البطن بعد الولادة

حبيباتي انا صار لي اسبوعين من ولدت بالسلامة والحمدلله

بس شسوي بشكل بطني انا اساسا عندي كرش صغير ومعدة من قبل الحمل بس الحين صار شكل بطني غريب كأنه خام مترهل بشكل مو طبيعي والبس الحزام لشد البطن ولا احس بفايده لأن حملي كان ماخذ من الخواصر والحين نزلت خواصري في بطني وصار شكله يضحك وانا الصراحه مابي ارجع حق زوجي وشكل بطني بهالحال

ارجوووكم ساعدوني لأني قلت ابي امشي واسوي تمارين امي مو راضيه تقول توك نفاس وما يصير...


:06:

11 تعليق 35,975 مشاهدة

شاركي في النقاش

سجلي الدخول لإضافة تعليق.

التعليقات

11
  1. ابدائي بالتمارين اذا صار لك شهر والبطن يقل ترهله اذا خلصتي الاربعين
    بس ابدائي بكريمات التقشير من الان اذا فيك تشققات
    والبسي مشد يرفع لك من ترهل البطن
    ولازم تمشين بس مهو كثير
  2. كلام امك صحيح انا لما ولدت وجبت بنتي كنت اسوي تمرين البطن وانا نايمه الصبح والليل عند النوم وكنت اربط بطني بحزام كانت الخادمه الي تشتغل عندي جايبتلي حزام غريب شكله مثل الشريطه طويل ومطاطي وخفيت بشكل ملحوظ وكل اهلي لاحظو علي اما الحين الخادمه راحت وعندي خادمه ثانيه ولا لها خبره في هالاشياء وانا حامل للمره الثانيه في السابع ولما اولد ان شاء الله رح اربط على بطني الغتره الي يلبسونها الرجاجيل وما في افضل منها وهذي احسن طريقه فأنت ليش ما تجربين :24:
  3. @ktoty

    صاحبة الموضوع
    لا الحمدلله مافيني تشققات بس ابي اشد بطني وامي مو مخليتني امشي

    الغترة!!!! شلون اربط الغترة وما سمعت احد من قبل ربط غترة وراح الكرش!!!
  4. احنا عنا الحريم مايستخدمون اللا الغتره والبطن ملتصق بالظهر
    والغتره يا حبيبتي على شكل مثلث طبعا وخذي زاوية المثلث وصنفيه [ طبقيه ] لين مايصير مثل الحزام تقريبا مش ترصينه وبعدين تربطينه على البطن ...........................
  5. @shth_alord_alhalm

    والله انا بنت عمي كانت عندها كرش من قبل ما تحمل
    وبعد ما ولدت من خامس يوم تقريبا استخدمت مشد للبطن
    وفوقه غتره وكانت تمتنع عن النشويات وتشرب منقوع الكمون بالليمون
    وانا ما شفتها الا قبل ما تخلص الاربعين بيومين او ثلاثة ماشاء الله والله
    بعد ما شفتها ماشاء الله راحت الكرش الي عندها وعقبالك انشاء الله .

تابعي تجارب أخرى من هذا القسم.