مساء الخيرات لكل الحلوات :26:
وكل عام وأنتم بخير جميعا يابنوتات أنا ما أفهم بالميك أب كثير ، بس أعرف بعض الأشياء وأحط لنفسي ميك أب خفيف لأني ما أحب الكثير أبد
المهم عندي مناسبة مهمة بخامس العيد ، قلت أبسأل البنات وش ناقصني علشان أجيب خصوصا ان متوفر معي فلوس
هاليومين قلت أشتري قبل يخلصون ، :D
الميك أب الي عندي :
الأساس ديور رقم 102 ومناسبني مرة الحمدلله :cook:
كريم مرطب قبل الأساس أحط كريم عادي وأحب جرجنز
خافي للعيوب من ميك اب فور ايفر الي فية خمس دواير مع اني ما أحتاجه بس ما أدري ليش شريته
عندي عدة أرواج وقلوسات من مختلف الماركات ، بس المحددات ما عندي يعني هي تفرق ؟ والا لا
عندي شدوهات من مكياجي وبدي شب
عندي كحل قلم أسود رفلون ، السايل ماعندي لأني ماأعرف أستخدمه
عندي مسكرا استي لاودر
عندي بلاشر زهر بلمعة من نينا رتشي مع انه موعاجبني
قلم للحواجب
وبسسسسسسسسس :35:
عاد أقولكم بشرتي الحمدلله صافية ولونها واحد وبس الي تحت العين غامق شوي موكثير يعني شي طبيعي
بس بشرتي مايلة للصفار وجافة شوي علشان كذا أخذت أساس ديور على زهر شوي لان البيج بيخلي بشرتي
باهتة
يالله ياحلوات قولو لي وش ناقصني
فيه أشياء ما أعرفها ، يعني فيه شي اسمه مثبت وفيه شي كريم اضاءة وفيه شي ينحط فوق الأساس
بس ماادري وشو
وفيه أشياء مالها فايدة ماتغير شي بالميك اب وفيه أشياء تغير ،
والي تقولي شي بليييييييييز تعلمني الماركة الحلوة الي جربتها وتتوقع انها تناسبني والرقم وقل شي وتقول وش أثره على المك اب يعني وش يسوي
وشي ثاني تنصحوني أسوي ميك أب بالمشغل اذا كان عندي مناسبة زواج بس مو قريب لي علطول يعني زواج ولد عمتي
والا أنا أصلح نفسي خصوصا اني ما احب الميك اب الثقيل
وشعري أسوي تسريحة والا استشوار عادي خصوصا انه قصير الى أكتافي
وأنا شعري ناعم بس كيرلي شوي وأعرف أجعده بطريقة حلوة والتجعيد أحلى علي من السشوار
يصلح أجعد بعرس ؟
:26::26::26:شكريااااااااااااااااااااااااااااااا:26::26::26:
شاركي في النقاش
سجلي الدخول لإضافة تعليق.
التعليقات
10- Hi...
(razroz )
أذا عندج فلوس زايده عادي طرشيهم ع حسابي...<<<< مسويه نفسي خفيفة دم... مو لايق صح...!!!
المهم فديتج...
أولا: أذا تبين تعرفين شو ناقصج تخيلي نفسج تسوين ميك آب وتذكري الخطوات وقتها بتعرفين شو ناقصج...
ثانيا:خلينا نراجع ويا بعض كيف نسوي ميكب.... اولا كريم مرطب(عندج)... ثانيا الفونديشن وأحسنتي الاختيار يوم خذتي من ديور انا أستخدمه بس ع البيج انا أشوفه آحلى(الناس أذواق) وهذا بعد عندج...بس لحظه عندج الاسفنجه المخصصه للفونديشن!!! عشان يثبت الفونديشن عدل.. بلي الاسفنجه بشوية ماي و وزعي فيه الكريم.... ولا تنسين خافي العيوب قبل الفونديشن خاصة تحت العيون عشان تكون بشرتج نفس الدرجة...
ثالثا: البودرة ويفضل تكون مضغوطه وطبعا من نفس ماركة الفونديشن...
رابعا: الآي شدوو طبعا من الفاتح حتى الغامق ثم الاسود....
خامسا:الكحل والماسكرا والحواجب.... وأهم شي حق العيون مو عندج ...الا وهو الكحل السايل... ما فيه مجال تستغنين عنه..واذا ما كنتي تعرفين تستخدمينه أتعلمي حبيبتي...أوكيه...!!! فيه طريقه انا أستخدمها سهله وتقدرين تتحكمين فيها... تاخذين فرشاه نحيفة بالعرض فاهمه شو يعني بالعرض؟؟؟ وتبلينها بماي وبعدين تاخذين من الكحل على الفرشاة وترسمين على راحتج...ويمكن تستخدمين الكحل السايل مع الآي شدو عشان يخلي الاسود غني وقوي.....بس أهم شي يكون الكحل ضد الماي عشان ما أدمع عيونج ولا يسيح...جربي كحل مكيب فور إيفر السايل ضد الماي طبعا هو مشكلته ان فرشاته مو زينه بس انتي بتستخدمين فرشاة من عندج يعني ما يهم... والماسكرا جربي شانيل اللى فرشاتها عريضة بس أنتي عندج يعني ما يحتاج ..بس عشان المستقبل..طبعا كل الاشياء اللي أقولج عنها أنا أستخدمها يمكن تنفعج...
سادسا:البلاشر..أفضل تستخدمين لونين..الزهري والمشمشي فيه مناطق ما يصير تستخدمين الزهري عليها.. وحتى الخدود حطي زهري بعدين طفيه بالمشمشي.. سؤال: فاهمه شو يعني مشمشي؟؟؟؟
سابعا: الروج.. وقلتي عندج..طبعا اللون يعتمد على شو لون لبسج والآي شدو...
هاه عرفتي شو ناقصج...؟؟؟!!
أما بالنسبة للصالون او المشغل بلهجتكم.... انا حضرت كم عرس في السعودية... أوووفر ... البنات كأنهم مهرجين... ما فيه لون بالدنيا الا حاطينة... سورري بس هذا يدل على عدم الثقة في النفس ومحاولة تضييع ملامح الوجه... حلو اللون الواحد طبعا على حسب لون لبسج و وياه أسووود وطبعا الاسود حطي قد ما تبين لانه حلو في المناسبات...ومثل ما قلت لج أستخدمي الكحل السايل عشان يكون اللون قوي... فنصيحتي أذا كنتي تعرفين تسوين ميك آب حق روحج سويه خصوصا عندج كل الادوات اللي تحتاجينها..فليش تغامرين في المشغل...!!!!!
وبالنسبه للشعر.... ما عرف حق الشعر القصير... بس نصيحه بجمل: من اليوم ورايح خلي شعرج يطوووووول..حلات البنت في الشعر الطويل.. وأول وحده ينتبهون لها في المناسبات هي البنت اللى شعرها طويل...
فيه بعض التفاصيل ما قلتها أذا عندج أي أستفسار محدد أسألي.....لاني ما أبا أطول عليج...
وعييييدج مبارك وكل عام وانتي بخير....****الله أكون أفدتج....!!!!!
على فكره انا المفروض اكتب كلامي كله بالانجلش بس لعيونج هالمره كتبت عربي....
- بنت الأصل مشكوووووووووورة حبيبتي عالرفع
عيدك مبارك - أهلين حبيبتي Evil Queen كل عام وأنتي بخير وعيد مبارك :26:
أذا عندج فلوس زايده عادي طرشيهم ع حسابي...<<<< مسويه نفسي خفيفة دم... مو لايق صح...!!!
المهم فديتج...
ماتغلى عليك الفلوس تفداك
أولا: أذا تبين تعرفين شو ناقصج تخيلي نفسج تسوين ميك آب وتذكري الخطوات وقتها بتعرفين شو ناقصج...
ثانيا:خلينا نراجع ويا بعض كيف نسوي ميكب.... اولا كريم مرطب(عندج)... ثانيا الفونديشن وأحسنتي الاختيار يوم خذتي من ديور انا أستخدمه بس ع البيج انا أشوفه آحلى(الناس أذواق) وهذا بعد عندج...بس لحظه عندج الاسفنجه المخصصه للفونديشن!!! عشان يثبت الفونديشن عدل.. بلي الاسفنجه بشوية ماي و وزعي فيه الكريم.... ولا تنسين خافي العيوب قبل الفونديشن خاصة تحت العيون عشان تكون بشرتج نفس الدرجة...
اي الاسفنجة عندي وعندي كمان الفرش
ثالثا: البودرة ويفضل تكون مضغوطه وطبعا من نفس ماركة الفونديشن...
هنا في سؤال البودرة وش فايدتها وش تعطي الميك اب شكل ، إذا كان مجرد تغطية زيادة فأنا ما أحتاجها لأن بشرتي الحمدلله صافية مافيها بثور ولا خرابيط ، أو انها تثبت الأساس أكثر فبرضو ما أحتاجها لأن أساس ديور جربته يقعد لأربع ساعات مايتغير وأنا ماأبي أكثر من كذا ، بلييييييييز وش فايدتها
رابعا: الآي شدوو طبعا من الفاتح حتى الغامق ثم الاسود...
عندي كل الألوان الرئيسية الي أحتاجها
خامسا:الكحل والماسكرا والحواجب.... وأهم شي حق العيون مو عندج ...الا وهو الكحل السايل... ما فيه مجال تستغنين عنه..واذا ما كنتي تعرفين تستخدمينه أتعلمي حبيبتي...أوكيه...!!! فيه طريقه انا أستخدمها سهله وتقدرين تتحكمين فيها... تاخذين فرشاه نحيفة بالعرض فاهمه شو يعني بالعرض؟؟؟ وتبلينها بماي وبعدين تاخذين من الكحل على الفرشاة وترسمين على راحتج...ويمكن تستخدمين الكحل السايل مع الآي شدو عشان يخلي الاسود غني وقوي.....بس أهم شي يكون الكحل ضد الماي عشان ما أدمع عيونج ولا يسيح...جربي كحل مكيب فور إيفر السايل ضد الماي طبعا هو مشكلته ان فرشاته مو زينه بس انتي بتستخدمين فرشاة من عندج يعني ما يهم... والماسكرا جربي شانيل اللى فرشاتها عريضة بس أنتي عندج يعني ما يحتاج ..بس عشان المستقبل..طبعا كل الاشياء اللي أقولج عنها أنا أستخدمها يمكن تنفعج...
ايه فاهمة عليك حبيبتي أبجيب كحل سايل وأتدرب عليه ، مع أني سبق وحاولت وفشلت فشل ذريع عموما أنا أحط كحل خارجي بالقلم الرفلون وماشي حالة صحيح مو أسود زي ما أبي بس يمشي الحال
سادسا:البلاشر..أفضل تستخدمين لونين..الزهري والمشمشي فيه مناطق ما يصير تستخدمين الزهري عليها.. وحتى الخدود حطي زهري بعدين طفيه بالمشمشي.. سؤال: فاهمه شو يعني مشمشي؟؟؟؟
ايه فاهمة وش المشمشي وش دعوا؟:mad:
وش الحكمة اني أحط بلاشر زهر فوقة مشمشي ؟ وش يعطي لون
و الماركة الحلوة الي جربتيها للبلاشر وش هي ؟حقت نينا رتشي ماعجبتني أبد الزهر الي على لمعة أحسها تشهب الوجة ،
و تتوقعين المشمشي يناسب الي بشرتهم صفراء أخاف أصير كأني مريضة سابعا: الروج.. وقلتي عندج..طبعا اللون يعتمد على شو لون لبسج والآي شدو...
ايه أبسألك عن المحدد يعني لها فايدة أجيب والا لا
هاه عرفتي شو ناقصج...؟؟؟!!
أما بالنسبة للصالون او المشغل بلهجتكم.... انا حضرت كم عرس في السعودية... أوووفر ... البنات كأنهم مهرجين... ما فيه لون بالدنيا الا حاطينة... سورري بس هذا يدل على عدم الثقة في النفس ومحاولة تضييع ملامح الوجه... حلو اللون الواحد طبعا على حسب لون لبسج و وياه أسووود وطبعا الاسود حطي قد ما تبين لانه حلو في المناسبات...ومثل ما قلت لج أستخدمي الكحل السايل عشان يكون اللون قوي... فنصيحتي أذا كنتي تعرفين تسوين ميك آب حق روحج سويه خصوصا عندج كل الادوات اللي تحتاجينها..فليش تغامرين في المشغل...!!!!!
وبالنسبه للشعر.... ما عرف حق الشعر القصير... بس نصيحه بجمل: من اليوم ورايح خلي شعرج يطوووووول..حلات البنت في الشعر الطويل.. وأول وحده ينتبهون لها في المناسبات هي البنت اللى شعرها طويل...
فيه بعض التفاصيل ما قلتها أذا عندج أي أستفسار محدد أسألي.....لاني ما أبا أطول عليج...
وعييييدج مبارك وكل عام وانتي بخير....****الله أكون أفدتج....!!!!!
اييييييييييييييه والله أفدتيني حبيبتي الله يجزاك ألف خير وهذي لك :26:
على فكره انا المفروض اكتب كلامي كله بالانجلش بس لعيونج هالمره كتبت عربي....
مشكووووورة ماقصرتي - ليش تلخبط الاقتباس مع كلامي صار كله مع بعض غرييييييييييييييييبة ؟
- اسمعي زين زين
شي ما تحتاجينه لا تشترينه
لانك ببساطه بتستخدمينه للمناسبه وبس
اذا تبين توفرين فلووسك ... احجزي بصالون و ضبطي شكلك هناك لان المكياج لو انك تستخدمينه و تعرفين له كان شريتيه من زمان!!
مواضيع مشابهة
تابعي تجارب أخرى من هذا القسم.