بسم الله الرحمن الرحيم
السلام عليكم ورحمة الله وبركاته
ولدت الحمد الله يوم الاحد الصباح بتاريخ 21\9\2008 طبعا وانا في الاسبوع 36 ماكملت التاسع والحمد الله على كل حال
الحين لي اسبوع من الولاده.
بدأ الالم من يوم الجمعه الصباح الساعه 10 وكنت احس فيه اسفل البطن وكنت احسبه الم من اكل الليل بكريه وماعرف شيء :42:
المهم زاد الالم وقال لي زوجي ضروري تروحين المستشفى وماكنت عارفه اروح وين لانه يوم جمعه والمستشفى مافيه عيادات بس طوارئ وقال زوجي نروح طوارئ الولاده احسن تكشف عليك الدكتوره المهم دخلت وسألوني انتي اي شهر وفيه الم او لا وطبعا كنت خايفه لان مامعي الا زوجي وماخبرت امي وبعدها كشفت علي الدكتوره وقالت الرحم مفتوح 1.5 سم وبعد الم وصراخ :06: بعدها حطو لي جهاز التخطيط وقالوا دقات قلب الطفل ضعيفه لازم تجلسين تحت المراقبه وفطروني وبعدها خفت وخنقتني العبره :44: قال لي زوجي انا بروح افطر واجيب معاي عمتي اللي هي( امي) المهم جات امي وثنتين من خواتي وجلسوا معاي الى الليل وبعدها استقرت دقات القلب الحمد الله و اختفى الالم اللي معاي وفي اليوم الثاني سوت لي الدكتوره سونار وقالت اذا كل شيء طبيعي تقدرين تطلعين من المستشفى والحمد الله كان كل شيء تمام وقالت لي الدكتوره اذا معاك الم لاتمشين عشان نبيك تولدين على الاقل في الاسبوع 37 ولا تصومين لانه بين ان الصوم هو اللي تعب البيبي قلت طيب وطلعت من المستشفى يوم السبت العصر
رجعت البيت وكنت احس الالم يروح ويجي وعلى فترات منتظمه لحد الساعه 3 الفجر ماكنت مشتهيه اكل ولا اشرب شيء حتى زوجي اقول له كل لك اي شيء عشان السحور قال ماني مشتهي بعدها اذن الفجر وصليت ونمت وقمت على الم شديد وكان ورا بعض وراح زوجي خبر امه وجات وسوت لي بخور وقالت لي دهني نفسك بزيت زيتون وكلي حبه سوداء وبعدها اخذت اغراضي ورحت عند امي واخذتها معاي للمستشفى الساعه 5.5 الفجر وكشفت علي الدكتوره وقالت الرحم مفتوح 5.4سم يعني ولاده والحمد الله ربي سهلها بالدعاء وقراءة القرآن فتحت لي الكيس عشان يزيد الطلق والحمد الله جات الساعه 9.10 جبت احلى نوره اول ماطلعت قالت الدكتوره VERY SMALL BABAY فعلا حجمها صغير 2كيلو بس عشان ولدتها بدري وكان موعد الولاده المتوقع 13 شوال لكن الحمد الله على كل حال.
الله يخليها ويحفظها لي ولزوجي اللهم امين
شاركي في النقاش
سجلي الدخول لإضافة تعليق.
التعليقات
39- الحمد لله على سلامتك
اجر وعافيه ان شاء الله
بارك الله لك في الموهوبه وشكرت الواهب ورزقت برها وبلغت اشدها - مبرررروك وتتربي بعزك
- الف الف مبروك
جعلها الله من مواليد السعاده
الله يحفظها لك ويرزقك برها - الحمد لله على سلامتك
اجر وعافيه ان شاء الله
بارك الله لك في الموهوبه وشكرت الواهب ورزقت برها وبلغت اشدها
اي مستشفى ولدتي ..؟ - مبرووووك وتتربى بعزكم وحمدلله على سلامتك
مواضيع مشابهة
تابعي تجارب أخرى من هذا القسم.