يابنات امريكا بليييز... بسافر لوحدي وخايفه موت من التفتيش...

عمره ماحد لمسني في التفتيش
كلها اسئله وتوقيع وهبل بس تخوييف بس قوي قلبك

الله يساعدك

يااااااااااااااااااه....الله يسعدكم واحده واحده والله لادعي لكم اليوم وانا صايمه بنهار الجمعه...قسما بالله هم وانزاح الله يوفقكم دنيا واخره يالغاليين...امين يارب العالمين...

لاتشيلي هم كنت شايله هم التفتيش حييييييييييييل
بس مابهدلونا صح اجرااتهم تاخد وقت بس لاتخافي حجابك مايأذونك عليه وبالنسبه للكريمات نصيحه خدي معاك كل اللي تحتاجينه من مكياج وعدسات واكل بس حطيهم بالشنطه الكبيره مو بشنطة اليد
انا نزلت بواشنطن بس ياهم طلولو علينا واخدوا ازواجنا يالسعوديات وخلوهم بغرف وتحقيق وتفتيش حوالي 2يعني قعدنا في المطار حوالي من 4الى6 ساعات غير ال14 ساعه حقت الطياره مشواااااااااااار الله يعينك بس الله يسهلها عليك

هلا حبيبتي..


لا تخاافين أبد ولا تشلين أيييي هممم..

اصلا هم مايدققون على الحرمة أبد..

أنا كنت مييييته خووف زيك خاصة اني منقبة فخفت يبهذلوني..

اول شي بالطيارة يعطونك أشياء تعبينها اللي هي الـ i 95

هذا الشي فيه بياناتك من اسمك ومدري وشو.. المهم هذا اصلا طاقم الطيارة يساعدونك اذا ماعرفتي تعبين..


ومهم جدا جدا انك تجيبين معك قلم حبر ازرق وتحطينه بشنطتك.. لاني من جد تبهذلت ماكان عندي الا قلم رصاص و طلبت من الطيارة ماعندهم..

ويااا الله لقيت أحد يسلفني قلمه..

المهم..

مجرد تنزلين من الطيارة .. جهزي جوازك وهذي الورقة..


رح تمرين بهذاك اللي بكل المطارات اللي تحطين شنطتك وتمرين تحت الحديد..

<< ياعيني على الشرح:laugh2:

طبعا مافي لازيادة تفتيش ولا شي.. <<هذا الحرمة ما يدققون عليها اما الرجال ممكن يدخلونه غرفة ويمررون جهاز على جسمه ومدري وشو..

لا تخافين من هالنقطة بتاتااا..


المهم بعدها..

امشي مع الخلق.. ورح يوقفون في سرى..


في نوعين من السرى .. واحد للي جنسيتهم امريكية.. وواحد للجنسيات الاخرى..

حلو..


صفي مع اللي جنسيتهم مو امريكية .. واذا جاء دورك ممكن يطلع رجال وممكن حرمة.. المهم هم مررررة حبوبين يعني مايستفزون او شي..


بما اني منقبة .. فكنت مييييته خوووف انهم يعاملوني غير او يدققون علي او يستفزوني..

اقولك يوم جاء دوري.. اخذ جوازي .. وبعدين يقولك حطي يدك بمكان ياخذ البصمات..

ويسألك اسألة جدااا عادية هم اصلا ابدددد ابدد ما يدققون على الحرمة ابدد.. خاصة ان معك بزر يعني بتخلصين بسرعة بإذن الله

اقولك سألني.. ليش جاية ؟؟

قلتله زوجي يدرس من ثلاث شهور وانا جاية عنده

المهم يسألك كم سؤال بعد بسييييطة..


تخيييلي قالي لازم اخذ لك صورة الحين .. شوفي شلون.. قالي تبين اوديك عند حرمة عشان تفتشين عندها ؟؟ تخيلي الاحترام!!


عاد بصراحة انا كنت مرررة تعبانة قلت له لا عادي..

فشلت بس اللثام بسرعة واخذ صورة لي بثااانية..


طبع على الجواز والــ i 95

وبسسسس تطلعين وتاخذين عفشك!!!


ياربي لك الحمد.. على كثر ما كنت شايلة هم على كثر ما يسرها ربي..


وطبعا انا طول الوقت وانا ادعي ربي ييسرها..

يعني كل هذا الشغل ما وصل معي ساعة..


وطبعا انا يوم وصلت امريكا سألت كذا بنت سعودية سافروا لحالهم .. نفس الشي قالولي انهم كذا مايدققون ابد على الحريم..

يعني اللي تسمعين انهم ينطقون بالمطار من 7 الى 10 ساعات هذولي اللي معهم رجال سعوديين..

والبنات اللي سألتهم جو على عدة مطارات اللي واشنطن واللي شيكاقو والل غيرها.. وكلهم يقولون ما تعبوهم..


اهم شي انتي كثري دعاء ان ربي ييسرها لك..


ولاتشيلين هم..



هاه قلت لك قصة حياتي :)


ادعيلي ربي ييسر ولادتي ونفاسي ويخفف علي الطلق:44:




واهلا بك في امريييكااااع :26:

ابداااا لا تخافي وقوي قلبك
انا سافرت كم مره لحالي من غير رجال مع اطفالي والحمد الله تسهلت
ومعاملتهم مره كوويسه وتفتيشهم عادي روتيني زي باقي المطارات مافي شي بزياده
وكريماتك وعطوور وكذا اي شي سائل خليه بالشنطه الكبيره عشان ماياخذوه
والميك اب عاديخليه معاكي لانه مو سوائل ولا كريمات
اهم شي تعبي الاوراق صح واذا ماعرفتي نادي احد من موظفين الخطوط وهم راح يساعدوكي
ربي يسهل لك رحلتك وتوصلي بالسلامه

اتوكلي على الله وهو راح يسهلها ان شالله