::: الزواج عن طريق مشروع بن باز..نحتاج تجاربكن :::

:)

بالعكس أنا ماأشوفها فكرة سيئة لأن في ناس غير احتماعيين أو مالهم أحد يدلهم على الناس الطيبين..
يعني في رجال يكونون مالهم أخوات وأمهاتهم متوفين أو مرضى وما يقدرون يدورون لهم عرايس..
وفي بنات أهلهم حابسينهم ولا يحضرون مناسبات أو يختلطون بالناس.
وفي ناس عندها أقارب وأصحاب كثير لكن شروطهم ما تتوفر في اللي يعرفونهم..
وبرضه في ناس ساكنين او متوظفين في غير مناطقهم الأصلية وما يعرفون يوصلون للبيوت ويخطبون ..
فالمشروع يسهل التعرف على الشريك المطلوب بالمواصفات المرغوبة بسرية وبدون حرج..
وأعتقد ان اسم الشيخ بن باز الله يرحمه ودعم الدولة للمشروع تعطيه مصداقية و ثقة وما أعتقد في ناس بتشك انه لعب واستهتار أو زي شغل مواقع الزواج اللي اعتبرها جميها مشبوهة لسبب أو لآخر ..

عموما الناس حاليا مو مقتنعين بالفكرة لكن مع الوقت أتوفع انه بيصير من أبرز الطرق للزواج حاله حال الجوال والتلفون والدشوش اللي كانت من المحرمات والعار في البداية ومع الوقت صارت في كل بيت ..
وكل شي له محاسن ومساوئ والعبرة بطريقة استخدامنا لما حولنا إذا استغليناه في الخير أو للشر..
لكن كفكرة وكمبدأ المشروع بالنسبة لي مقبول ومشروع ومباح وأنا شخصيا ما أمانع لو أحد من أخواني طلب انه ينضم للمشروع عشان يدور شريكة حياته , ولا راح أستنكر الفكرة لو سمعت أن وحدة من قريباتي أو صديقاتي سجلت فيه ..

أنا أستغرب صراحة من اللي تنتقد وترفض خصوصا بدون عمل اي شيء ايجابي لحل المشاكل أيا كانت .. يعني لو طرحتى الفكرة على صديقة أو قريبة تنتقد وتستنكر وممكن تتهم البنت انها ترخص نفسها بهذي الطريقة بحكم انها بنت ناس وتستاهل كل خير.. لكن لو تعرف مية شاب يدورون عرايس ما دلت أحد منهم على البنت بحجة( امشي في جنازة ولا تمشي في جوازه)..

طيب ليش ما نترك الناس براحتها بدل ابداء الأراء فقط والتشدق بالكلام بدون البحث عن حلول لمشاكل الشباب الكثيرة أو حتى التفكير في البدائل الأفضل وحث الناس عليها!!!

ليه نقفل الأبواب المباحة في وجه بعض وما نفكر لأبعد من أنوفنا إذا الشي شرعا حلال واجتماعيا ومنطقيا مقبول بعيدا عن الأعراف البالية ..

يعني تكشف البنات في الزواجات والأسواق و المسلسلات التركية والأعجمية اللا أخلاقية صارت عادي و نفتخر فيها وما فيها غلط أو عيب, وبحث البنت أو الشاب عن الستر بالحلال صار عار وعيب ومستنكر وترخيص من قيمة الشخص!!!

فعلا منطق عجيب



والله يرزقك بنات المسلمين وشبابهم بالزوجات والأزواج الصالحين ويستر على بناتنا وشبابنا جميعا يارب

mrs-hawaa
شكرا على مشاركتك مره أخرى..صحيح إن الزواج ما تم لكن هذا لا يعني أن التجربة فاشلة..

جِنـــان
جزاك الله خيرا

بنت العباد
جزاك الله خيرا وتابعينا

شجرة الزيزفون
جزاك الله خيرا لمرورك

شجرة طيبة
جزاك الله خيرا

hash hash
جزاك الله خيرا ورفع قدرك ويسر أمرك
قلت كلام في قلبي لكن مو عارفه كيف أعبر عنه
جزاك الله خيرا مره ثانية على طرحك الرائع ومداخلتك الجميلة

خيط حرير
جزاك الله خيرا على التشجيع:)

السلام عليكم ورحمة الله وبركاته

جزا الله كل من دعا ومر على الموضوع أو شارك فيه

وعرفت معلومات مهمة جدا عن المشروع ممكن تفيدنا:)

~~~ السرية التامه~~~
تشمل
إن أهلك ما يعرفون + حتى انت يمكن ما تعرفين :) خخخ

بمعنى ان الوسيط ليش شرطا هو المرأة أو أهلها بل يمكن اختها خالتها عمتها أو فاعل خير
وطبعا لابد يعرفون صلة القرابة
واذا حرصتيهم ان الخاطب ما يجيب سيرة للأهل ولا للبنت وإنهم ما يدرون فسيتم لك ذلك إن شاء الله
يعني ما أحد يدري عنك إلا اللي خلقك :)

وهذا شئ مررررره طمني وريحني الصراحة
يعني أحد الأشياء اللي مخوفتني كثييييييير

ايضا من السرية
يعطونك رقم عضوية واذا اتصلتِ(يفضل كل أسبوعين) او هم اتصلوا عليك لازم تثبتين انك انت اللي سجلت البيانات عن طريق ذكر رقم عضويتك
يعني معلوماتك ما احد يقدر يعرفها الا بهالرقم

نجي الان للجد
~~~كيف تسجلين~~~
اذا اتصلتِ بعض المناطق مرأه وبعضها رجل اللي ياخذ معلوماتك
يسألونك عن

الإسم والعمر والوظيفة والراتب إن وجد والشهادة والحالة الصحية والإجتماعية ومستوى الإلتزام وإذا قبلية أو لا وبرضه إذا سعودية أو لا ومعلومات شخصية عن نفسك مثل الهواية وايش اللي تجيديه مثلا في أعمال البيت والدورات وغيره.

وكمان يسألون عن مواصفات الشخص اللي تتمنيه بنفس الأسئلة اللي سألوك إياها

~~~كيف يبحثون لك~~~
يتم اخبارك بالعضو القريب من مواصفاتك و قد يكون اكثر من واحد عندما ترتاحين لشخص وتختارينه
وتختارين الطريقة التي يتقدم بها
هل يتصل بالهاتف
يذهب لوالدك
اللي تبين:)
ثم
يبدأ عمل وحدة الرجال
يتصلون على الرجل
يخبرونه أنهم وجدوا من العضوات المسجلات (بفتح اللام وليس بالضرورة كسرها)
قريبة من مواصفاته فهل أنت جاد
بعد اثبات جديته يخبرونه بأن ينتظر حتى يتم استكمال بياناتها (والتي هي موجودة مسبقا ولكن حفاظا على السرية وحتى يتم التثبت مره اخرى من جدية الشاب)
ثم يخبرونه كيف يتقدم لك

بعد ذلك اذا تم الأمر يستكمل المشروع حنانه مع هذه الاسرة بالدورات التدريبة والمساعدة

والله يكتب لي ولكم كل خير