شاركي في النقاش

سجلي الدخول لإضافة تعليق.

التعليقات

68
  1. الله يكتب لك اللي فيه الخير

    واحس عمر بنتك مناسب مره

    انا واختي تزوجنا سوا وحملنا باول طفل لنا سوا هي قبلي بشهر بس

    وبعدها بـ11 شهر هي حملت بطفلها الثاني وانا لا


    انا حملت بعد سنه ونص 0000واحس هي افضل مني في كل شي سوا من حيث التعب لانها تعبت عليهم سوا اما انا لا مامداني ارتاح من الاول الا تعبت بالثانيه وثاني شي حتى في اللبس هي سهل تطقم لهم الملابس كانهم تؤام ماشاء الله اما انا فاصعب شووي مع ان الفرق مش كبير مرره


    دعواتي لج
  2. الموضوع بجد رائع
    طيب انا بين الاول والتانى 4 سنين وبعد ارع سنين تانى ربنا رزقنى بتوائم وعمرهم دلوقتى سنتين ونصف
  3. @aslob_mmyz

    حبيبتي رجعت مره ثانيه
    لاتفكرين بالليس وانهم يطلعون سوا ويلعبون سوا...وهالاشياء

    فكري بالتربيه وبالتدريس
    ترى اللي ورى بعض ما ياخذون حقهم بالتدريس والتربيه واصلا ما تلحقين معهم

    والله اعرف وحده تزوجت قبلي بيومين
    وكل سنتين تجيب واحد ( ماشاء الله )

    لكن شوفي حالها يرثى له
    اطفال وازعاج والله مهي ملحقه تشوف متطلباتهم
    غير شكلها اللي رايح وطوي و ماعندها وقت تعتني بحالها

    اقسم بالله تملين من مجلسها من حوسة عيالها وشقاوتهم

    بعدين فكري شوي بزوجك
    ترى لو مافرقتي بين حملك بتصيرين:
    سنه حامل.
    سنه والد ومعك بيبي يبي له عنايه ورضاعه ..وقل نوم وبكاء...
    والسنه االلي بعدها حامل ....وهكذا...

    كذا الرجال بيطفش
    روحي شوفي قصص البنات اللي يشكون من جفا ازواجهم ( واسأليهم كم عندك وكم الفرق بينهم )
    وحده تقول زوجي بيتزوج علي واحنا ما لنا 4 سنوات متزوجين
    وبنفس السالفه تقول عندي طفلين وحامل!!

    انا بنفسي قلت معذوووووووووور ,...ليش هو آخذ حرمه يتونس معاها والا مفرخه!!

    جد يابنات انتبهوا لانفسكم
    وارجوا انه ما احد يزعل من كلامي
  4. حبيبتي شوفي شخصيتك وتحملها ...........قريبتي دايما تقول العيال الي وراء بعض حلو ووناسه ويكبرون مع بعض بس والله اشوفها تتعب معهم مره ودايما تطقق فيهم !! تعبت نفسها وتعبتهم معها ...واذا قلنالها ياويلك من ربي ذبحتيهم بالطق تقول وش اسوي ..طب ليش تجيبن وراء بعض ..لي ماتتحمل تخلي فرق كبير بين عيالها انا يوم كانت حامل بولدي كنت اقول اذا كمل سنه بحمل الحين ولدي كمل 11 شهر وشايله الفكره من راسي ...التربيه صعبه والله ....ماابغى اجيب عيال واهملهم والا اتركهم عند الشغاله وش الفايده بس اسم ان عندي عيال ...والدنيا تغيرت التربيه مهوب زي اول والله صعبه ....الله يكتبلك الي فيه الخير
  5. @sun_flower_3

    انا عندي بنت بس مابي احمل الا اذا كملت بنتي الـ 3 سنين .......

    انتي شوفي اللي يريحج

تابعي تجارب أخرى من هذا القسم.