هلا خواتي شخباركم
بنات انا ضميري يأنبني لان اعطي ولدي حليب صناعي:44: تقريبا 3 الى 4 رضعات باليوم اضافة الى اني اعطيه حليب من صدري
الي معور قلبي انه لما يرضع من صدري يقعد بالاول يمص يمص بعدين يتركه ويبكي احاول معاه مافي فايده ويتم يبكي بقوووة وبالاخير اضطر اعطيه رضعه صناعيه
الدكتوره تقول لي رضعيه طبيعي ترى مافي احسن من الرضاعه الطبيعيه وهو يبكي لان في البدايه يكون الحليب في صدرك متوفر بعدين يقل الحليب ولازم يبدأيبذل مجهود في المص علشان كذا يبكي لان يشوف الرضاعه الصناعيه اسهل وماتعبه بالمص ويطلع حليب بكميه وافره
يابنات شنو الحل هل استمر اعطيه صناعي لان احس اني بديت مااستغني عن الصناعي لان يهديه ويشبعه اضافه الى الرضاعه الطبيعيه
او ان اقطع الحليب الصناعي وواتم ارضعه طبيعي ويظل يبكي لان مايشبع
للعلم ابني عمره الحين كمل الشهرين وبدا يمشي بالشهر الثالث
عطوني حل خواتي تكفوووووووون:44:
شاركي في النقاش
سجلي الدخول لإضافة تعليق.
التعليقات
11- موفقه ان شاء الله يا اختي
من خبرتي المتواضعه
اذا قللتي عدد الرضعات الطبيعية ... يقل عندك الحليب ... لذلك .. الطفل يحس انه ما يرضع .. يتعب من المص وهو ما يطلع له شي ... فانتي غذي نفسك ...
احرصي على الحلاوة الطحينية .... كوليها بالهبل ... والموية كمان و الحليب .... حطي في شنطتك علب حليب المزاز واشربي كل ما سنحت لك الفرصه
الامر الثاني ابدي اسحبي الحليب من صدرك و حطيه في قزازة علشان ما يفرق الصناعي عن الطبيعي وتقدري لما تحسي بتحسن ترضعيه من صدرك مباشرة .
اتمنى اني افدتك - مشكوووووووووره اختي
بحاول اكل الحلاوه الطحينيه مع اني مااقربها بالمره
اتصدقين اول مره ادري ان الحلاوه الطحينيه تدر الحليب
ماقصرتي اختي - وليش تأنيب الضمير خذي الامور ببساطة
الحليب الطبيعي مافيه كلام انه اكثر فائدة للطفل
لكن مافكرتي انك من النوع اللي مايدر صدرها حليب بكمية كافية
عادي في كثير من الامهات مايدر عندها الحليب يرجع لامور كثيرة
يكون بعلمك انا مااعطيت طفلي حليب ابدا مجرد كان يمسك الحلمة يمصها بس عشان يحس بالراحة وبعدين اعطيه حليب صناعي
لان الحليب مادر عندي مابقي شئ ماسويته اي شئ يقولون عنه يدر الحليب اخذته ومافي نتيجة
لكن مومعقولة اني اجوع طفلي عشان الا غصب يشرب من حليبي
ومافيه الحين الا العافية
والدكتورة قالت لي هذا الكلام ان البعض سبحان الله تكون عندها غدد الحليب قليلة وماتفرز كميات وافرة من الحليب - بنتي لينا ربي يحميها خلصت اربعة شهور وماترضع ابدا من صدري ومافي حليب الا نقطة نقطة ها في امل والا افقد الامل خلاص
- اختي حرام لازم تحاولي ترضعيها طبيعي ولاتقولي تبكي شوفي حبيبتي من تجربتي مع بنتي
تقريبا نفس وضع ولدك كانت ماترضى ترضع ودايما تبكي تقطع القلب والكل كان يقول حرام عليكي
لاني كنت مصرة ارضعها طبيعي السبب طبعا كان لاني ولدت قيصري ولا رضعتها الا بعد 13 ساعه ولوشفتي
معانتي معاها اتخيلي كنت قيصري والتعب الي كنت فيه كنت احاول معاها طول اليوم واخليها عند صدري علشان يدر الحليب اكثر وبعد ماناة شهر كامل ونص رضخت للامر الواقع وصارت ترضع طبيعي ونست الصناعي بالمرة كنت اعطيها الصناعي مرة في اليوم اخر الليل لمدة 3 اسابيع وتخليي بالابرة مو الرضاعه وخلال هالفترة كنت اخفف يوم اي ويوم لا وبعد فترة كل يومين بالتدريج لين تركت الصناعي والحين ماشاء الله ترضع طبيعي 100 ب100 وعمرها الله يحفظها سنه و7 شهور وناويه اكمل الرضاعه لسنتين
صدقيني نيحه لوجه الله ماعليكي من كلام احد وحاولي معاها وانتي الي بترتاحي بعدين وحاولي تكثري من السوائل خوصا المويه علشان يدر الحليب اشربي 3 لتر من السوائل في اليوم لتر ماي ولتر عصير ولتر حليب وكلي ماش او حلبة والطحينية وكثري من الخضار والفواكه وكلي كويس شكلي هدرت واجد بس والله من حرقة قلبي على ودك حسيته ولدي وكتبت قصة حياتي وان شالله يستجيب للرضاعه الطبيعيه ويكبر وتزفينه عريس..واسافه على الاطاله..
مواضيع مشابهة
تابعي تجارب أخرى من هذا القسم.