الموضوع مغلق

@@@@ احتسبوا الأجر وساعدوني ...شغالتي تبي تحج @@@@

السلام عليكم ورحمة الله وبركاته

بإختصار شغالتي تبي تحج وانا ما عندي اي خلفية عن الإجراءات اللازمه
ولا حملات الحج ولا ادري هل يجوز احججها بفلوسي ولا لازم فلوسها لأنها فريضه


يا ليت يا بنات اللي لهم خبره بالموضوع يساعدوني ويحتسبون الأجر بهالشغالة الضعيفه
وكان الله في عون العبد ما كان العبد في عون أخيه

المطلوب

1- هل يجوز احججها بفلوسي ولا لازم فلوسها

2- الإجراءات اللازمه

3- حملة حج مجربه


يا بنات الموضوع متوقف على مدى مساعدتكم لي
اذا ساعدتوني بالمعلومات بتحج هالضعيفه وان شاء الله يكون لكم أجر

في انتظاركم يا بنات عالم حواء وانا خابرتكم نشميات وما تقصرون

9 تعليق 2,694 مشاهدة

شاركي في النقاش

سجلي الدخول لإضافة تعليق.

التعليقات

8
  1. @am_alhloh_1

    اسمعي العام الماضي امي حججت شغالتها ب1500 ريال حج وزياره للمدينه طبعا هي اندونيسيه
    فلوس الحجه امي دفعتها من رضاء نفسها مساعده للشغاله وصدقه
    طبعا فيه حملات خاصه بكل بلد الحمله بالملز لكل جنسيه
  2. اصلا مايجوز تحج بدون محرم يعني تاكدي من الشيخ هل بيكون لكم اجر والا لا ولا هو واجب عليها الحج لانها ماتستطيع لعدم توفر المحرم يعني ياليت تفهمونها هالشي
  3. @my_o_fy

    شوفي ياعمري اذا تبين شوري حججيها بفلوسك صدقه ودفعه بلاء عنك واهلك ترا هم ضعوف يتمنون هالحجه بسبب صعوبه التنقل وبعد المسافه وخبرك يوم الرخص مايقدرون يحجون وشلون بعد الغلاء المهم أجزمي وخليها تحج مالك الا اجر الله لا يقعدنا مقعدهم وبالنسبه للحملات فيه مكتب متخصص بالحج للاندونيسيات بحي السلام شارع الزبير بن العوام قبل ماتوصلين الدفاع المدني يجي يمينك ............
    ودفع قيمه الحج لغير القادر على الحج يجوز .............
    طبعا المكتب يسوي لك كل شي بس يطلب منك ورقه تطعيم من اي مستوصف (انتي وديها اي مستوصف حكومي او خاص وقولي ابي تطعيمه الحج ) بيعطونك ورقه وديها للحمله والباقي عليهم ................
    اود ان اكون قد افدتك واي شي انا تحت أمرك...............
    الله يجعله في ميزان حسناتك................
    ويعوضك اضعاف مضاعفه الي خسرتيه....................مع العلم ان اي شي يدفع لوجه الله مو خساره...............بل ربح مضاعف من الحسنات وهذا الي ندور عليه والي بنلاقيه بعديييييين..................
    اعتذر على الأطاله...............
  4. @thkryat_alams_1

    صاحبة الموضوع
    مي و في
    شوفي ياعمري اذا تبين شوري حججيها بفلوسك صدقه ودفعه بلاء عنك واهلك ترا هم ضعوف يتمنون هالحجه بسبب صعوبه التنقل وبعد المسافه وخبرك يوم الرخص مايقدرون يحجون وشلون بعد الغلاء المهم أجزمي وخليها تحج مالك الا اجر الله لا يقعدنا مقعدهم وبالنسبه ل…
    الله يرفع قدرك يا عمري




    الله يجزاكِ خير
    بس ما عطيتيني اسم الحمله



    الله يجزاكِ خير
    الشكوى لله يا بنت الحلال
    هي قطعت كل هالمسافه تركض على رزقها ورزق عيالها
    ما جت على الحج ووقفت
    بحججها ان شاء الله وعسى ربي يتقبل مني ومنها
    وهي ما طلبت بس لمحت لي وانا ودي احججها لوجه الله
    وتكفير عن ذنوبي ان كاني زعلتها بيوم





    الله يجزاكِ خير
    وانا احب لي انها تحج بفلوسي بس خوفي انه لازم يكون بفلوسها لأنها فريضه
    الله يسلم يدينك ويأجرك على كثر ما ساعدتيني
    استفدت كثير من ردك
    طيب هل ابدأ من الآن اكلمهم ولا يمدي على وقتها ؟؟
    يعني لازم حجز من بدري ولا عادي متى ما قرب شهر الحج اكلمهم
    ارجع واقولك الله يجزاكِ خير دنيا وآخره على المعلومات

تابعي تجارب أخرى من هذا القسم.