في بيتنا مريض نفسي

السلام عليكم ورحمة الله وبركاته

موضوعي صعب وله 15 سنه بدون حل ولكن ربما وجدت حلا على يد احداكن

عزيزاتي : الله ابتلانا بمريض نفسي مصاب بانفصام في الشخصيه وديناه مشايخ وديناه مستشفى المرضى النفسيين لكن بدون جدوى يجلس في المستشفى شهر ثم خرجوه وقالو تشافى !!! ويرجع اسوأ من الاول وكل شوي على هالحاله بالاخير صار المستشفى يرفض يدخله يقول ماعندنا اسره !!
المشكله مو هنا لان احنا يأسنا من علاجه ولان مرضه بعقله واللي كذا امل الشفا ضئيل جدااا عندهم
اجل وين المشكله ؟؟
المشكله انه مسوي لنا رعب بالبيت بس يصارخ ويخانق ويسب وامي دايم يضربها ويصارخ عليها .... والله اننا ننام ونصحى فجأه على صياحه .. سبب لنا قلق وخوف حتى مانضمن اش يسوي فينا لان ماهو بعقله حتى مره قال لامي مره جيت ومعي سكين وانتي نايمه كنت بقتلك بس بعدين غيرت راايي انتي ربي حاميك
وماصار احد يزورنا لان الناس يخافون منه .. صرنا معزولين ..ويتكلم علينا ويطلع اسرار بيتنا عند الناس واشياء كثيره
باختصار الحياه في بيتنا جحيم بسبته حتى اذا جينا نسولف يخرب جلستنا ويبي الكلام له وحده
بس اهم ماخلاني اكتب الموضوع امي آذاها كثير يضربها ويتفل عليها ويسبها جاب لنا الهم والغم حسبي الله عليه
بالله عليك اش نسوي فيه وكيف نتخلص منه ؟ وين نوديه ؟ خصوصا ماعندنا رجال بالبيت .

44 تعليق 3,270 مشاهدة

شاركي في النقاش

سجلي الدخول لإضافة تعليق.

التعليقات

41
  1. @mrafy_althkryat

    حبيبتي بائعة التوت...
    اسال الله لكم فرجا قريبا عاجلا غير اجل...
    واسال الله ان يشفيه انه القادر على ذلك...
    بس اللي اعرف ان اللي مثل حالته ويسببون عدوانية للي حولهم تكون المستشفيات العقلية اماكنهم اذا صار شفائهم ميؤس منه...
    الله يكون بعونكم يارب...
    ان شاءالله البنات يفيدونك....

تابعي تجارب أخرى من هذا القسم.