أختي الحبيبة أم الجود
اشكرك كثير على تفاعلك ورغبتك في المساعدة واسال الله ان يجزيك كل خير ويحقق لك ما تتمني
مضى على زواجنا حوالي ثلاث سنين وربي ما رزقني اطفال الى الان والسبب مني لضعف شديد في المبايض وتصدقي احيانا اقول سبحان الله يمكن خيرة من الله اني ما انجبت منه ,اما علاقته باهلي فممتازة وكلهم يحبوه ومخدوعين فيه وشايفينه مسكين على نياته
علاقتي باهله معدومة لانه باختصار ابوه وامه متوفيين من زمان وما عنده اخوات بس عنده اخ واحد وعمري ما شفته او سمعت صوته او حتى كان في اتصال بينه وبين زوجي
اسلوب التعامل بيننا بصراحة هو رايق يعني ما يعصب ولا يسب ولا يغلط بالكلام ونادرا ما يناديني باسمي كله بس يقول حبيبي وحياتي , بالنسبة لي تعاملت معه باحترام ومودة واراعي حقوقه وواجباته كاملة والله على ما اقول شهيد , بس الصدق اني عمري ما حسيت انه يحبني بجد واشعر انه منافق وله مليون وجه يغير فيهم حسب الظروف
اما الوسط اللي يختلط به في العمل ما اعرف عنه شي , وفي محيط الاصدقاء فله صديق واحد وسيء جدا حتى زوجته تشتكي منه ومن خياناته لها
والله مدري احيان افكر واقول خلاص لازم اطلب الطلاق لاني ما اقدر اعيش مع واحد ما احترمه وطاح من عيني
والله المستعان
فقدت احترامي له نهاااائيا
متابعة النقاش، صفحة 5