السلام عليكم ورحمه الله وبركاته
وهلا وغلا بكل من نورت موضوعي
وكل عام وانتم بالف الف خير
بنات ابطلب منكم استشاره بموقف حصل معي
من خمس سنوات تقريبا صار موقف بيني وبين وحده ثانيه (كان لها منصب اعلى مني ) مشكله
واستفزتني باسلوبها لان تهجمت علي بمكان كنت جالسه فيه
وطردتني منه
لكن رفضت اطلع واشتد النقاش بينا المهم هي وصلت الموضوع لللاداره وطلبت فتح تحقيق
والاخير طلعت انا المظلومه ووقفت الاداره معي
وهي من ذالك الوقت وما تواطني بعيشه ربي العالمين
اللي صار انها تترصدلي باي شي مثل
تعين او ترشيح او امور تخصني تمر من عندها
وسبحان الله كتب ربي اني اترسم غصب عنها وفوق ارادتها بنفس القسم اللي تشتغل فيه
واصبحنا في نفس القسم ونفس المكان
هذا الشي صار وقت الاجازه يعني ما التقيت فيها الى الان
وانا حابه ابدا حياتي ببدايه العام من غير حزازيات ولا خصومات
لان ضغط العمل يكفي فقط من غير منغصات واحقاد ومشاكل
وتعرفون ان ببدايه كل سنه نسلم على بعض ونعايد على بعض غير الاجتماعات والمهام اللي تلزمني اكون معها
بنفس المكان
وللمعلوميه هي اعلى مني باربع مراتب ويمكن تتولى اداره القسم اللي انا فيه
وكل اللي بالقسم يعرفوني ويعرفون اني انسانه مارضى بالغلط وشخصيتي قويه وقلبي بنفس الوقت ابيض
وغير كذا هالاانسانه للاسف ما تخاف من ربي العالمين
تظلم من غير وجه سبب
ممكن تفشلك قدام 20 الى 30 موظفه
ممكن تنتقدك وتنتقد اداك قدام الناس
المهم ان مافي احد بالقسم ماصار له موقف معها وولاسف لايمكن تعرف بخطا
ابستشيركم
اذا انتم بمكاني هل بتسلمون عليها عادي وبتعايدونها
طيب اذا دخلت مكتبها وسلمت عليها ولامدت يدها
او ممكن ما ترد عليك السلام ولا ختى المعايده يعني تتصدد
يعني باختصار تفشلكم
والله العظيم انا ما ابالغ بس اللي يظلم ممكن يسوي اي شي
انا ناويه اسلم عليها واعايدها واتصرف معها طبيعي
لكن ما ابغى اعتذر
لاني من البدايه مظلومه وما غلطت
لكن للاسف ما فتحت مجال لي تتصد وتتصرف مثل المراهقات
وممكن تفهم الموضوع ضعف مني
وانا ضد هالشي
الله يسعدكم وينصركم على من ظلمكم
انا بحييييييييره وودي تساعدوني :44:
شاركي في النقاش
سجلي الدخول لإضافة تعليق.
التعليقات
44- لاصار خصمك القاضي من تقاضي

- مااقول الا الله يعينك اذا بتكون رائيستك بالقسم
- الله يعينك
وادعي ربي انه يسخرها لك غصب عنها .. - والله ماعندي فكرة الله يعينك
اذا دخلتي المكتب سلمي عليها بالكلام لانه احس لو مديتي ايدك و هي ما مدت ايدها احس فشله
و انتي تعرفين شخصيتها اكثر منا فهل ينفع مثلا لو كنتي انتي و هي بس و صارحتيها وحاولتي تكسبينها فصفك ؟؟
و الله يوفقك ان شاءالله :) - حبيبتي بكل بساطة انت احسن منها وشدي اقولك الحل
ادا سلمت عليك وعايدتك عايديها عادي والمسامح كريم
وادا ما سلمت عليك لا تسلمين عليها حتى لا تحطك في موفق حرج والله يعينك
مواضيع مشابهة
تابعي تجارب أخرى من هذا القسم.