النفاس والعطور؟؟

بسم الله الرحمن الرحيم

حبيباتي الكروشات والنفوسات والمجربات والخبيرات.....
بادخل في الموضوع على طول
هذا سلمكم الله انا والده ليه 29 يوم يعني مابعد خلصت الاربعين وقبل يومين زوجي كان رايح للسوق واخذ ابوه معاه فسأله ابوه وش تبغى من السوق قال باشتري عطر للمدام ( اللي هي انا :S_45:) قال ابوه لا اللي في الاربعين ماتتعطر خلها تحط بخور
وجا زوجي يسألني ليه الوالده ماتحط عطر وقت الاربعين طبعا اختكم في الله صارت كذا.....:confused-
مافيه جواب فقلت اسأل بنات عالم حواء يمكن الاقي عندهم الجواب الشافي
ليه الوالده وقت النفاس ماتحط عطر ؟؟؟ تراني من يوم ولدت وانا ماغير ابخبخ في ذي العطور ومن يوم قال زوجي كلامه هذا ماعاد بخبخت ( الحين زوجي يقول في نفسه ليت ابويه تكلم من اول كان وفرنا عطور .:angry2:....)

ثانيا ليه لازم لما اشرب شوربه اعبيها فلفل اسود؟؟
طلع ابو زوجي عنده خبره في حاجات كثيره وانا ياغافلين لكم الله وانا اللي مسويه خبيره طلعت خرطي لا وزوجي يسمع من ابوه ولا يسأله عن السبب معتمد يلاقي عندي تفسير وانا ولا عندك احد( هذا رأي زوجي المصون فيني بكل فخر :ohwe:)

في انتظار اهل الخبره يعلموني السبب (عن العطر والفلفل الاسود) خليني اجاوب زوجي بعين قويه :mad:

11 تعليق 9,046 مشاهدة

شاركي في النقاش

سجلي الدخول لإضافة تعليق.

التعليقات

8
  1. @abraaag

    ههههههههههههههههههه ياحليلك شكلك بكريه وين امك عنك ما تعلمك وشكلك جالسه بيت زوجك المهم ترانى قرقه انا خلينى اجاوب اسئلتك


    اولا . العطر ياقلبي يسبب الشمم ............ عاد شكلك تقولين ايش الشمم ؟ لما تشم الوحده عطر وهى بلاربعين يعورها راسها وتحوم كبدها وتحس بغثيان وتقلب معدتها هذا شمم ويسبب بعد بعض الاحيان موت ولله موت ههههههههه اكيد منهبله ايه موت . اما الفلفل مهممممممممممممممممممممم جدااااااااااا لك ورحمك يدفيك وينزل الدم الى فيك تراه مهم وسلامتك
  2. @strobry2008

    أبراااج
    ههههههههههههههههههه ياحليلك شكلك بكريه وين امك عنك ما تعلمك وشكلك جالسه بيت زوجك المهم ترانى قرقه انا خلينى اجاوب اسئلتك اولا . العطر ياقلبي يسبب الشمم ............ عاد شكلك تقولين ايش الشمم ؟ لما تشم الوحده عطر وهى بلاربعين يعورها راس…
    انا راح اجاوبك

    اولا الوحده تتعطر بس بعطور خفيفه يعني مو روايح المسك ولا العود لا عطر هادي لازم علشان مايلتهب الجرح عندها

    وعلشان ماتستشم والشمم يجي العطور الرديئه بس كان باللاول يعني قبل خمسن سنه يموت الحين لا طبعا لان فيه علاجات وانتي اذا ولدتي تاخذين مضادات يعني زي كيذا

    والفالفل الاسود يطيح الخيوط بسرعه وينشفها وزين علشان اعراض البرد ماتجيك
  3. صاحبة الموضوع
    أبراااج
    ههههههههههههههههههه ياحليلك شكلك بكريه وين امك عنك ما تعلمك وشكلك جالسه بيت زوجك المهم ترانى قرقه انا خلينى اجاوب اسئلتك اولا . العطر ياقلبي يسبب الشمم ............ عاد شكلك تقولين ايش الشمم ؟ لما تشم الوحده عطر وهى بلاربعين يعورها راس…
    لا والله حبيبتي ماني بكريه بس يمكن لاني بولادتي الاولى مااستخدمت عطور لاني كنت تعبااانه عشان كذا امي على بالها اني سنعه في هالامور :35:
    والفلفل امي تحط لي بس انا ماأسأل الا لما ابو زوجي قال قلت في الموضوع سر وبصراحه ماحبيت اسال امي حتى مااطيح من عينهاتراني قدامها حرمه سنعه امحق سناعه:icon33:
    يعطيك العافيه حبيبتي ومشكوووره لردك:26:
  4. صاحبة الموضوع
    ستروبري2008
    انا راح اجاوبك اولا الوحده تتعطر بس بعطور خفيفه يعني مو روايح المسك ولا العود لا عطر هادي لازم علشان مايلتهب الجرح عندها وعلشان ماتستشم والشمم يجي العطور الرديئه بس كان باللاول يعني قبل خمسن سنه يموت الحين لا طبعا لان فيه علاجات وانتي ا…
    جزاك الله خير على مرورك وردك
    ايوه الحين اقدر اجاوب زوجي بقلب جامد:hahaha:

تابعي تجارب أخرى من هذا القسم.