اتشفق على البنات انا يارب يرزقني ببنت حلوة قمر بارة بي وبابوها :27:
وانا بعد ههههههههههههههه
انا عندي 3 بين الواحد والثاني سنة وشهرين اصغرهم وقتها عمره خمس شهور
كان عندي خدامتين وكنت كللللللش مهب مرتاحة معاهم... جامعة وعيال ما يبون الخدامات واهمال ومشاكل منهم ما تخلص لين سفرتهم ثنتيناتهم قبل ما تخلص الدراسة بشهر
مرة حطيتهم بحضانة ورحت محاضرتي ورجعت البيت كملت غسيلي وسويت غداي و رجعت وخذتهم
وباقي الايام كنت اصحى من قبل الخمس اسوي فطور زوجي واحط الملابس في الغسالة واتم اراجع درسي لين تخلص الغسالة واقوم انشر الغسيل وارجع اصحي العيال واريقهم والبسهم واخذهم على بيت اهلي واطلع مباشرة للجامعة اخلص ارجع اخذهم وتكون امي مجهزة لي الغدا اخذه معاي اغديهم وانيمهم واروح ادرس او اكوي الملابس او انظف البيت
يرجع زوجي يتغدى ينام يصحون الشباب وابدى اللوية معاهم لين الليل اسوي لهم عشا خفيف غالبا عيش لين وروب عشان ما يصحون بالليل خاصة الثاني وانيمهم
اول ما ينامون انا اشحن بطاريتي عن طريق النوم
وفي الاجازة
نفس الشي اصحى من الساعة خمس الا شي طبعا الصغير كان يصحى معاي
اجهز الفطور لزوجي واحط الملابس في الغسالة
انقع الودام للغدا... واجهز الخضرا
افطر واجهز فطور العيال
انظف البيت
على السبع ونص ثمان ارجع انام لين التسع ونص عشر اصحى مع العيال اريقهم واسبحهم
الكبير اخليه عند الجزيرة للاطفال... ادري ما بيتحرك من جدامها
الثنين الصغار ادخلهم معاي المطبخ كل واحد في العربة مالت الطلعات عشان ما يتحركون واسوي الغدا
العيش يطبخ و الصلونة تطبخ مرة وحدة ساعة الا ربع ويكون الغدا خالص ارجع يكون الصغير نعس انيمه واتسبح وادخن البيت وابدل ملابس العيال لين يرجع ابوهم ونحط الغدا... ينام والعصر ياخذهم معاه (مهب بكيفه... اجباري) وانا انام
يقوم الصغير واقوم انا قبل اذان المغرب بشوي يرجعون الشباب
اما اطبخ لهم عيش (رز) ولا اطلب لهم من المطعم يتعشون وينامون على التسع او العشر
انا اكوي الملابس بعدها اما يسهر معاي زوجي ولا اسهر لحالي عليها
طبعا ومن غير نقاش ملابسه تروح للاندري دايركت الا الداخلية
الزبالة اعزكم الله يطلعها او السايق يطلعها اذا موجود
بشوية تنظيم بتتسهل الامور
امهاتنا عاشو من غير خدامات الوحدة وراها ثمان ولا تسع الواحد ورى الثاني... كله منظمين وقتهم من صلاة الفجر ما ينامون الا بعد العشا
.•:*¨`*:•.التجمـــ2ـــــع لمواليد ابريل,,مايو،،يونيو.•:*¨`*:•.
متابعة النقاش، صفحة 288