«•هديتي لحواء جدولي الخاص للعناية بالبشرة والشعر من تبدأ معي ؟؟•»
ادخل فالموضوع على طول
صراحة انا الوحيدة بالبيت اللي مشتغلة خلطات ومتضايقة مرة مافيه اي حماس ..
وخايفة أمل واوقف لأني دايما مااكمل اسبوع وبعدين اطفش
عشان كذا قلت اسوي جدول واشوف من تمشي معايه فيه عشان نحمس بعض ونتشجع وكل يوم وحده تكتب وش سوت واش النتايج اللي لاحظتها...
مااطول عليكم هذا جدولي من بداية رمضان
للجسم
خلطة عبارة عن (علبة جليسوليد+زيت الجلسرين +كركم +زيت زيتون+زيت خروع)
كل يوم اخليها ساعتين واحيان اكثر وبعدها
أغسل جسمي بصابونة الطاووس
وأحط بعدها مرطب (زيت لوز +زيت جنين القمح) قبل النوم
للوجه والرقبة
أغسل وجهي بصابونة البابايا 5في 1 والله مرة خطيرة
وبعدين اسويلها تقشير بكلين آند كلير
واحيان بمقشر المشمش تعجبني ريحته *_^
وبالنسبة للماسك
بصراحه كل يوم اسوي خلطة شكل بس الاغلب هالخلطات
الأولى
عسل +زبادي محمض +برتقال
الثانية
زبادي+طحينه+جلسرين+خميرة+شوفان+عسل
بس مشكلتي بترطيب الوجه لاني كل مااجرب كريم للترطيب ماارتاح عليه بشرتي تطلع فيها حبوب واحس بلسعه
وزيوت صراحه اخاف احط يطلعلي شعر بوجهي
للرموش
زيت الخروع يوميا قبل النوم
للشفايف
اول شي تقشير بزيت زيتون وسكر (((وربي روعه يابنات راح تحسين بنعوووومه))
وبعدها
مرطب عبارة عن عسل +فازلين +زيت لوز حلو
للشعر
مايونيز +عسل +زيت زيتون أو لوز+زبادي +خل تفاح
وحمام مغربي فكل اسبوع مرة..
تكفوووووووووووون يابنات اللي عجبها جدولي تقولي عشان تسويه واتحمس معاها
بس عندي لكم طلب صغيرون انا الهالات تحت عيني مجننتني نفسي بشي غير شرايح الخيار والبطاطس تكفون اللي عندها كريم فادها تكتبلي اياه انا مفكرة اروح الصيدلية واسأل بس اخاف يعطوني شي مو تمام..
على فكرة بنات اللي عندها أي استفسار أنا حاضرة مايردها الا الكيبورد:2thmup:
يللللله الحين من تبدا معي ؟؟؟؟