حبيبتى كلامك لمس قلبى جامد ربنا يكرمك يا رب
بصى يا ست البنات احنا رزقنا جى جى ان شاء الله فبلاش نعيش احلى ايام حياتنا فى بكاء و ألم ربنا يكرمك ياااااااا رب
بالنسبة للتلقيح هو مختلف عن الحقن خالص
التلقيح ذى الطبيعى بس بياخدو الحيوانات المنوية بتاعة الزوج و يحطوها فى ادوية بتحسن ادائها و حركتها و بيشيلو المشوة يعنى بيظبتوها و الزوجة بتاخد منشطات عشان البويضات تكون حجمها مناسب و بيحقنو عينة الزوج فى الرحم فى عميلة ذى كشف النسا بالظبط لا فيها الم ولا اى وجع خالص
و بيبان النتيجة بعد اسبوعين
و عن نسبة نجاحها
نسبة حدوث الحمل بين زوجين طبيعيين مافيش فيهم اى مشاكل لا تتعدى الـ 25% كل شهر اما نسبة التلقيح بترتفع الى 30%
اما الحقن المجهرى فبياخدو البويضات خارج الجسم بعملية تحت البنج بس برضو عملية بسيطة و بيحقنو كل بويضة سليمة بحيوان منوى سليم و يتركوهم ليكونو جنين و يرجعهوم للرحم و تبان النتيجة برضو بعد اسبوعين و نسبة نجاحا اعلى من التلقيح لانهم بينقلو جنين للرحم
بس انا اعرف واحد صاحبيتى عملت تلقيح 5 مرات و الحمد لله ربنا كرمها فى خامس مرة و هى الحمد لله حامل فى الشهر الخامس
انتى بس دقى جميع الابواب
فى مقولة بتقول
عليك بالمحاولة و ليس عليك ادراك النجاح
و ان شاء الله ربنا يكرمك و تفرحينا معاكى
باقى البنات تقبلو تحياتى و دعائى فى الشهر الكريم ياااااااااااااااا رب
ملف جديد للمقبلين على التلقيج المجهري وأطفال الأنابيب
متابعة النقاش، صفحة 405