استشاااااااره .. (ارجو من الموظفات المتزوجات الدخول)

مرحبا حبايبي

حبيت استشيركم بموضوع لأقرب صديقاتي

اهي بتتزوج قريب بإذن الله ادعوا لهأأأ
اهي متضايقة من موضوع .. هي موظفة بمدرسة اهلية براتب قليل
وتحب وظيفتها .. وكانت متوظفة لأنها ماتبي تحس بالفراغ
،،،
الحين وضعها تغير المدراس الاهلية يبغا لها تفررغ ومجهووود كبير
وهي بتتزوج . . كيف توازن بين الاثنين البيت والشغل
وبنفس الوقت تبي تستقل مادياً .. ماتدري عن زوجها وتعرفون غلاء الاسعار

ياليت تساعدوها .. وهل اذا استمرت عالوظيفة وش جدولكم لها؟
الطبخ / الغسل / الشغل وطلباته
خاصة انها ماتبي تهمل بيتها ولاشغلها ..

والله يوفق كل من ترد وتسآعد

33 تعليق 3,038 مشاهدة

شاركي في النقاش

سجلي الدخول لإضافة تعليق.

التعليقات

31
  1. هلا ياقلبي بالنسبة لي انا عندي طفلين بس اجي من الدوام ومنهد حيلي وانا عندي خدامه
    بس قبل كنت اسوي غداي بالليل واحطه بالثلاجه واذا جيت من الدوام احميه بس احاول اخلص شغلي كله بالدوام علشان مااجي للبيت واخلص شغلي
    بس بصراحه متعب
  2. @hash_hash

    إذا هي منظمة و نشيطة تقدر بكل بساطة تهتم ببيتها ووظيفتها ..
    كنت أشوف معلمات متميزات في العمل وناجحات في حياتهم الأسرية و البعض عندهم على 3 و4 أطفال وأحيانا أكثر..
    يستغلون كل دقيقة فراغ في الدوام ويخلصون شغلهم و يحظرون لدروس بكرة . وفي البيت أوقاتهم منظمة بحيث لكل شي وقت معين وما شاء الله ربي يبارك لهم في وقتهم ويقدرون ينجزون في اليوم الواحد أكثر مني ..
    أعرف وحدة اهل زوجها معتمدين عليها كثير وبرضه امها مريضة ولازم تزورها كل يوم وتشتغل في مشغل ايام الإجازة الأسبوعية وحياتها مع زوجها ما شاء الله تمام لأنها تستغل أوقات خروجه من البيت وتخلص اشغالها فيه ..

    السر كله في التنظيم اوالإستعانة بالله واخلاص النية وربي يوفقها وييسر أمرها ..
  3. @alsmt_hkm_1

    انا اشوف انها تقعد في البيت وبلا استقلال لان الرجال اذا شافها ماتشتغل بيعطيها صدقيني يمكن اكثر من راتبها لكن اذا صارت تشتغل مايعطيها ولا ريال حتى لو صار راتبها قليل وامه معاهم والكبار يبي لهم من يهتم فيهم ...
    نصيحة مني , لاتدرس تجلس في البيت وبترتاح .
    لو انها وظيفة حكومية كان ردي عليك غير لانها ثابتة ودايمة وامان للحرمة حتى لو الراتب قليل لكن الاهلية يمكن السنة الجاية يقولون لها مانبيك ويك الساعة بتتعب لان زوجها ماتعود يصرف عليها وبيحس انها ثقيلة عليه خاصة ان الرجال اول مايتزوج يحط في باله انه بيصرف على زوجته ...
  4. لا تداوم والله الدوام تعب

    والطالبات ماعاد مثل اول

    البيت اريح لها

    ماراح تموت من الجوع

    ومشكلة ان امه ساكنه معهم يعني بتسمعها كلمة في الطالعه والنازلة

تابعي تجارب أخرى من هذا القسم.