تجربتك مع الي يغارون منك

كلامكم صحيح يابنات ..

بس فيه نقطة مو دائما تكون صحيحة..

وهي : لما تكونين بمجلس والجميع يمدح لبسك أو مكياجك مثلاً.. إلا وحدة أو ثنتين مو بالضروروة يكون معناته أنها غيرانه منك..يمكن فعلا اللبس أو الماكياج ماعجبها..

ترى الناس أذواق..ناس تبهرهم الفخامة وناس تبهرهم الشياكة وناس تبهرهم الالوان وتناسقها..وناس يبهرهم لبس البناطيل والشانيل..وبصراحة انا لو أعجبني لبس البنطلون والشانيل على وحدة والكل مدح ..ماراح امدحه لانه مايجوز..ومستحيل أجامل على حساب ديني .

وعلى فكره بعد... تصير معي بالمجالس أو مع بناتي مثلاً ..ناس يمدحون لبسنا وناس يسكتون..ومافكرت ابدا أنه غيره خاصة أن اللي يسكتون امهات كبري وبناتهم كبر بناتي..

وحتى أنا صارت معي ..مدحوا لبس وحده قدامي..وأنا أبدا ماعجبني..فمستحيل اعلق واقول رأيي بصراحة علشان مااجرحها...ومستحيل بعد أجاملها وهو مو ذوقي ولاعجبني...

ودائما ياأخواتي قدموا حُسن الظن..تراها دنيا زائلة وفانية ..

فعلا اختي وانا مويده لكلامك

حبايبى الغيره النسائيه ماهى دليل حقد وشر انا فى ناس امووووووووت فيهم واغار منهم ممكن لانى احب او تعودت انى اكون ملفته احسن طريقه هى انكم تقنعون انفسكم ان النساء غيوررررررررررات من باب التماس العذر لاخيك المسلم وثانيا عدم التباهى لان فى ناس ماتمتلك مقومات الجمال او الاناقه او اللباقه الخلاصه خليكى اكثر مرح وتواضع لان اكثر البنات اذا كشخو او طلعو بفنتق قصة شعر حلوه او بدله او شنطه او حتى طبخه يتجبصن و يحبكن الموضوع وتدق الثقل انا شخصيا كنت اعانى من هالطبع الغثيث بلاكت حاليا برمجت حالى على انى افرفش وابتسم واسولف وامدح اللى حولى وتقريبا حصدت نتيجه مرضيه ثالثا والاهم عشان مانكون خيالين ما اظن اننا كنا دايما مثاليين و مدحنا والله من وراء القصد

اصايل اختي فيه فرق بين الغبطه وبين الحسد احنا اذا شفنا على احد شي حلو نحس بشعور غبطه نتمنى نكون مثلها
ما نتمنى زوال النعمه منها لكن فيه ناس والله يتمنون انك بحال سيئه ويرتاحون اذا كان عندك مصايب الله يكفينا شرهم

اعقل عاقله بالدنيا اشكرك انك طلبتي مني الحل وانتي جيتي على الجرح لان الي يغارون وحده منهم اختي ولكن ابتعد عنها وصارت علاقتي بها رسميه وارتحت واحصن نفسي بالورد و واتي ام وعود احنا ماقلنا الي مايعلق على لبسك دائما يكون غيران منك لا حشى لان لولا اختلاف الاراء لبارت السلع لكن احنا نتضايق من الي يتقصدونا في كلامنا والي يتكلمون فيك من وراك واذا شافوك مبسوطه
حاولو ينكدون عليك هذا الي يخلينا نعاني نبي الحياة حلوه هادئه نتبادل الحب والاحترام ولكن وش نسوي الشكوى على الله