شاركي في النقاش

سجلي الدخول لإضافة تعليق.

التعليقات

145

  1. @mdam_oayl

    صاحبة الموضوع
    مدام وائل
    يمكن اخر كلمة فى مشاركتى السابقة تجرنى اقول التغيير الجاى ........ قلت انى تعبت اوى اوى علشان اوصل فقلت لنفسى ياااااااه تعبت كل دة وسهر فى البرد والحر وسفر وتعب ومذاكرة وتكاليف وكل دة علشان شهادة صحيح انا من اشد الناس اقتناعا بالتعليم وال…
    طيب يا بنات انا قلت لكم انى قرات كتاب روعة جدااااااااا فى حفظ القآن علشان نحفظة كلة بأذن الله فى سنيتن بس تخيلوا؟؟؟؟


    يعنى احنا اتعلمنا علشان شهداتنا 16 سنة واللى خد ماجستير ذى حالتى 20 سنة وفى الاخر فى البيت

    لكن سنتين وبأذن الله ينور قبورنا ويكون شفيع لينا يوم القيامة

    بس بجد متكسلوش اقرأوه بس والله مفيد فوق ما تتخيلوا

    ربنا يفتح علينا كلنا يارب


    خير معين فى حفظ القرآن الكريم

  2. @mdam_oayl

    صاحبة الموضوع
    مدام وائل
    طيب يا بنات انا قلت لكم انى قرات كتاب روعة جدااااااااا فى حفظ القآن علشان نحفظة كلة بأذن الله فى سنيتن بس تخيلوا؟؟؟؟ يعنى احنا اتعلمنا علشان شهداتنا 16 سنة واللى خد ماجستير ذى حالتى 20 سنة وفى الاخر فى البيت لكن سنتين وبأذن الله ينور ق…
    نجى للأهم تغيير حدث لى قبل رمضان بحوالى يمكن اسبوعين

    فاكريين فى المشاركات اللى فاتت لما اتكلمت عن تحولى فى الناحية الدينية

    وان السبب كان وراءة صديقتى آية والتى دائما ما ادعوا لها واكيد من يوم ما اتغيرت حياتى فعلا وهى رصيد حسناتها فى زيادة ماشاء الله

    كفاية بس الصلاة دى لوحدها كنز مجرد الفروض

    ناهيكم عن التغيير فى كافة الجوانب

    ارجعوا للمشاركة رقم 2 فى نفس الصفحة دى اخر سطور فيها وهتتأكدوا ان لحد قبل رمضان ما كان فى بالى ما سيحدث

    المهم

    نجى لسبب تغيير اللى بتكلم عنه

    انا اتخرجت انا وآية سنة 2001 واحنا دلوقتى 2008 يعنى من 7 سنين افترقنا لظروف الحياة هى اتجوزت وانا اتشغلت بشغلى ودراستى وبعدها الجوزا والبيت وانقطعت صلتنا تقريبا مع استمرارى باحتفاظى برقم موبايلها على الموبايل بس ولا حتى فى المناسبات للاسف نتبادل الرسائل انقطاع تام

    المهم
    اتصلت بيا آية فجأة وبدون اى سابق انذار وردت عليها ماما وقالت لها ان نمرتى انا اللى اتغيريت واعطتها النمرة وقالت لها أنا آية صحبتها فى الكلية وكنت بس عايزة اقولها انى غيرت نمرتى

    طبعا بالنسبة لى آية دى غالية عليا – على فكرة مكنتش بحبها اوى واحنا فى الدراسة- المهم أخذت نمتها واتصلت عليها

    وسألنا عن احوال بعض واخبار الدنيا وهكذا

    وفى نهاية المكالمة قلت لها والله ياآية انا بادعيلك دايما كثير اوى وربنا اللى عالم وربنا يجعل عملى فى ميزان حسناتك يارب وعلى فكرة انا حكيت لكل الناس عنك والناس كثير اوى بتدعيلك

    تفاجأت مفاجأة كانت صدمة بالنسبة لى

    لما آية قالت لى ((((أشمعـــــــــــنى أنا بتدعيـــــــــــــلى يعنى))))

    بعد الذهول للحظة قلت لها لان الشريط اللى اعطيتيه ليا كان سبب فى رجوعى ربنا

    قالت:شريط اية؟؟؟؟؟؟؟؟!!!!!!!!!!!!
    (أحصاه الله ونسوه)

    قلت لها يا بنتى شريط الايثار بتاع عمرو خالد وشريط الاذكار مش فاكرة لما كنت بتبعيلى منتجات أفون

    قالت لى والله ما انا فاكرة

    وانتهت المكالمة على كدا

    بعدها قسم بالله يا بنات حسيت ان ربنا يرسل لى رسالة بالموضوع دة

    وان مهما قلتى كلمة لحد معندكيش اى حتى تفاؤل ان ممكن تأثر فية او تكون سبب فى هدايتة مبتضعش ابدا عند ربنا وربنا ينميها لك ولو بعد حين

    وان ايضا لا تحقر من المعروف ولا الخير شيئا

    هى اعطتنى شريط ونست وانا كنت وقتها فى وقت ابعد ام اكون عن الله للاسف الشديد يارب تب علينا واعفوا يارب
    ومع ذلك ربنا شاء انها تكون سبب فى هداية انسان حتى وهى لاتعلم
    (لان يهدى الله بك رج واحدا خيرا لك من حمر النعم)

    وتغيرت انى فعلا فكرت انى لن افرط فى اى وقف كان انى اقول كلمة او اهدى اى شخص مهما كان غير ملتزم مطوية او شريط
    او اجتهد فى كتابة كلمة واحتسب اجرها وبأذن الله لن يضيع الله اجر هذا العمل وسينميه لى بأذن الله وافرح بيه يوم القيامة

    مهما كان بسيط
    ان شاء الله أحفظ طفل أية واعطى لطفل او كبير مطوية اذكار وقصدت بطفل ان ممكن مينكش حتى واعى بقيمتها

    وبأذن الله هاخلى حياتى ان ربنا احيانى كلها كدا بأذن الله مهما كان الامر بسيط

    بس دا تغيير مهم اوى اوى اوى حياتى

    سببه مكالمة تليفون 5 دقايق بالضبط

    لكن والله العظيم ربنا اللى بيفتح للعبد ابواب رحتمة ما هى شطارة ولا نجاح وقدرة
    فعلا من كل قلبى

    لاحول ولا قـــــــــــوة الا بالله العـــــــــلى العظــــــــيم

    وهأكمل لكم تانى باقى التغيرات فى حياتى ان كان فى العمر بقية

  3. @ord_bydaaa_2

    و عليكم السلام يا حبيبتي

    انا و الله و انا بقرأ موضوعك .... اتأثرت كتير ... عارفة ليه ... لأني اخيرا لقيت حد يثبتني على الي انا بخطط ليه و نفسي اوصله و هو حفظ القرآن و التفقه في الدين و العلوم الشرعية لأن الواحد زي ما انت قلتيه قضى سنين طويلة من عمره في الدراسة و الاجازة و الفسح ... الخ ..... و اكتشف ان معلوماته البسيطة و المبدئية عن دينه قليلة جدااااا.....

    و فعلا تحت التراب كلنا واحد مفيش دكتور و لا دكتورة (دي مش دعوة لعدم التعلم ) و لكن اعطي لكل حاجة حقها ....

    بس انت عارفة ايه المشكلة ... ان في الايام دي صعب تشاركي الفكر ده مع الي حواليك .... بيعتبروا ده زهد و تشدد و غلو !!!!!!!! سبحان الله .... كأن شئ غريب ان الواحد يقول انا عايز اتفقه في العلوم الشرعية او اتفرغ لحفظ القرآن ... و كأن معلوماتنا الدينية المحدودة دي كفاية علينا مادام بنصلي و بنصوم و خلااااص

    على فكرة انا مش بستهزأ بيهم لأني يوم من الايام كنت زيهم بس جه الوقت الي الواحد لازم يوقف وقفة مع نفسه و يشوف هو فعلا عايش ليــــــه ؟؟؟؟

    فعلا الدعاء ثم الدعاء ثم الدعاء .... و الله لو الواحد اخلص في الدعاء من قلبه ربنا بيوفقه جدااااا و دي عن تجربة ....

    اللهم اهدينا و وفقنا و اعيننا على حفظ كتابك و العمل به , اللهم حببه الى قلوبنا , و اعنا على تلاوته و تدبره و العمل به , اللهم اجعله حجة لنا لا علينا ....آميـــــــــــن

  4. وردة بيضـــــاء
    و عليكم السلام يا حبيبتي انا و الله و انا بقرأ موضوعك .... اتأثرت كتير ... عارفة ليه ... لأني اخيرا لقيت حد يثبتني على الي انا بخطط ليه و نفسي اوصله و هو حفظ القرآن و التفقه في الدين و العلوم الشرعية لأن الواحد زي ما انت قلتيه قضى سنين طو…
    اختي انتي قلتي كل اللي في قلبي وعاوزة ارد بهذا الكلام على اختي وحبيبتي في الله ايمان جزاها الله خير وحفظ لها زوجها وابنها وهداها واياهم لما فيه الخير

  5. @hlaa_alkoon

    ماشاء الله تبارك الله كلام جميل ورائع
    الله يثبتك على دينه ويرزقك ماتتمنينه
    صراحه حمستينا معاك وكمان حمستيني اسمع الشريط معاك
    والله يوفق ايه اللي اعطتك الشريط

تابعي تجارب أخرى من هذا القسم.