متي تقولين انك حامل؟؟؟؟

المقربين اعلمهم على طول امي وخواتي والناس الباقين يكتشفون على طول من اول تعب في الحمل والوحده توكل على الله

والله انا اول من قلتلهم بنات حواء استشرتهم بشي وعرفت بعدها اني حامل وهذا اول حمل بعدها زوجي وعقب امي ورحت لجاراتي واحرجوني وفرط الشريط هالحين الناس كلهم يدرون زوجي يقولي مفروض ماتقولي لاحد غير امك وامي وانا عارفه ماارح يقصرون نص القبيله راح تعرف بس ادعولي لاني خلقه محسوده ومو ناقصه :(

ماشوف لها داعي ان كل الناس يدرون اني حامل لانه شي يخصني
وانا للحين مايدري غير اهلي واهل زوجي والناس المقربين وبعد مو كلهم لاني مااشوف لهالشي ضروره
والله يتمم علي بخير ويسهل ولادتي ياااارب ياكريم

انا عن نفسي الحين حامل وداخله الثالث وماقلت لاحد غير امي وابوي وزوجي طبعا بس وامي مادرت الا وانا بنص الثاني لاني بصراحه اخاف على جنيني من الناس اللي مايخافون الله ولا يذكرون خير والله يا بنات استغفر الله ماكنت اتوقع ان فيه ناس ممكن يحسدون صح اسمع عن العين والسحر بس ماقد مريت بموقف الا قبل 9 شهور حملت وبنتي كان توها عمرها 6 شهور بقولكم ردت فعل كل الناس اللي قلت لهم واااه بس ناس قريبين بس اعوذ بالله

اول وحده.......امي الله يحفظها ماابقول صكتني عين بس تخيلو اول مادرت مسكت راسها تقول ليش شايله هم لانها هي اللي احط بنتي عندها لما اروح الدوام فبيكون صعب عليها انه يجي طفل ثاني بعد..الله يجزاها خير ولايحرمني منها

ثاني ناس اهل زوجي كنت جالسه انا واخته وحريم اخوانه وامه اخته طلعت حامل في نفس الاسبوع اللي انا فيه اللي هو السادس فلما قالت انها حامل انا اتحمست وعلى نياتي قلت وانا بعد الله لايوريكم يابنات والله للحين اتخيل ملامح وجهيهم وعيونهم المبققة من الاستغراب حتى ماشاء الله ماقالوها حسبي الله ونعم الوكيل بس

رئيستي في العمل تقولي انتي زي الارنب :04:

وحده من صحباتي لما درت اني حامل قامت تصيح وصحبتي اللي خبرتها تقولها اذكري الله ياشيخه تحلف يمين انها مارضت تقول ماشا الله وتقول كيف تحمل الحين توها والده ؟حسبي الله عليهم

وحده من زميلاتي في العمل لما درت اني حامل والله يابنات انها اعطتني بكس على بطني:22: تخيلووووووو

وحده من حريم عيال خالتي طلعت حامل بعد بيني وبينها اسبوع وكنا جالسين جلسة حريم عادية الا تجي وحده من بنات خالي لها فترة تحاول تحمل مع ان عندها 3 بس ماكتب ربي وتكلم بنت خالتي اللي لها سنة من تزوجت وماحملت
تخيلو ايش تقولها تقولها شوفي الناس قاعدين يحملو وانا وانتي جالسين نتعالج ولا فيه فايدة

بعدها يابنات اليوم الثاني خالتي تتصل تقول ان مرت ولد خالتي جنينها ماعاد فيه نبض وبتسوي عملية تنظيف انا قلبي نقزني سبحان الله اختفى الوحم فجأة ورحت لدكتورتي اقولها ابغى اشيك على نبض الجنين لاني حاسة انه مافيه وفعلا طلع مافيه واخيرا سويت عملية تنظيف والحمدلله على كل شي..



خلاصة الكلام هذا كله الناس ماتعطي خير يحسدون الوحده حتى على تعبها وحملها

وبعدها تعلمت اخذت قرصة جااااااااامدة والله ماعلي في واحد وبقولها في وجهه بعد لو سالني ليش خبيت بقول من عيون الناس اللي ماتخاف الله واللي يبي يزعل يزعل ويطق راسه في اكبر جدار
فنصيحة يابنات حاولو تخبو حملكم قد ماتقدرو والله يكفينا ويكفيكم الشر
ادعو لي يابنات ان ربي يثبت لي حملي هذا ويرزقني طفل سليم معافى