ملابس البازارت ..... اش رايكم فيها؟؟؟؟

ياناس أنا رحت مرة لبوتيك مصممة ولقيت عندها مثل فستاني شاريته جاهز من حياة مول
والبازارات صراحة خلاقيييييييييييييييييييييييييين

حلو الموضوع بصراحة وجزاء الله خير راعية الموضوع اللي عطتنا موضوع نحط فيها ارائنا وخبراتنا من هالبازارات

يشهد ربي مالي مصلحة وانا محايدة ولا ابي اكسر رزق احد..بس للأسف هالبازارات اسعارها مبالغ فيها مرة مرة مرة

اجل اساور تنباع بريالين عند الهزازي وعلى كيفك وتجيك وحده في البازار وتبيعها لك ب15 وتبيك بعد تحمدين ربك انك لقيتي شي بهالسعر ..

من جد كل واحد حر يبيع في السعر اللي يبغاه لكن الله نهى عن الجشع واللي تطلب 8 اضعاف المبلغ غير راس المال وش يسمى ...؟؟؟

ولا على قولتكم هالقطع اللي يبيعونها من جد كن البلايز ((بيز)) من كثر الترقيع ..مافي موديل ولا لون ماحطته فيه ...وبكيف هالشي الناس اذواق...وومانبخس حق احد فيه اخوات يجيبون قطع حلوة ..

لكن والله الاسعار هبل شي مبالغ ..ياختي الاسواق والماركات موجودة قدام الناس وش هالالوفات على هالبلايز ..

اعرف وحده تجيب بلايز من الصين هي وصديقتها وتبيع في البازارات وبلايزها ماتقل عن 500 ريال وطالع وتقول لو اني فاتحه محل ماجبت هالربح ..

انا رايي ان البازارات فكرة حلوة ان التاجرات يعرضون بضائع غريبة ومتميزة بس لازم يتقون الله في الاسعار ..وهذا في صالحهم لانه رح يستمر هالشي وبيلاقى رواج كبير ..

اما اسعار فاحشة وبضاعة صينية مقلدة وعادية فاعتقد شي غير مرغوب فيه

والله يوفق التاجرات القنوعات

فعلا اسعار البازارت تنافس الماركات العالمية

الناس اصلا ماقام يملى عيونهم الا الشي الغالي
وبعضهم يشترون هالخلاقين بس لانها غاليه

الله يستر ع بناتنا