يااخوات ايش اتسون لو كنتوا مكاني بهالموقف؟؟؟ابغى فزعتكم بأسرع وقت..

السلاااااااااااام عليكم ورحمة الله....

كيفكم حبيباتي؟؟؟ ان شالله بخير....

المهم...ادخلكم بالموضوع اللي شاغلني...واللي ابغى رايكم فيه...انطلاقا" من القول (ماندم من استخار،،وماخاب من استشار)...

باختصار: هذا الله يسلمكم اخوي وزوجته نووا يروحون للعمره يوه الاثنين من هالاسبوع 18/9
وعازمين امي معاهم للروحه....انا بخاطري عمره بهالرمضانيه...قلت لأمي....قالت لأخوي....كلم على الحجوزات والحمد لله تيسر لي حجز ....

الحيره في الموضوع...ان الرحله يوم الاثنين الساعه 11 الضحى....وفي هذا اليوم عندي في الجامعه امتحان اعمال سنه(ماده عامه) انا وزوجة اخوي(اللي معاي بنفس القسم)...وشوفوا الصدف كل امتحاناتنا الماضيه كانت الصباح من 9 الى عشره...الا هالامتحان خلوه بعد الظهر من 1 الى 2 !!!!

وهنا بدأت حيرتي...
طبعا" في امكانيه ان احنا نأخر رحلتنا في نفس اليوم من 11 ال 6 المغرب...لكن نحس ان لو اخرنا الروحه ماراح تسوى علينا...لأن راح نصفى على يوم الثلاثاء بس...حيث ان رجعتنا ظهر الأربعاء !!!
فما في مجال ان احنا نستغل وقت اكثر في مكه الا بروحتنا 11 الصباح...على الاقل نجلس يوم ونص...ونكون نوصل بنهار وتكون عمرتنا في وقت مناسب...
هذا شي...والشي الثاني ان ادارة الجامعه لما كلمناهم بخصوص الاعتذار عن الغياب...قالوا مو اكيد نعذركم...ونعيد لكم الامتحان...لكن في حال جبتوا تقرير من ولي الامر انكم مظطرين لهالسفره(وحنا فعلا" مظطرين لأن مالقينا حجز بغير هالوقت)..في الحال ((( إحتمـــــال))) نعذركم ونعيد لكم.....

غير كذا وكذا وكذا....
غيابي عن الجامعه راح يصير 3 ايام....يعني راح تتجمع علي ساعات غياب محترمه
مثلا" في وحده من المواد راح يصير غيابي فيها 8 ساعات من مجموع 12س....وماده 4س من مجموع 12س...وماده4س من مجموع 6س...؟؟؟؟!!!

يااخوات...
ماتتخيلون وش قد خاطري اروح للعمره...وخصوصا" انها في رمضان (بأجر حجه مع الرسول)....وفي نفس الوقت فكرت بامتحاني...وساعات غيابي....
طبعا" استخرت...وللحين ماستقريت....وقلت بعد استشير اخواتي...وآآاخذ رايهم واشوف الصلاح...

ياغاليات لاتبخلون علي لو بكلمه....اي وحده تقرأ كلماتي....تتخيل نفسها بهالموقف...وتقولي وش راح تختاااااااااااار؟؟؟؟؟؟

12 تعليق 1,739 مشاهدة

شاركي في النقاش

سجلي الدخول لإضافة تعليق.

التعليقات

12
  1. @aasoool

    وربي حاسه بحيرررتك

    فــعلا عمرة برمضان ما تتفووت ابد

    بس بما انه تقريبا كل الاشياء ان شاء الله ممكنه

    يعني الرحله تقدرون تأخرونها ان شاء الله

    وساعات الغياب ما راح تتجاوزينها ان شاء الله

    وحتى لو يوم ونص

    ولو نص يووم بمكه يسووى الدنيا وما فيها يا اختي

    انا نصيحه لك ما دام كل شيئ متيسر ان شاء الله

    انا رأيي المتواضع انك تروحين وتعتمرين

    وان شاء الله ماكو شيئ بيفووتج

    كلها يووم وان شاء الله العذر بتجيبنه من ولي الامر وخلااص انحلت لاا تعقدين المسأله

    وقبل هذا وكله طبعا صلي استخاره مره ومرتين وثلاث لمن ترتاحين نفسيا

    ويالله يارب يكتب لج الي فيه الخيرر

    ولاا تنسيني من دعائج يالغالية:26:

    اختج في الله عسووولة
  2. @hagr24

    السلام عليكم ورحمة الله وبركاته،،
    الله يّسر امرك ويسهل دربك..
    إذا كنتم تبع حملة خاصة ولها ارتباطات وإلتزامات
    حاولو تنسقون معهم تكون الروحة يوم الثلاثاء أو الأثنين الساعة6
    وتأخر الرجعة لين يوم الخميس أو الجمعة
    أهم شيء الواحد يؤدي العمرة حتى لو يوم واحد بس
    غيرك ما حصلت له,,,
    الله المستعان،
  3. @lyh_alsd

    عزيزتي ابدا ما فيه شي يحير العمره ما تفوت في هاذي الايام الفضيله مدام تيسرت الامور ابد روحي والعذر قدميه عن الاختبار وبعد عن نفس المحاضرات لهذا اليوم واكيد ما راح يعقدون عليك وفوق هذا كله اتوكلي على الله وانشاء الله ان الله بيسرلك الامور كلها ويسخرلك ادارة الكليه... ومراح يعقدون عليك ابد بس انتي الحي عليهم في قبول عذرك وسوي نفسك قدامهم كانك بتروحين غصب عنك يعني كان ولي امرك غاصبكوانتي مغلوبك على امرك تري والله بيرحمونك ويمشولك العذر :17: مجربينها كثير



  4. لا يكلف الله نفسا الا وسعها
    ومثل ماقالت اختيـ عسولة لو نص يوم بمكه يسوى الدنيا ولي فيها :)

    ولو قدرتوا تاجلون الروحه ليوم السبت 22-9 بدايه الاجازه يكون اريح لكم اذ يعني نفسكم تطولون اكثر

    والله يوصلكم بسلامه ويتقبل منا ومنكم آمين :26:

    ..

    .



تابعي تجارب أخرى من هذا القسم.