ولدي ينفر مني .. ما الحل ؟؟

السلام عليكم ورحمة الله وبركاته

أهلين أمهات كيفكن ؟

أنا أم جديدة وعندي مشكلة مع ولدي اللي عمره شهر ونصف .. ولدي ينفر من صدري ولا يقبله بالمرة .. إذا أحاول إرضاعه وهو جوعان يعصب ويبعد صدري بيده .. وإذا حاولت معاه وهو شبعان يشيح بوجهه .. وإذا حاولت معاه وهو نص ونص هم يعصب .. شاسوي وش الحل ؟؟

هذي المشكلة مأرقتني وخايفة عليه يجف عنه الحليب وهو ما شرب منه شيء .. ومو قادرة أتقبل فكرة المراضع مع إنه أدمنها خلاص وترك صدري

والمشكلة الثانية اللي عندي إنه قبل كان يشرب في اليوم مرة من صدري لكن لازم أخلي له حلمة الرضاعة والا ما يشرب .. وحتى بحلمة الرضاعة أول يسوي لي حرب عليها وبعدين يستسلم ويشرب شوي .. أما صدري بالمرة من ولدته للحين ما قبل يشرب منه مباشر .. والمشكلة إن الحليب ما يتجدد إلا إذا شرب مباشر ..

أما الحين ولدي هون حتى عن حلمة الرضاعة .. أحسه يكره صدري بشكل مو طبيعي :(

شاسوي وية هالمشاكل ساعدوني تراني بموت من المحاتاة والاكتئاب والسبب حالة ولدي وية الرضاعة :44:

10 تعليق 1,848 مشاهدة

شاركي في النقاش

سجلي الدخول لإضافة تعليق.

التعليقات

9
  1. نفس ولدي بالضبط ماذاق الطبيعي رافضه ويصيح صياح لين اقربه منه وهو الان عمرة خمس شهور وابدا مارضع من صدري وكل مااتذكر يضيق صدري الله يعينك يااختي


    تصدقين حتى الان يقابلوني حريم يرضعون عيالهم من صدورهم ويقزلون عطينا ولدك نجرب معه ولمن يطلعون الصدر ويحطونه بفمه يقعد يصيح ويرمي راسه على وراء
  2. @am_alyosf_1

    صاحبة الموضوع
    ndo789
    نفس ولدي بالضبط ماذاق الطبيعي رافضه ويصيح صياح لين اقربه منه وهو الان عمرة خمس شهور وابدا مارضع من صدري وكل مااتذكر يضيق صدري الله يعينك يااختي تصدقين حتى الان يقابلوني حريم يرضعون عيالهم من صدورهم ويقزلون عطينا ولدك نجرب معه ولمن يطلعو…
    مشكورة أختي Ndo عالرد والله يعيني ويعينك .. الوضع متعب بشكل مو طبيعي :(
  3. حبيبتى عندى لكى فترررة انااا ماعندى اطفال بس بقولها لكى ان شاء الله تنفعك
    ليش ماتحاولى تشفطى حليب الصدر وتحطيها بالرضاعة ..
  4. @bnt_sudeer

    شوفي جربي وافسخي ملابسه وخليه قريب منك
    يلامس صدرك جسمه وحاولي تمسحين على راسه بلطف

    حاولي كذا مره لا تيأسي

تابعي تجارب أخرى من هذا القسم.