بسمة أمل وهمسة حب لاحلى منطلقات

اهلين حبيباتي المنطلقات متابعة لكم بس من بعيد
الله يفرجها علين اجمعين

تصدقون ياخواتي اني شايلة هم الدوامات من هالحين وش باقول عن طلاقي لصديقاتي وخاصة اني ماحب نظرة الشفة او الدونية اللي يتاضرون بها المطلقة
واسوني وادعولي بالفرج
واعطوني ثقة في نفسي فانا ع حافة الانهيار

بنات انا حزينه من جد

وانا افرفر في المنتدى شفت بنات الملف اللي صار لهم فتره مادخلو القى لهم ردود على بعض المواضيع
ليه مايمرو علينا يطمنونا عنهم

يمكن لاننا مانسأل عنهم بس ماشاء الله البنات صارو كثير وكل وحده تزعل ليش مانسأل عنها والمشكله انه رمضان يعني نقول يمكن مشغولين وماعندهم وقت يدخلو بس لما شفت ردودهم ضاق صدري لاننا مقصرين في السؤال عنهم ولانهم ماعذرونا

ماودي اقول اسماء لانه اكيد فيه كثير راح انسى اذكر اسمائهم وماابغى احد يزعل

بس ودي يعذرووونا لاننا بجد ماعاد صرنا نعرف مين اللي مشغوله ومين اللي زعلانه

هلا اختي

شوفي اول شي لازم تقنعي نفسك انك مو مسويه شي غلط ولا جايبه لنفسك فضيحه ولا فيكي عيب
وايش يعني مطلقه كم وحده تتمنى تتطلق ولا هي قادره

لاتعطي نفسك رسايل سيئه عن وضعك.. انتي اللي تخلي الناس يفكرو نفس افكارك
لما ترجعي للدوام ارجعي بشكل جديد غيري في اللو ك للاحسن اضحكي وانبسطي خليهم يحسو انك فرحانه ومو منكسره
وايش يعني اذا تطلقتي كنتي عايشه في هم وارتحتي منه

اسمحي لي اقولك نقطه مهمه شوفي اسمك اللي انتي مسجله فيه ( هم ما يلتم ) ليه تتفاولي على نفسك
وحكمتي على نفسك بالهم المؤبد

الله اللي خلقك من عدم وعافاك وخلاك في احسن صوره ورزقك بزوج وكتب لك الطلاق ورزقك بوظيفه ومال وعافيه كل هالاشياء ماتثبت لك ان الهم اللي صابك اذا اراد الله كتب له الفرج

حبيبتي عندي لك نصيحه وحده حبي نفسك وعزيها وارفعي قدرك في عينك عشان الناس يشوفوكي مثل ماتحبي

كلنا لما نكون في حالة احباط ويجي احد ينصحنا نقول هاذا مو حاس فينا بس لو ترجعي للملفات القديمه وتشوفي كل وحده كيف لما دخلت الملف كانت محبطه ومنهاره ولما عايشت واقعها وشافت ان فيه في الدنيا ناس مثلها ويمكن وضعهم اصعب هانت عليها همومها

الله يفرج همك ويعوضك باللي احسن منه واذا حبيتي ترمي همومك تعالي هنا واعتبرينا مثل اخواتك

السلاك عليكم .........
شخباركم .. إن شاء الله الكل بخير ...
منوووووووووش لا تحزنين ولا يضيق صدرك .....
اكيد الدنيا أشغال ورمضان الله يشرفه روحات وجيات ... كلن لاهي في نفسه .....
أنا بالنسبه لي أول موضوع ادخله لما افتح جهازي هذا الملف .... حاطه الرابط في المفضله .... إذا حصلت لي فرصه دخلت .... والله بعض المرات ما أفتح جهازي الا عشان اشوف اخبار البنات واطلع اسكر جهازي ..... صدق من جد يتوسع صدري إذا دخلته ... فيه ناس عايشين معي نفس المشكله والحمد لله على ما كتبه يحسون باللي احس فيه .... حتى بعض المرات لما ادخل تكون قافله معي ولما اشوف بعض الردود اللي ترفع المعنويات ارتاح نفسيا ويبعد الله عني هذي الضيقه والهم ....الحمد لله هذا كله من تيسير الله لنا ....
وإن شاء الله غيبت الحبايب ما تطول ... ومن طول الغيبات جاب الغنايم ....
وهذي لك منوووووش ....

وانتظروني تراني بكره جايتكم .....