نعرض باقى الافكار ويارب تعجبكم
بس دى هتبقى خاصة باللى عندهم موهبة
زى التجميل وعمل المكياج
فى الاول تتعرفى على كل انواع المكياج
المكياج اللبنانى والخليجى والمصرى والاجنبى كمان
شوفو يا بنات احلى مكياج بيعجبنى موووووووووت هو مكياج البنات اللى فى المسلسلات المدبلجة
بصراحة جنان
انتى ممكن تبقى ماكيرة شاطرة اوى لو حبيتى الموضوع فعلا
بتجيبى البنات اصحابك وتعملى لهم مكياج وتصوريهم
بس الصور دى تتعرض على السيدات فقط
زى ما بنشوف على النت
وتعرضيها على صالونات التجميل وتتركى لهم رقم تليفونك
ووقت ما يكون عندهم زباين عايزين مكياج بيكلموكى
وكمان انتى بتعملى علاقات طيبة مع الزباين وبيكلموكى مباشرتا
الحرفة دى بتكسب كويس اوى
انا عن نفسى بعمل مكياج جنان
بس مفكرتش اشتغل فى الموضوع ده لان عندى مسؤلية بيت وزوج وبنت ده غير انى بشتغل من البيت فى تصميم الايشاربات
مشروع تانى وده كمان محتاج موهبة
وهو تصنيع الاشياء الجلدية
فى مكينات صغيرة جدا ورخيصة جدا للرسم على الجلود
انتى ممكن تعملى تابلوهات ومحافظ وشنط بسيطة جدا
وعلى حسب الطلب
ممكن تلاقى اللى يطلب منك جلد اصلى واو تقليد وفى الحالتين انى وشاطرتك
ممكن كمان تعملى رسايل غرامية على الجلود
يعنى مثلا ترسمى قلب وتكتبى رسالة غرامية عشان الزوجة تقدمها هدية لزوجها
فكرة كمان
وهى تعتمد على راس المال
تلفى المنتديات كلها والمواقع كلها وتجمعى اكبر تشكيلة من العبايات اللى ممكن تناسب بنات بلدك
عبايات بيتى للسهرات العائلية
وعبايات خروج
وتشوفى التفصيلات الجديدة
وتقومى باستيرادها وتوزيعها على المحلات او بيعها للاصدقاء
شوفى احلى العبايات باسعار رخيصة ممكن تكون فى اى بلد زى المغرب والكويت ومصر وقطر
شوفى ارخص بلد ممكن تعطيكى العبايات
وانتى ممكن تضيفى عليها بعض التطريزات اللى تجعلها احلى واشيك وتزيد من الاقبال عليها
مشروع كمان
هو اتيليه لتاجير الفساتين او بيعها
وده كمان محتاج راس مال
بس اهم شئ تحتارى موديلات تكون قمة الشياكة
وتعملى اعلان صغير عن افتتاح الاتيليه
وممكن كمان تضيفى اليه الاكسسوارات والاحذية
وان شاء المشروع يكبر ويبقى بيت ازياء مميز وعليه اسمك
عندك استعداد تبقى سيدة اعمال ؟؟؟؟؟
متابعة النقاش، صفحة 2