هلا كروشات اشوف تايورات وحركات وش السالفه؟؟
سكتوا ابعلمكم عن هوشتي اليوم هع هع >>>شريره
اليوم رحت موعدي عند دكتور حمدان وشكله مثقل بالفطور ومنسطل ع الآخر .
الموهيم.... دخلت عنده كان يسألني كل شوي سؤال واستفسار وكني اول مره اجي عنده ماكن عندي ملف يقدر يآخذ كل الهذره اللي بقولها عاد انا مالي خلق وهو بعد وهاكم من الكلام آخر شي قلتله شفيك؟؟؟
قال شو مالك؟؟
قلتله عندي ملف انا هنا وماله داعي الأسئله وضياع الوقت ؟؟
قام يطالعني وقال خليها تقيس لك الوزن والضغط...
عاد انا كنت منقهره من الممرضه العله وقلتلها شوي شوي وش فيك انتي بعد وهي تخازر فيني اجل حاطين لهم ممرضه قشره وتتزمر؟؟
المهم قالتلي اطلعي ع السرير عشان يشوف النبض بالدوبلر قلتلها اوكي وانا قاعده اجهز نفسي الا وهي تدعس بيدي كلينكس انا رميته وقلت لها شنوا هذا ؟؟
الا تقولي عشان يمسح جل بعدين ؟؟لعنة الله عليها انا اول يخدموني حتى الجل هم يمسحونه واقوم احذفه بوجهها وامسح بالشرشف عناد>>>>حركات لعانه
بعدها طمني الكتور ان النبض ممتاز ....>>>كثر خيره ماقصر شدعوه مكلف على نفسه.!!!
المهم الا اقول للدكتور انا مابي الدوبلر ابغى سونار اتطمن على هالمشيمه اللي مخرعيني وتقولون لي بتطيح لو تحركتي زياده هنا ضحك حمدان >>>واخيرا شفت اسنانه وقال شو بدو يطيحها ؟؟؟؟
هاي نازله وان شاء الله بترتفع بالسابع>>>>رد ياليل ماأطولك....
قلتله زين اقدر اروح قال فمان الله >>>كثرت والله مع اصابعك ..>>>اما عليه اصابع تخررررررع اللي بتولد عنده لاتشوفها...
الهم واقوم ادق على المواعيد واخذ موعد ثاني بكره عند دكتوره مدري وش اسمها عشان اسوي السونار .
وبس هذرت عليكم صح ؟؟؟
.•:*¨`*:•.التجمـــ2ـــــع لمواليد ابريل,,مايو،،يونيو.•:*¨`*:•.
متابعة النقاش، صفحة 99