السلام عليكم و رحمة الله و بركاته
قبل سنه و 3 شهور تقريبا و انا نايمه على سريري مررت يدي على صدري و حصلت كتله صغيره و كأنها دهنيه ملسااااء
طنشت لان هذيك الايام كانت ايام التجهيز لزواج اختي و انا نسيت الموضوع
و كل ما تذكرته يكون الوقت مو مناسب لان ابوي يكون يا تعبااان يا مشغووول و اذا كنا فاضين انساه مو بيدي و الله
و بين كل فتره و فتره شوي احسه صار كبير و شوي يصغر
شوي يصير كانه مجموعة كتل صغيره جنب بعض و شوي يصير املس
و وحده من الدكتورات في الجامعه تقول اذا ضغطتي عليه ووجعك فهذا حميد و ما يسبب لك اي الم الا اذا ضغطتي عليه
رجعت البيت جربت و الا فعلا هو ما يسبب لي اي الم الا اذا ضغطت عليه او نمت على بطني و ضغطت عليه يوجعني
و كل ما قلت باقول لاهلي اذكر ابوي ووش بيصير فيه لو طلع الورم خبيث لا سمح الله
لانه يعتبرني كل شي عنده و انا دلوعته لدرجة انه اذا عورني شي اي شي حتى لو بسيط يجلس متكدر طول اليوم
هذا غير الضغط اللي عنده و الديون اللي مشغلته
ما ابي ازيد همه هم
و الله اني اكتب لكم و انا ابكي ما اتخيل هذا اليوم اللي افكر فيه بيجي
خاااااااص((تجمع فتيات السرطان)) عافانا الله واياكم منه ومن كل سوء
متابعة النقاش، صفحة 89