للاسف ضيوف الرحمن يتهانو في بيت الله!!!!!

التمسي لهم العذر
فعملهن صعب ومتعب وشاق
ويتعاملن مع اصناف كثيرة من الناس
ولاتنسين بعد المعاملة السيئة من الناس انفسهم للموظفة أو للمكان .. مثل ماقلتي مسجد وتفرش فيه سفره ؟؟؟
اعتقد هذا غلط .. هذا مسجد ماهو للآكل

مشكورة ع الموضوع

للاسف هذا شي ملحوظ و هالسنة لما رحت العمرة في المدينة وحدة من اللي يخدمون هناك صرخت على امي و تلفظت بالفاظ ما تليق بالمكان الطاهر بس عشان امي دخلت معها اطفال و كان ممنوع !! المفروض تتعامل بادب للانها تخدم عند اشرف الخلق صلى الله عليه و اله و سلم بس ما نقول الا حسبي الله و نعم الوكيل و الله يهديها

بالعكس ما نشوف منهم الا كل خييير وأحترام .. خصوصا اهل المدينه معروف عنهم الأدب ولأحترام .. يكفي أنهم ساكنين في مدينة رسول الله ..

لكن فيه ناس وللأسف ما تحترم المكان ولأ قوانين الدوله اللي يت فيها .. عشان جي أكيد الناس ما بيحترمونهم ..

الاخوات الي يقولوا التمسي لهن العذر اي عذر هذا الي يخليهم يتطاولوا علينا وحدة منهم قبل يومين في المسجد الحرام دعت على امي وعلى ذريتها كيف لها ات تعمل ببيت الله وهي لاتخاف الله في ضيوفه وفي بيته الشريف


نحن من سكان جدة وطول الشهر الكريم مانزلنا المسجد الحرام غير مرة وحدة لأداء العمرة ولكن يوم يجي ختم القران نحب انه نكون حاضرين ختم القران في الحرم وماتتخيلوا كيف بيكون الحرم الحجاج مأخذين الاماكن كلها من الصبح ونجي نحن مانلقى مكان لنا اغلب الاماكن بالحرم للرجال وشي بسيط للنساء ومع كذا المكان البسيط كله مأخذينه الحاجيات طيب واحنا يجلسوا الموظفات بالحرم ينهشوا فينا كأننا غنم مالنا مكان لابالدور الثاني ولا الاول ولا الصحن والله البهدلة الي بنتبهدلها من الموظفات ببيت الله ماترضي الله احنا جايين للعبادة ماحنا جايين نتهان ونتبهدل وينرمي فينا من مكان لمكان