذا مابغاني لنفسي
حسبي الله ونعم الوكيل فيها
بنات ترى انا مقهورة بليا اللي عندها كلام يغث تقوله شفوي لاتكتب وتقهرني
شاركي في النقاش
سجلي الدخول لإضافة تعليق.
التعليقات
20- وسعي صدرك وطنشي ..
وطبخك عادي إذا قالت أنه لها .. أحسه انتقاص لها ليس لك .. لا تهتمين - تصدقين رحمتها مسكينه كلكم عليها
حتى الفيران صارت من بيتها وهي سببها الله المستعان !!
الفيران لاطبت بحاره الله يعينهم وبتجي البيوت كلها نظيفه ولا وسخه الله لايبلانا بها
خصوصا اذا فيه حفريات قريبه او صرف صحي
بالنسبه للطبخ روقي يابنت الحلال وسوي خير وقطيه بالبحر وهي بكيفها توديه للمريخ وماعليك منها
يعني اهل زوجك مايعرفون يفرقون بين طبخك وطبخها !!
واذا هي ماتعرف تطبخ علميها واكسبي اجرها
وزواج زوجها مو معناه انه يكرهها .. انتبهي من الشماته بكره يجيك مثل ماجاها
ونصيحه لوجهه لله
تعاملي مع الناس باخلاقك مو باخلاقهم والرسول حثنا على مكارم الاخلاق
اذا هي منافقه سدي اذانك عنها وخليك احسن منها ولاتجيبين سيرتها لابخير ولا بشر
وادعيلها بصلاتك ان الله يهديها ويصلحها ويسخرلها زوجها ويخليلها عيالها
اتوقع لو صارلك شي لاسمح الله بتوقف معك وقفه مابتسينها .. مجرد احساس ..
الله يصلح حالكم - سبحان الله تشبه وحده اعرفها 000هههههههههههههههههه
ماعليك وطنشيها احسن لك - مشكورة حبيباتي ع الرد
بس انا مااتهتمتها انها مصدر الفيران انا قايله ان الفيران مو من الوصاخه والدليل جت في بيتي مو معقوله اتهم نفسي بالوصاخه
انا نقدت عليها كذبها وانها ترمي كلام علي
وغير كذا نمامه ونقاله حكي ع الفاضي والمليان وانا ماشمت فيها عشان زوجها بيعرس بس بطريتها هذي تكسب الناس وتخسر نفسها واحترامها لذاتها - علمت أن رزقي لن يأخذه أحد غيري فأطمئن قلبي
ياحياتي انتي والله بهالزمن راح تصادفين من هالاشكال ماهب ودب
فاحسنلك طنشي لا تحرقين دمك
وخليها تقول انها هي اللي مسويته المهم اجرك من عند ربي مراح يروح
وادعيلها بالهدايه
وان شاء الله زوجك يجيبلك شغاله يارب
وصدقيني هي فترات وتعدي وتنتهي فتحملي
مواضيع مشابهة
تابعي تجارب أخرى من هذا القسم.