.•:*¨`*:• بنات بريطانيــ uk ـــــــــا حياكــــــــــــــــــــم الله..•:*`¨*:•

متابعة النقاش، صفحة 51

شاركي في النقاش

سجلي الدخول لإضافة تعليق.

التعليقات

1,970
  1. @kmr_alrbyaa_1

    بنات انا كنت انخش في منتدى من المنتديات وحصلت واحد كتب هالكلام عن بطاقة مدري وش سالفتها المهم خلوا ازواجكم يتأكدون

    المهم بنسخ لكم الكلام

    السلام عليكم ورحمة الله وبركاته ..

    الكل منّا يحتاج إلى استخدام الهاتف أو الجوال وخاصة للاتصال بأهله هناك بالسعودية بشكل خاص وللعرب بشكل عام. وهنا اليوم أقدم لكم هذه الخدمة كي تعم الفائدة لأخواتي وإخواني ببلادي الحبيبة وللمسلمين بشكل عام.

    الكل يعرف منا إن بطاقات الهاتف المسبقة الدفع (Phone Cards) لا تعطيك دقائق حقيقية كما يقولون بل تجدك تبحث عن أقل البطاقات كذباً. وما يميز هذه الشركة إنها تمنحك دقائق حقيقية (أنا وأحد الأصدقاء مشتركين معهم من خمسة شهور) ويضعون لك فاتورة على موقعهم كي تتأكد من جميع اتصالاتك السابقة التي أجريتها.


    كل ماعليك هو أن تتصل عليهم على الرقم المجاني:
    08006529189

    أو التسجيل من خلال موقعهم على الرابط التالي:
    http://www.lycatalk.com/res_rates.htm

    تكلفة الدقيقة للسعودية هي:
    0.065 باوند فقط (0.48 ريال فقط) !!!

    رقم المستخدم تبعي لمن أراد أن يضعه في خانة كيف عرفت عن الخدمة فهو:
    1380440
  2. @grly

    اهلين اختي شماليه انا بنيوكاسل ارجو اضافتي
    :)


    ام دحومي- الزغروطه كيف متأقلمين مع نيوكاسل ؟؟
  3. @grly

    أم دحومي الحلو
    عاشقةالغالي ايه والله شكلي بدوّر في آزدا .. تصدقين ماقد شفت سنزبري هنا .. أتوقع فيه بس يمكن ماقد مرينا من عنده redbutterfly وعليكم السلام ورحمة الله وبركاته صادقة العوض ولا القطيعة :) ام عبدول وعليكم السلام ورحمة الله وبركاته توني أدري…
    هلا ام دحومي سينسبري تراه فرع صغير قريب عند السيتي قيت حق السينما
    هذا عنوانه

    4 Magnet Court
    22 Gallowgate
    NEWCASTLE
    Tyne and Wear
    NE1 4SN
    Tel: 0191 233 1972

    واذا حبيتي تطلبين بالنت ويجيك للبيت وانتي مريحه انا اتبع هالطريقه بس من موقع تسكو وسنسبري يوفر هالشي بالنسبه لتسكو ياخذون رسوم عالتوصيل على حسب الوقت واليوم تتفاوت اسعار التوصيل من 3 باوند لحد 6 باوند
    والدفع عن طريق ادخال رقم بطاقه الصراف
    ميزة طلب النت ماتنسين الطلبات وتحسبين الميزانيه صح واريح من شيلة الاغراض الكثيره وطلباتك دايم تكون موجوده وراح تلقين طلبات مو موجوده بالمحل

    طبعا الكلام هذا لكل بريطانيا :)
    وهذي مواقعهم اللي تقدرين تطلبين منها كل اللي عليك تسوين ريجستريشن واستمتعي تسوين سيرش وتلقين اللي تبينه بكل سهوله بدل الحوسه بالمحل

    http://www.sainsburys.co.uk/home.htm
    http://www.tesco.com/

    :) اتمنا اني افدتك
  4. @kmr_alrbyaa_1

    انا ماقد اقتنعت بالتسوق بالانترنت من السوبر ماركتات

    حلاتها تتمشين وتغيرين جو
    روحوا المراكز الكبيرة اللي فاتحه 24 ساعه روحوها بالليل تراهم دجاج ينامون بدري وتتسوقووووووووون بهدوء وعلى راحتكم
  5. كيك وعسل
    الله يحلي ايامك مشكوره على اهتمامك مشكوره ياقلبي طيب سؤال للجميع الاوت لت وين بالضبط في لندن
    السلام عليكم و رحمة الله و بركاته

    صباحكم ورد و ياسمين

    شكر للعزيزة ام عبدول على اضافتها الرائعة اللي الكل لازم يستفيد منها...

    طبعا مشاركتي راح تكون نقاط

    اولا : من تحصل لك هذي السفرة (( او كما نسميها الغربة ))

    اتخذي شعار

    (( من اجل عين تكرم مدينة ))

    ثانيا : نجي كيف تهيأين نفسك للسفر ابحثي ثم ابحثي ثم ابحثي عن المدينة اللي راح تروحين لها...طلعي صور حاولي تاخذين فكرة عن هذي المدينة...مستوى المعيشة فيها...طبيعة الحياة هناك...السوبرماركت..مستوى الشقق (( يعني و انتي في ديرتك سوي بحث عن الشقق شوفي شكلها اسعارها الخدمات المتوفرة فيها)) يعني تجين هنا و انتي ماخذه فكرة و تصور عن البلد..

    ثالثا : و هو الاهم تذكري نعمة الله عليك انه حصلت لك هذي الفرصة في ناس تتمنى و مو لاقيه...فلازم من شكر النعمة و ما نحسها مشكلة..بالعكس تعتبر تجربة تضاف الى تجاربك في الحياة ..

    رابعا : حاولي دائما تظهري لزوجك انك (( على قولة السورين قد حالك يعني قدعة يعني يعتمد عليك)) فاجئية بالمعلومات اللي جمعتيها عن البلد..حاولي تحسسينه انك متحمسة للسفر (( حتى لو كنتي عكس ذلك))...

    خامسا : الحين وصلتي هنا مربط الفرس..حاولي اثناء البحث عن شقة انها تكون قريبة من السوبرماركت سوق صغير..يعني علشان تقدرين تروحين له...هنا يجي دورك يا حلوة انك تفاجئين زوجك مرة ثانية انك تبغينها قريبة من هذي الاشياء لانك ما تبين تشغلينه عن دراسته..

    سادسا : حاولي تقوين لغتك علشان تكون عندك الجرأة تطلعين و تمشين حالك يعني احفظي بعض الجمل اللي تفيدك في الشارع..احفظي عنوانك صح...

    سابعا : خلى القوقل ماب (( خريطة القوقل )) صديقتك الصدوق..يعني حطي عنوان سكنك...و ابحثي ايش جنبها..و بعدين شوفي كيف الطريق مشي..يعني تعطيك الوصف يالتفصيل..هذي طبعا تخليك متطمنة لما تطلعين...


    ثامنا : في البداية اطلعي مع زوجك خذي فكرة عن المكان..عن الشوارع..علشان لما تطلعين مرة ثانية...

    تاسعا : لا تعتمدين على زوجك في كل شي ...يعني من لما انتي بديرتك حاولي تهياين نفسك انك تسوي بعض الاشياء من غير مساعدة زوجك..

    عاشرا : كلنا نمر بحالات مد و جز بحالتنا النفسية بس لازم تتذكري عزيزتي انك صمام الامان في العائلة ..بمعنى اخر انتي نفسيتك تاثر بالاخرين بشكل كبير يعني لما تكوني قوية و متفائلة كل العيلة بتكون تمام...

    و اخيرا توكلي على الحي القيوم...و حصني نفسك و عائلتك... و ضعي هدف لك من هذي الرحلة انك تكوني انسانة اخرى للافضل...

    طبعا للموضوع بقية (( يعني هذرتي ما خلصت :hahaha:)) ...لكن ننتظر التعليق..