المفروض اتزوج قبل رمضان وماتزوجت للحين

ادعولي مهمومه جدا
قصتي المفروض اتزوج بتاريخ 26 شعبان وكتبت لكم هالموضوع
اجلنا زواجي لبعد العيد
اخت ام زوجي صابتها جلطة بسبب ارتفاع ضغطها
وانشلت صارت ماتتكلم وماتحرك يدها ولا رجلها
واجلنا الزواج
اختها الحين تحسنت بعد العلاج الطبيعي صارت تمشى وتتكلم بس في ثقل خفيف بلسانها
امي تسألهم عن الزواج متى مو راضييين يردون مطنشين كلمت خطيبي وقال امي ماتبي الحين واهلي بعد
زوجي شخصيته قوية مدري ليه يسووي كذا فيني
متضايقه من اسلوبهم
بالعيد رحت عندهم البيت وكنت سولف مع اخته اخته اكبر مني عمرها 27
معقوله يطلع منها هالكلام
كنت واقفه عالدرج وهي واقفه سالتها متى الزواج مايصير مطنشين كذا
قالت وليش مستعجله شكلك مو بنت شكلك مفتو...........
مدري ليش قالتلي هالكلمه مع اني لما ملكت للحين ماطلعت معه لوحدنا وانا مو مراهقه وخجوله
جرحتني هالكلمه قلت لاخوها وقلت لامي وش قالت لي
وصارت قصة كبيره
يارب ريحني من هالدنيا الدنيئه ادعولي هاليومين ضروري ارجوكم واعطوني حل

47 تعليق 5,899 مشاهدة

شاركي في النقاش

سجلي الدخول لإضافة تعليق.

التعليقات

46
  1. @hbhbh_hmraaa

    مالها حق ابدا تقولك هالكلمه وانتي سكتي مارديتي عليها هذي قليلة ادب ماتستحي

    زين اللي قلتي لخطيبك ولامك كلامها

    والله يوفقك يارب ويتمم فرحتك على خير يارب وكل تاخيره وفيها خيره

    انتي اساليه وش السبب في التاجيل اهلي تضايقو وشوفي وش يرد عليك

    الله يسخره لك ويبعد عنكم كل شر
  2. @hash_hash

    حبيبتي مو حلوة تسألين بنفسك عن الزواج والمفروض يكون السؤال من أهلك مو منك شخصيا..
    أو عالأقل خليها لحد ما هو يفاتحك أو يجيب سيرة الزواج واسأليه متى يبغونه بشكل غير مباشر ..
    لكن هي مرة وحدة فقط ولا تعيدين السؤال وتسألين أحد غيره أبدا لأن الناس وهو كمان ممكن يشوف انك مستعجلة عالزواج وهذي مو حلوة في حقك لأن الرجال تفكيرهم غير عن الحريم ..
    واخت زوجك غلطانة طبعا وكلامها خطير الله يهديها فلا تفتحي سيرة الزواج قدامها ولا قدام أي أحد أبدا ..
    والله يتمم لك بخير يارب
  3. hash hash
    حبيبتي مو حلوة تسألين بنفسك عن الزواج والمفروض يكون السؤال من أهلك مو منك شخصيا.. أو عالأقل خليها لحد ما هو يفاتحك أو يجيب سيرة الزواج واسأليه متى يبغونه بشكل غير مباشر .. لكن هي مرة وحدة فقط ولا تعيدين السؤال وتسألين أحد غيره أبدا لأن ال…
    نفس رأيي
  4. ليتك ماحكيت مع أمك وزوجك عن كلام أخته

    كذا بتبدأ حياتكم بمشاكل من أولها وبتحقد عليك

    كان رديتي عليها بوقتها وخلاص

    والبنات معاهم حق المفروض ماسألتي إنتي بنفسك

    خليتي أهلك يسألون وهم زي ماقلتي عندهم ظروف أصبري عليهم شوي

    والله يوفقك يارب ويسعدك :)
  5. @dory

    نفس رأي hash hash

    المفروض ما سألتي بنفسك ... مو زينه بحقك تصيرين أنتي اللي مستعجلة على الزواج

    خلي أهلك يستفسرون وأنتي لا تفتحين الموضوع مرة ثانية لا مع زوجك ولا مع أخته إطلاقااااااااااا

    وأخت زوجك لا تسمحين لها تناقشك بهذا الموضوع مرة ثانية أبداااااا حتى لو على شكل اعتذار ... الكلام هذا مب سهل

    الله يعينك

تابعي تجارب أخرى من هذا القسم.