بسمة أمل وهمسة حب لاحلى منطلقات

السلام عليكم ورحمة الله

كيف حال الحلوين ................ إن شاء الله تمام

أنا شاركت معكم من زمان ولفتره قصيره .............. وإنقطعت عنكم غصبن عني والله

والله العالم إني أحبكم.......... وأدعي ربي دووووم إنه يفرجها عليكم وعلي و ينصرنا على من عادانا

ويفتحها بوجيهنا وين ما رحنا

أتمنى إنكم تتقبلوني


بأمان الله :)

منى العسووولة

بعد قلبي زين اللي تذكرتيني لا والله يااختي لا زعلت ولا شي

مريت بايام تصعب على الكافر حسبي الله و نعم الوكيل فيه بس

وانا المبلغ كله دين والله بس شسوي ماكان يرضى يتركني بحالي الا بالفلوس :angry2:

والله يرزقنا من اوسع ابوابه و نسدد الدين اللي علينا

و يعوضنا يارب بحق هذي الايام الفضيلة بالزوج الصالح التقي الله يخاف الله فينا

و بالنسبة لاسمي يعني مس مسوكة مسوكة دلع لاسم مسك

انا كان نفسي اجيب بنت و اسميها مسك لكن ربي ماكتب و الف الحمد الله ان مارزقت بطفل منه

و يارب ماانحرم من الامومة و اكون ام بيوم من الايام يارب :(

السلام عليكم كيفكم ياحلوووات الله يحقق امانينا في هالشهر الكريم ,اعذريني اختي منى العسولة انا من يوم دخلت البيت الي هو ملفك هذا ارتحت وعارفه ان شعاره لا للاحزان والهموم بس والله اني حسيتكم اخواتي عشان كذ اسمحيلي حبيبتي

مادري كيف ابداء والله تعبانة وضايق صدري وهمومي تهد جبااااااال وصابره سنين :44:


بس اسمعوا قصتي واحكمو وتكفون ادعولي انا اختكم محتاجتكم!!!!!!!!!!!!!

انا بطفولتي كنت البنت الوحيدة والدلوعة والمرفهة وكل طلباتي كانت مجابة

وفجاءة صار حادث على امي وابوي فقدت بعدهم طعم الفرح وعشت القهر والحرمان تخيلو جانا إتصال الساعة 6 الفجر الا اسمع واحد يقول معاك ضابط خفر ا مك وابوك صار عليهم حادث وماتو
اه اه اه من ذاك اليوم اخواني مايعرفون يسوقون من الصدمة واحد ساق السيارة وراااااااح طاير على مكان الحادث كان برى منطقتنا وتمينا انا واخوي الصغير مسنترين بالشباك من الصبح لين الليل على امل يرجعون وجدتي الي هي ام امي الله يرحمها كانت مالها الا هالبنت وحيدتها كانت تبكي وتدعي يارب انهم سالمين واحنا معاها نبكي وهي تهدينا وتقول الحين بيجون إن شاءالله

شوي الا الناس جايين وانا اقول اشفيهم هذولا جايين واشوف نظرات الشفقة بعيونهم والله يابنات صرخت وقلت لا امي وابوي ماما تو ما ماتو وقامو يضموني ويبكون ويشربوني ماي ويهدوني

من هينا بدت رحلت عذابي بعد ثلاث ايام من العزاء خالتي تركتنا رغم اني كنت اشوفها مثل امي وعمتي صارت تعصب علينا وتتحكم في البيت كنه بيتها وجدتي المسكينة يدها إنشلت من الصدمة بنتها الوحيدة راحت وهي الي كانت قايمة فيها لان جدتي كانت مطلقة وعايشة ببيت لحالها بس كانت متمسكة فينا. وما كفاهم بعد فترة جاء ولد عم ابوي وقال خلاص إطلعو من هالبيت نبي نأجره وناخذكم عندنا نربيكم وجدتي صارت تترجى فيه تقول تكفى لا تاخذهم انا اربيهم قال لا هذولا عيالنا واحنا اولى بهم قامت تصيح ولا حرك فيه ساكن حسبي لله ونعم الوكيل قالت طيب خلي الولد الصغير الي هو اخوي كان عمره 3سنين رفض والله يابنات اخوي الاوسط لمن شافه يصرخ على جدتي وهو يذلها ماهانت عليه
راح ورجع بسيارة خويه وقال جدتي ماترفع صوتك عليها ولا تهينها لانه تلفظ بكلام عليها (ياويله من الله مصلية وصايمة وقايمة) وقال والله لسوي فيك جريمة قام يتمسكن من الخوف
وبعد مدة رجعو رجال من قبيلتنا واخذونا من حضن جدتي ورضو يخلون اصغرنا عندها واخوي الا وسط قال لو تولعون في بقاز ماخلي جدتي

اما اكبرنا وهو الي كانت العين عليه>>>>>>قال خلاص سوو فيهم الي تبون احرقوهم لانه طفش منهم جدتي تبكي وهم قلوبهم حجر
المهم شتتونا وفرقونا بعد ماكانو اخواني من الاوئل نقلونا من مدارسنا وبهذلونا لمدينة ثانية والله يابنات زوجو اخوي الكبير كان عمره 17عام لبتهم بحجة انها تربينا وتهتم فينا والله يابنات كنا نجي من المدرسة تعبانين وجوعانين مانلقى غدى كانت تطبخ لها ولزوجها حتى المعلبات خاشتها عندها بغرفة النوم علشان ما ناخذها اخوي كان اول سنة بكلية الطب وفصل منها بسبب هذي المشاكل و بعد مازوجوه حسبي الله ونعم الوكيل فيها في هذا الشهر الكريم وبعدها قالو خلا ص بترجعون لجدتكم ارجعو بعد ايش بعد مافرقونا وشتتونا وضاع مستقبل اخواني بسببهم وكلهم فصلو من مدارسهم علشان يصرفون علينا وخططو على اخوي الثاني بس هيهات كبرنا وعرفنا لايلدغ المؤمن من جحرا مرتين .

مرت السنين وصرت انخطب من يوم اني في اولى متوسط وكانو من قبيلتي ومن برى كنت ارفض الي من جماعتي لانه عن جد كرهتهم كلهم من ذاك الموقف كنت اقول لخوي الا وسط انا مابي غير من برى القبيلة لا كن كانو قاعدين لي بالمرصاد صرت ادعي الله في اخر الليل علشان الله يرزقني بزوج صالح يعوظني ما فقدته ويوافق اخوي الكبير بس زوجته ماتركتني في حالي والله يابنات عانيت وشفت الظلم منها بس ماقول الا الله ينصرني كنت وحيدة لا ام ولا اخت كنت بالحالي بغرفتي هي تطلع وتروح وانا ارجي رحمت الله وجدتي فقدت النطق تمام وقمت فيها لين توفت وقبل ماتموت مسكت يدي وقالت لي بس كلمة ياحبيبتي الله يرحمها في هذا اليوم الفضيل.

وتقدملي واحد من برى القبيله امه شافتني بمكان وجات وكلمتني وبقدرة الله وافق اخوي


كنت طايرة من الفرح مو مصدقة طبعا بعد الدعاء ولاستخارة الى يوم زواجي وانا استخير والله يابنات كان طاير في ويقول وينك انتي من زمان حتى كان يقول ترى بنات خالتي ماحضرو الزواج قلت له ليه قال مايبغون يشوفون مين اخذت هينا بدى الشيطان ينغزني الظاهر ان وحدة منهم تبيه اوبينهم شي وعترفلي انهم كانو يرسلون له مسجات إعجاب وكانو يكشفون عليه وهو ماكان يعطيهم وجه.

المهم عشت حياتي ونسيت الموضوع لانه والله يمووووووت فيني .مرت شهور ورزقني الله بولد وفرح فيه وبعدها على طول حملت وجاتني بنت وصارت تصير بينا مشاكل على اتفه سبب تغير صار مايتحمل كلمة مني صرت انا بعد ازعل وروح عند اهلي ويجي يراضين بس كان يتبلا ني بكلام ماقلته عند ناوعند اهله كنت استغرب كيف يحبني ويتبلاني

امه كانت تقل حنا سمعنا انك مسحورة قبل لا اخطبك قلت طيب ليش خطبتيني حتى هو كان يقولي كذا

قلت إذا انا مسحورة ولدك مسحور والسحر صابنا كلنا (( مع اني واثقة اني لا مسحورة ولاشي ))قالت لا ولدي فيه مس من زمان..

حسبنا الله وليش ورطتيني فيه من البداية؟

صار يهدد بالطلاق قايم قاعد وانا صابرة كنت اقول موهذا الي كنت اتمنى من الله انه يعوضني حنان الام وعطف الاب

فجاءة ارسل اغراضي وارسل ورقة طلاقي

وبعد ما انتهت عدتي جات امه تقول ابي اشوف عيال ولدي ليش تحرمينا منهم وانا والله ماحرمتهم لا مصرو ف يصرف عليهم ولا يسأل عنهم اخوي الكبير حاول يصلح بينا عشان العيال ورفض قال خليها تشوف حياتها وانا بتزوج واخذ عيالي
لمن قلت لها ها الكلام قالت يخسى والله ماتربيهم زوجة ابو وجلست تبكي وتضمني

وعشمتني برجعته سنتين كله علشان اعطيها العيال كنت ما ارفض اخليها تاخذهم والله كانت ترجعهم بعد اربع ايام وانا قلبي يحترق من الخوف عليهم ولا ذوق النوم لمن يجون والله كانو يرجعون مرضى وحالتهم حالة


ومن ست شهور تخاصمت انا وياها عشان العيال وقلت شوفي انتي بحسبت امي ولا راح اغلط عيك مهما صاربينا لاكن عيالي ماقدر اصبر عنهم تبين تشةفينهم الله يحييك كل يوم تعالي بس بشرط ماتاخذينهم
زعلت وقامت تدعي وانا ادعي وتقول اصلن ولدي تزوج
وهي الي كانت تعشمني بالرجعة لاكن حسبي الله وكفى الله يجعله في بناتها والله يابنات انه الناس تخطبني بالمناسبات على بالهم اني بنوته والله ما كسر رقبتي الا عيالي


واليوم ارسلت واسطة يكلم اخوي عشان تاخذهم عندها زيارة اخوي قاله باخذ شور امهم واردلك

يابنات ناا ودي ارجع عشان عيالي مع العلم انه العام في رمضان كان بيرجعني ويقول انا تعبت ابي اهلي((((((((( شرطت مهر 30 الف عشان ارجعله رفض يقول لا خوي ليش مهر اخوي يبي يععلمه قدري واني مورخيصة عشان مايطلق كل مرة بالطالعة والنازلة. والله ينصرني على ابوه هو اول واحد صرح بالطلاقمع اني ماقصرت معاه والله انه كان يصحي بناته ويقول شوفو فلانة ماشاءالله عليها من بدري تصحى مو انتم بس نوم وكانويغارون مني مادري ليه ويرزعون باب الغرفة الي اجلس فيها لاجيت عندهم مايبغوني مع اني كنت لهم اخت لاني كنت فاقدة طعم الاخوات طول عمريوحيدة اااااه بس الله يذوقهم مع ازواجهم ماذواقوني بالله فيه وحدة تلبس عريان ومشخلع عند اخوها وغير الرقص قدامه وان كنت شايفة واقول معليش بكرة الله يهديهم.

الحين انا افكر بعيالي يابنات تكفووون حسو فيني وافهموني انا الله اخذ مني اغلى شي بحياتي امي وابوي وعوضني بثنين بدالهم اخاااااااااااااااااااااااااااا ااف يضيعون مني والله يابنات راح اموت ولا انجن لو اخذوهم مني حتى العيد عمري ماحسيت بطعمه الا لمن رزقني الله بهم اوديهم الملاهي واشوف فرحتي بالعيد فيهم
يارب رحمتك من يتم في طلاق وياويلي من الي جاي يارب لا تفجعني في اطفالي

وسامحوني على الإطالة بس والله من زود الهم ومن الي فيني والي عندها حل ورأي تسعفني فيه





--------------------------------------------------------------------------------

--------------------------------------------------------------------------------

لين Zeen
وربي قطعتي قلبي حسبي الله ونعم الوكيل في الناس اللي ما تخاف الله
الله لا يفرق بينك وبين عيالك ان شاء الله
والدعااااء الدعاء يا اختي لا تتركين الدعاء والله ييسر أمورك ان شاء الله
واستخيري بالرجعة بس لا تنسين انه تزوج يعني احتمال تزيد مشاكلكم اذا رجعتي له
وصدقيني اختي محد مرتاح بهالدنيا
واذا ممكن خلي اخوك يكلم طليقك عن عيالك يعني اذا يبغون يشوفونهم يوديهم اخوك ونهاية اليوم يروح ياخذهم