وقالت ليه ماقصيتي شعرك ؟؟!!
ايش اقولكم ماتتصورون نفسيتي مرة زفت
اقاربنا وجماعتنا رجعوا من السفر بعد ماانبسطوا اكثر من شهرين
وانا مكانكي مارحت مكان.. حتى برمضان ابي اروح عمرة وماتيسرت الحجوزات
وزوجي يقول عادي نروح
اقوول ويشو له نروح بس مشاكل وهموم .. ماجالك عيال .. اجلسي عندنا وخلي زوجك .. وبيجيك نصبيك
حتى اهلي باخر زياره مارحت لهم من المشاكل.
انا غبيه وشخصيتي ضعيفه وماعندي ثقه
هذا اكتشفته خلال 10 سنوات
كل يوم اوهم نفسي ان زوجي بيودينا نتعالج وهو ولا همه
وانا عمري يروح صرت بالثلاثينات
واقول بكرة يوافق .. إلا الشهر الجاي بنرووح
ولاحياة لمن تنادي
دوووم اقول حظ اللي مبسوط.. وربي اقولها من قلب لان مافيه احد مبسوط
بس ع الاقل لو توفرت بعض اسباب السعادة
انا اهم سعادة عندي الاطفال
وربي ماتتصورون اني اتذكر زمان ايام الابتدائي كنت احب الصغار
وفي الثانوي وربي اني اشتري لهم العاب << ويش دخلني مايقربون لي
وصرت احب الاطفال
بس حظي الشييييييييييييييييييييييييييييييييييييييييين
لاتقولون استغفري وصلي الحمد لله اسويها
استغفروا ربكم انه كان غفارا
انا مشتته.مااقدر اخذ قرار حازم في حياتي
اخاف من المستقبل
ادور سعاده نفسي
محد دورها لي
انا اللي ادورها سواء باسعاد زوجي او مواصله جيراني او مواصله الاقارب
لو ماكلمتهم ماكلموني
كثير انا اللي ارجع ادق عليهم ويقولون رقمك ضاع او ماعندي رصيد
برمضان ارسلت ل37 وحده
وانا دووم اللي ابدا بالارسال في رمضان والعيدين والسنه الهجريه
ولما قرب عيد الفطر قلت وربي ماارسل الا للي ارسلي
طبعا امي واخواتي اول من ارسل
والصديقات والجارات 6 بس
يعني لو ماذكرتهم ماذكروني.
مايهمني وربي مو شرط مو كل وحده تحب تواصل
بالرغم انهم في المجلس يشيلوني من ع الارض
بس قد القدر واجب
رحت ازور وحده من اللي رجعوا قالت ليه مالحقتونا في السفر عند اهلكم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ايش اقول قلت مامداني
قالت وربي انبسطنا صمنا رمضان متجمعين وعيدنا سوا
قالت يووووه ايش بك نحفانه قلت رمضان والصيام
الا من الهم والتفكير
قالت ماشاء الله شعرك طااااااااااااااااااااااااااااااااااااااااااااااال.. ليييه ماقصيتيه <<<تحسب الناس مبسوطين مثلها
ابتسمت .. وهيه متعوده اني دووم قصات وصبغات
من يوم تزوجت الى السنة اللي فاتت
ولو تشوفونه مو متساوي من تحت والصبغه نازله وصرت اظفره بالبيت ولا طلعت فكيتها
ومسكت شباصه
ماعاد عرفت الاستشوار
تحطمت خلاص
حتى لبسي ماعاد لبست
صرت البس اي تنوره جنز وعليها بلووووزه مكرر
خلاص اكبر همي العيال...
لو ان السبب مني هانت بس المشكلة انه منه وزمان كان يقول الشهر الجاي
والحين يقول بعد 4 شهور
<<<<<<<< غبيه صح
دنيا تقهر
حتى اهلي اخواتي متجمعين وامي بس تبكي علي
لاني الوحيده اللي مو معاهم واللي ماجالي عيال
امي زعلت لاني مازرتهم في الجيه الاخيره
بس بعدها حنت وتقول اني ابكي عليك دايم
اتصلت عليها مكالمه فيديو جلست تبكي حسيتها متغيره
اول ما سكرت يقوول اخووي انها جلست تبكي
ايش اسوي.
مقدر اقول لاحد مشكلتي اخواتي وامي موقفهم اني اتركه
واهله ماهمهم لانه من ولدهم
والصديقات ماودي اقعد اتشكى لهم
احاول اكون مبسوطه
ربي لاتذرني فردا وانت خير الوارثين
حتى برمضان جاني الم في صدري مووووووجع
قلت لاختي قالت سوي فحص حمل ولا ياستي خلاص
قلت له قال ان شاء الله وطنش يقول نسيت
وفي الاخير طلعت الدورة جايه قبل وقتها
احس حياتي مللللللللللللللللللللللللللللللللللل فضيييييييييييييييييييييع
وربي لولا النت مااقدر اصبر
بس اضيع وقتي علييييييييييييييييه
وهذا ني جالسه عليه من الفجر لاني احس اني عايشه وحديييييييييييييييييييييييييي
دعوااااااااااااااااااااااتكم لي في هذي الجمعه المباركه