السلام عليكم ورحمة الله وبركاتة
اخواتي ارجوكم ساعدوني أنا من يوم طلعت التعينات ونا في حيرة وهم مايعلم فية الا الله
وهذي قصتي:
أنا لي سنوات ونا أنتظر التعيين في المنطقة التي يعمل بها زوجي ولكن ماحالفني الحظ والسنة هذي قررت أني اقدم في منطقة أهلي واهلة والحمد لله جاء التعيين ولكن من ذاك اليوم ونا مافرحت أول مانزلت التعينات راح زوجي ودور بيت اجار نسكن فية وأول مادرى ابوة قام يلعب في راسة ليش الخساير وليش وليش ..... وبيت اهلك موجود خلها تجلس مع اهلك هذي السنة ويمكن يصير لها نقل السنة الجاية وزوجي وافقة القرار بس المشكلة أنا عندي بنت وولد وحامل وبصراحة أنا ماحب خواتة ولاهم يحبوني خاصة وحدة منهم حشرية في كل صغيرة وكبيرة وهي مطلقة لدرجة أنها تسئل ولدي أمك وابوك يش يقولون وقت النوم والدلخ لازم يجاوب على كل سؤال
والمشكلة الثانية عندي : اذا عندت وقررت اطلع في بيت لوحدي ماعندي شغالة ورحنا المكتب قالوا بتطول اقل شي اربعة شهور والمشكلة ولدي يدرس ومافية أحد يودية المدرسة خاصة اذا جت المدرسة بعيدة عن المنطقة شوي
ارجوكم قولولي حل وخففوا عني
والله العيشة مع اهل زوجي ماتنطاق حتى اللقمة يتحسفون الين يعطوناها والله ان ام زوجي تحط الاكل وكل شي زين في غرفتها والثلاجة في غرفة البنات هذا من غير غرفتي الا على الطريق وجلستهم في الصالة اذا ابي ادخل أو أخرج لازم أقول خلوا فلان يطلع وكلة كوم وامة كوم ثاني دائما ترد الوحدة تحط على راسها شي وتمشي عيالي مايرتاحون قوم قوم ماياخذون راحتهم في بيتهم
طبعا وما خفي اعظم عطوني حل اترك التعيين مع انه فرصة وجت وضروفنا صعبة
أو اطلع في بيت وجيب حبشية وامنها على بيتي وعيالي خاصة أن بنتي عمرها ثلاث سنوات
أو أعيش مع أهلة مع اني مستبعدة هذا الحل خاصة ان ماهم بيمسكون عيالي ولا شي لازم شغالة
وصعبة اتركهم عند اهلي خاصة ان امي كبيرة ولا عندها شغالة وابوية مايحب صجت الصغار وعيالي مافية احد مايشتكي منهم
اسفة طولت عليكم لكن والله الهم كل يوم يزيد وكل يوم يروح من رمضان انقهر احس الدوام قرب ونا مالقيت حل
أه أه يالقهر ارجوكم ساعدوني بحل مناسب مع اني احس كل الطرق مسدودة في وجهي
نسيت اقول لكم دوام زوجي مش بعيدة مرة ساعة ونصف بالكثير وهو عندنا صعبة كل خميس وجمعة يجي فيها نروح لاهلة أويجلس معنا عند اهلي وخاصة احيانا تكون اجازتة الاثنين والثلاثاء ويداوم الخميس والجمعة
شاركي في النقاش
سجلي الدخول لإضافة تعليق.
التعليقات
12- الله يعينك
أشوف أنك تستاجرين قريب بيت أهلك وتجيبين حبشيه مؤقته ألين تجي ألاستقدام
وأنت بالدوام تودين عيالك والشغاله لأمك وإذا جيتي على طول تاخذينهم
وفيه حل أنك تظلي عند أهلك لحد ماتجي الشغاله
وممكن تقدمي إجازه بدون راتب لحد ما يترتب وضعك
أتمنى أكون أفدتك - الف مبروووووك التعيين اشتري راحتك واخذي بيت جمب ااهلك او حاولي تفهمينهم الوضع اللي مع اهل زوجك وانه قعدتك عندهم راح يجي من وراها مشاكل كبيره وانه بتجيبين لهم خادمه تخدمهم هم وعيالك وتريحهم يمكن يقتنعووووون الله يوفقك ويختارلك الخير000
- انا حاسة بمعاناتك
انا اشوف انك تستأجرين شغاله وتودينها هي وعيالك الصبح لأمك مؤقت حتى تجيك شغالتك
او تاخذين شغاله اللي للتنازل وتشترينها وتلغين شغالتك الي قدمتي عليها .. - فكري بواقعية ..التعيين مارح تتكرر الفرص ..وظروفك هذي ان شاء الله انها فترة وتزول ...معليه يبيلك صبر وارادة ..
استأجري لك شقة او بيت اي شي يمشي الحال وجيبي شغالة ..واستغني عن اهل زوجك واهلك والله لايحدك الا لوجهه..
مهما كان ترة المعزة زينة الله يعزك وييسر امورك..لحد مايفرجها ربي ويتيسر امر نقلك ..
والله يوفقك - أختي مبروك التعيين ولا تفوتيه تراه فرصة عمرك
اشتري راحتك واستاجروا شقة اوبيت قريب من اهلك وجيبي شغالة حبشية او شغالة بالتنازل
بس انا ابغى اقول لك بالنسبة لأخت زوج ترى هذه قليلة ادب ليش زوجك ما يوقفها عند حدها احد يسأل هذه الأسئلة فهمي ولدك ما يجاوبها
مواضيع مشابهة
تابعي تجارب أخرى من هذا القسم.