غلطتي في بناء او تأثيث بيتك غلطة وتحسفتي وماودك احد يطيح فيها.. هنا نستفيد من نصيحتك.

ممتااااااااااااز
فووووووووووووق

ودي اقدم نصيحه مهمه لكل الي ناوين يخططون لمنزلهم الجديد,,,,,,,,,,,,
لا تخلي تصميم بيتك حلو عشان يعجب الي يجونك وينبهرون فيه انسي هالكلام كله وسوي بيت لك انتي ولعيالك ولأبوهم والشغاله لايصيرون الناس اكبر همك تراك بتتحسفيين...
مثلا يكون اول شي تبدين به في المخطط هي صالات الاستقبال والمجالس تتنقين لها احسن المواقع في البيت تطل مثلآ على الحديقه وتكون واسعه ونظام التكييف فيها راقي وهكذا...وفي المقابل غرفة الجلوس في مكان مهمل وتكون ضيقه وغير مطله على حديقه وهي الي كل وقتك فيها...
..والمطبخ الحلو مكشوف زي الديكور وهو الي فيه الفرن الزين والثلاجه الزينه عشان قدام الناس...وانتي تسوين لك مستودع وتطبخين فيه وتحوسين فيه عشان ماتخربين المطبخ الزين ....
والامثله اكثر من كذا وفي النهايه طلع الزين كله عشان الناس اذاا دخلوا البيت يستانسون كأنه مبني لهم عشان هم يستانسون ويمدحون فيك....تكفون انسوا هالكلام كله ابحثوا عن راحتكم انتم ومستلزماتكم انتم وخلوا حاجات الضيوف هي الي في الاخير لأن هذا البيت لكم وانتم الي بتعيشون فيه 24ساعه في اليوم .وسعوا غرفكم واماكن جلوسكم خلوها شرحه ومريحه ولا تبخلون على انفسكم بأي شي اقصد في التخطيط وتسهيل العيش في هذا البيت الجديد..

تندمت اني خليت المجلس صغير 5*5

مرحبا خواتي انا ندمت اني حطيت قبه في الدور الثاني تطل على الدور الارضي وما استغليت المساحه بان يكون لي صاله كبيره فوق:44:
وما كبرت المخزن والمخزن داخل المطبخ هذا مفيد جدا جدا و درج الخدمه مره مفيد لانه يخدم البيت اذا كان عندي ضيوف يدخل زوجي الى الدور الثاني دون المرور بالصاله الاستقبال:arb: واولادي ماينحرجون من الضيوف على كيفهم:27:

طيب خواتي كم اخلي مساحة المطبخ والغرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علما بان مساحة الارض 500 متر

طيب اش رايكم ياخبيرات
ينفع اخلي بالدور الي تحت مكتب لزوجي بنفس الوقت غرفة جلوسنا ولالا ؟؟؟