السلام عليكم ورحمة الله وبركاته
شخباركم ياحوائيات .. ان شاء الله تمام .. كل عام وانتوا بالف خير .. ورمضان كريم :21:
يابنات موضوعنا اليوم حول الهدايا اللي ممكن تهدينها لزوجج وخصوصا انه العيد جاي فالطريق ان شاء الله ..
اول شي بعطيكم كم فكرة انا سويتها هدية لزوجي
وابيكم تعطوني افكار جديدة .. لاني محتارة ولاادري شنو اخذ له هدية ..
- قران كريم ومعاه دهن عود غالي وطبعا غلفتهم تغليفة حلوة
- مجموعة عطور مختلفة بعضها هو كان خاطره فيها .. سويتها على شكل ديكور فالنص دبدوب وهم مصففين حولها
وطبعا تغليفة راقية مع شرايط ملونة وايد استانس عليها ..
- طقم قلم وازرار فضة انا فصلتها له .. مسكة القلم اللي تدخل فجيب الثوب سويتها اسمه والازرار اول حرف من اسمه
ونقشتهم كانت وايد حلوة .. وهالهدية كل ربعه سألوه عنها
- خذت صندوق حلو وشريت له تيشرتات متنوعة ورتبتها فالصندوق و عطرتها له
- ساعة فخمة
هذا اللي اتذكره الحين
الحين ابي منك فكرة لهدية مميزة .. وميزانيتي 700 ريال .. :44: احس اني متوهقة ماعرف شاخذ له ..
ابي شي جديد مابي هدايا تقليدية
ياللا انتظر تجاربكم
أختكم - ندى
شاركي في النقاش
سجلي الدخول لإضافة تعليق.
التعليقات
130مواضيع مشابهة
تابعي تجارب أخرى من هذا القسم.