شي شفته وتمنيت اني ماشفته !

بسم الله الرحمن الرحيم
السلام عليكم ورحمه الله وبركاته
كل عام وانتم بخير وصحة وسلامة وينعاد علينا وعليكم
بدخل بالموضوع على طول وابي منكم تقولون لي رايكم باهالموقف
كنت على الكرنيش الخبر جالسه مع عائلتي مستانسين مبسوطين وجلسوا بجمبنا عائله ثلاث شباب وخمس حريم وشغالتهم وثلاثه اطفال
من يوم جلسوا وهم ضرب في الشغاله المسكينه نشوفها ماتسوي شي
جاء واحد من الشباب الكبار وقال لها انتي فافيه شوفي بيي مع العلم ان اصغر عيالهم تقريبن ابو سبع سنوات المهم ضربها
قلنا يمكن خايف على اخوه وقال ينبه الشغاله المهم الشغاله جلست والاطفال حولها يلعبون جاء واحد من الشباب ثاني مره وضربها لين نزل راسها في الارض يعني اسندحت على الارض والله العظيم يابنات انها ماقامت من سدحتها هذي ماادري خوف ولا نامت ولا وش سالفتها المهم جاء واحد من الاطفال وكان معه مثل اللي قام يضرب في الشغاله على وجهها ضرب قوي يمه والله اني بغيت اصحي من قو الضرب اللي شفته المسكنه المهم قامت الضعيفه على الضرب اللي جاها وجلست بعدين جت وحده من الحريم قامت تهاوشها وتقبصها مع ضهرها وتعطيها كف بدون والله اسباب كذا وانا واللي معي جالسين نتحسب عليهم ذولي موب مسلمين حشى وين الرحمه مايبونها يسفرونها لا يضربوها ويعذبونها هذا بس برا البيت اجل بالبيت وش بيسون فيها ياحرام والله ضاقت صدورنا غير كذا جابوا لهم عشاء يتعشون والله انهم تعشوا ولا عطوها تاكل خلصوا من اكلهم راحوا رموه طيب هالادميه مالها رب مو مثلكم تبي عشى وياليتهم خلصوا ضرب والله ان الحرمه تضرب وتهاوشها وتقبص والشباب يضربونها على ايش ماادري المشكله انها ماتحركت من مكانها ابد ولا سوت شي وشكله يرحم خايفه منهم
شكلهم شرين ومايخافون من اللي خلقهم وربي يمهل ولا يهمل والله على الظالم
هذا اللي شفته بعيني وحز بخاطري الظلم وعدم الرحمه اللي وصلوا لها الناس ماتبين هالشغاله رجعيها المكتب بس لا تسوين فيها كذا والله حرام شي راح تتحسبين عليه واولا واخيرا هي انسانه جت وتغربت على شان تترزق الله لو كانت تدري ان هالضرب والاهانات بتجيها ماجت وجلست على الفقر ولا انها تنهان بدون سبب

40 تعليق 3,265 مشاهدة

شاركي في النقاش

سجلي الدخول لإضافة تعليق.

التعليقات

40
  1. @hlahh

    الحمدلله والشكر ناس مريضة
    والله يمهل ولا يهمل
    والدنيا دوراة وربي يسلط عليهم اللي اقوى منهم
    حسبي الله ونعم الوكيل
    :44:
  2. @mrs_hawaa

    اعوذ بالله عائله ميب طبيعيه
    ويقولون بعدين ليش يسحروننا وليش يعتدون على بزارينا
    مايدرون ان اللي حدهن الضعيفات قادر انه يحدهم

تابعي تجارب أخرى من هذا القسم.