::: الزواج عن طريق مشروع بن باز..نحتاج تجاربكن :::

alwan
الجميع يا رب

والله مااشوف فيه اي مشكلة
ياكثر حالات تزوجوا عن طريق خطابات وعن طريق مواقع الزواج والانترنت ولاضرهم ولا احد شمت فيهم او قال فيهم شي

وهي التوفيق يعتمد على رب العالمين اول شي وثاني شي تعامل الزوجة وكيف تبهر زوجها

مسألة والله هو ليه لجأ للخطابة وليه لجأ لجمعية بن باز !!حلوة ذي يعني هالمشروع مفتوح للناس اللي أي كلام؟؟؟

فيه ناس ظروفها صعبة فيه شباب فقراء فيه شباب عاطلين فيه شباب عندهم اعاقات او ماعندهم اهالي يخطبون لهم

وياما في كل بيت قصة مؤلمة

المهم انتي تتحرين للرجل المناسب ولما يتقدم لك ان شالله تكلمينه وتشوفينه وماتاخذينه الا انتي مقتنعة تماما

وبالنسبة لأهلك تقدرين تتفقين مع الوسيط والعريس انهم مايجيبون سيرة الوساطة ولو أهلك سألوا يقول لهم وحدة من معارفكم وصتنا وعطتنا رقمكم...وبس

وكمان انتي من جهتك لازم تضغطين على اهلك مايطفشون العريس بأسئلتهم وليه من عطاكم رقمنا وكيف وووووو تراها كلها مالها داعي ويطفش الرجل ويحس بالخوف

انا عني شخصيا سبق اتصلت على خطابة يوم ضاقت بي السبل ، وهالكلام من زمان بعد ايام اماكان كل شي عيب وحرام ...

وجابت لي بأسبوع واحد عريس ولا أحسن لكن فيه عيب بجسمه قالوا لي عنه ...واخلاقه وأهله زي العسل وجا وشافني ووافقنا ودفعوا ومابقى الا الملكة ...وكنت سبحان الله بتزوجه بس سبحان الله ماكتب ربي نصيب حصل شي ماكان في الحسبان ...واتذكر اهلي لما سألوني من وين جانا قلت لهم عن طريق زميلتي تشتغل خطابة...وماقالوا شيء..

ياشيخة الدنيا تطورت والناس كبر تفكيرها ونادر تلقين الولد اللي قلبه مع الحلال ويلجأ للطرق الحلال...بالعكس مادام راح و كلم مركز بن باز ودفع فلوس معناه ان شالله ولد فيه الخير وجاد...

وانتي باقي عليك تسألين وتستخيرين وكمان تكلمين الولد وأهله بنفسك مرة ومرتين وثلاث لين تحسين انك مرتاحة لهم...والله يقدم لك اللي فيه الخير..

وصدقيني الرجال كلهم واحد لما تفهمينهم ...فقط عليك انتي انك تختارين كويس وتعرفين شلون تفهمينه...والله يكتب لك مافيه الصالح ...

حاجة ممتازة والله

والله ياكثر الخطابات والخطابين كانوا يشتغلون بهالشغلة من زماااااااااان ولااحد قد عيّب عليهم او عيب على الزواجات اللي تصير من طرفهم...كلها ارزاق واللي الله كاتبه للوحدة يصير حتى لو حرصت ماحرصت...المهم انتي سوي اللي عليك وسجلي بياناتك وابد واتكلي على ربك

ان جا رزقك عن طريقهم فحياه الله ...وان جا من طريق ثاني كمان حياه الله المهم انتي تكونين عملتي الاسباب..

بدّورة الحلوة
يا حبيلك ماشاء الله تبارك الله
من جد كلامك يدخل القلب:) الله يجزاك خير على كلامك وأسلوبك و عقليتك المتفتحه
والله يكتب اللي فيه الخير..للان مازلت في المرحلة الأولى (الاستخاره والاستشاره) مستحيه أدق الرقم خخخخخ

أول شيئ الله يوفقك ويرزق باللي تتمناة نفسك
حبيبتي .. أنا خواتي دقوا على المشروع قبل 3سنوات .. والشيخ جاب لهم معاريس.. بس سبحان الله صدق ماتزوجوهم بس الشيخ ماقال هم اللي دقوا ولا شيئ .. بالعكس قال عندنا بنات مواصفاتهم كذا وكذ
بعدين الرجال اللي بالمشروع من قالك مقطوعين من شجرة ومالهم حد يخطب لهم
أعرف لك واحد دكتور ورايح للمشروع لأنه يبي بنت زي المواصفات اللي يبيها ,, وعشان أطمنك كان يبي بنت عاديه بس ذكييييييييه ومثقفه فقط هذي مواصفاته وتزوج ولله الحمد والمنة

بالعكس مشرع جداً ناجح أنصحك تدقين وعادي بالحيـــــــــــــــــــــــل