شاركي في النقاش

سجلي الدخول لإضافة تعليق.

التعليقات

437
  1. @sozy_am_aazozy

    صاحبة الموضوع
    كوين44
    ماشاء الله سفره عامره
    طريقة عمل بيتزا الشبكه









    استخدمي اي عجينة بيتزا تضبط معاكي وسوي الحشوه اللي تبغيها

    جيبي صينيه مستطيله وادهنيها بشوي زيت ....افردي فيها نص العجينه وخلي اطرافها تخرج من الصينيه ...وخلي العجينه خفيفه نوعا ما

    حطي الحشوه وحطي الجبنه ....افردي نص العجينه الباقي في طاوله مرشوشه دقيق وخلي حجمها اصغر من العجينه اللي تحت

    سوي شقوق بسكين طولها 2 سم في كل العجينه
    شيلي العجينه بحذر وحطيها فوق الحشوه ومطيها عشان تتفتح الشقوق وخلي اطرافها لبرا وبعدين قطعي العجين الزايد بسكين حاد ...ادهنيها بشوي حليب او بصفار بيضه ودخليها فرن حار ..وبعدين قطعيها وعليكم بالف عافيه :)


  2. @sozy_am_aazozy

    صاحبة الموضوع
    $نجوم الليل$
    ماشاء الله سفر رائعه الله يعطيك العافيه ابغى طريقة كبة الفرن؟



    ابشري حبيبتي :27:

    طريقة الكبه

    نص كيلو لحم بقري هبر..مفروم او قطع
    نص كيلو برغل
    حبه بصل كبيره
    ملح+كمون+كزبره+قرفه+فلفل اسود

    اخلطي المقادير مع بعض وافرميها في مفرمة اللحم 3 مرات اليييييين تصير ناعمه مره

    جهزي الحشو وهو عباره عن لحم مفروم وبصل مفروم وشوي كزبره خظرا ...كشنيهم على النار وبهريهم بحيث يصيرو زي حشوة السمبوسه ..واتركيها تبرد ...وممكن تضيفي لها صنوبر مقلي او شرائح لوز مقليه


    جيبي صينيه وادهنيها بشوي زيت .....وبعدين حطي نص الكبه وافرديها بيدك بالتساوي

    حطي فوقها الحشوه ....وفوق الحشوه افردي باقي الكبه شوي شوي ...يعني حطي في يدك شوي مويه وافردي شوي من الكبه وافرديها وبعدين حطيها فوق الحشوه..وكذا الين تغطي الحشو تماما وبعدين حطي في يدك شوي ماء بارد وحاولي تساوي سطح الكبه بحيث تختفي الخطوط والشقوق ...وبعدين ادهنيها بزيت وقطعيها حسب الرغبه ودخليها الفرن الين تستوي وتحمر من فوق وبالعافيه :39:





    بصراحه لذيييييييييذه وسهله وخفيفه لان مافيها زيت كثير زي المقليه :cook:
  3. سوزي ياعيوني نسيت أسألك عن عجينة العشر دقايق إيش تقصدي بها ؟؟
    وأبشرك أمس دورت على حلى جبل القرفة في قسم الحلويات ورحت لأهلي اليوم وسويته لهم عجبهم مررررررررررررررررررة وانتهى بسرعة
    الله يعطيك العافية وكلهم سألوني فدليتهم على أروع طباخة (سوووووووووووووووووووزي ):cook:
  4. @sozy_am_aazozy

    صاحبة الموضوع
    👑LAYALI 👑
    سفرررررررررررره روعه وعليكم بالعافيه مممكن طريقه الشوربه الحريريه المغربيه بليز اموت عليها



    الله يعافيك ويحفظك ياقمر :)

    وهذي طريقة الشوربه لعيونك :icon28:

    المقادير...والكميه حسب الاشخاص ...يعني اذا كان هذا المقدار كثير سوي نصه

    كيلو لحم مسلوق
    لتر ونص مرق حار
    نص كوب عدس اسود مسلوق
    نص كوب حمص مسلوق
    نص كوب شعيريه مكسره
    نص كوب فلفل رومي مقطع صغير
    حبه بصل كبيره مفرومه
    ثوم +زنجبيل مدقوق
    كزبره خضرا مفرومه
    2 كوب عصير طماطم
    2ملعقه كبيره صلصه
    نص كوب دقيق مذوب في ماء
    ماجي
    ملح وبهار مشكل +كركم +شوي ليمون ناشف مطحون+فلفل اسود

    حطي زيت في القدر واقلي فيه البصل وبعدين الثوم والزنجبيل
    حطي اللحم على البصل وخليه يتقلي معاهم5 دقايق
    حطي الطماطم والصلصه وقلبيها ولما تغلي زيدي عليها المرق المغلي والحمص والعدس والفلفل الرومي والبهار والملح والكركم والليمون الناشف والفلفل الاسودوالشعيريه وبعدين صبي الدقيق المخلوط بالمويه عليهم من خلال مصفى عشان ماتنزل كلاكيع وقلبيها واتركيها الين تغلي وبعدين وطي النار واتركيها تطبخ نص ساعه مع التقليب المستمر عشان ماتنحرق

    والمكونات ممكن تزيدي فيها او تنقصي حسب الرغبه وحسب ماتحبي ...لكن انا هذي مقاديري وبصراحه روعه ومره لذيذه

    وعليكم بالف عافيه مقدما


تابعي تجارب أخرى من هذا القسم.