فينى شي غريب ؟

مرحبا ياحبايب المشكله عندي انه عندي نوع من التنمل يجينى بين فترة وفترة وخاصه في رجولي واحيانا احس راسي فيه مثل الدبابيس سويت ماخليت فحوصات من والى وتحاليل والنتجة سليمه خففت وزني خف نوعا ما بس ماانتهى تتوقعون فينى مس ؟ بسم الله علي انشاء الله لا على العموم احيانا احس زي النقطة البيضاء النجمه قدامي وتروح:44::44: على العموم اللي عندها لغة تقولي اشلون اقولها بالانجليزي لاني ابي اروح الطبيب هون في امريكا واساله مع انه قلتله انه عندي تنمل وسوالي فحوصات وفغص راسي وقال مافيك الا يامال العافيه بس ابي اتاكد شكلي بجيبله الجنان والا الوسوسه :11::11:

5 تعليق 796 مشاهدة

شاركي في النقاش

سجلي الدخول لإضافة تعليق.

التعليقات

5
  1. @tmryko

    هلا اختي انتي موسوسه بسم الله عليك
    اقري المعوذات يوميا ومثل ما قالك الامريكي ما فيك الا يا مال العافيه
    واسال الله العظيم رب العرش العظيم ان يشفيك
    ما عندي والله خبره اتمنى البنات يفيدونك
  2. لو تقدرين اقري سوره البقره يوميا صدقيني هي افضل واحسن شي يبعد عنك شياطين الانس والجن وهي علاج للروح والجسد وتعتبر افضل رقيه شرعيه

    والف سلامه على قلبك :26:
  3. مرحبا
    ما فيك الا العافيه استغفري ربك ولا توسوسين
    انا على طول تنمل يديني ورجليني
    اما راسي يجيني صداع قبل الدورة صداع قوي
    يقولون ان التنميل والصداع من حبوب المانع
    بالذات اذا كانت قويه
    وما تشوفين الا العافيه
    اختك انهار
  4. @am_da_nh

    لا تخا فين انا فيني من 6سنوات تنميل شديد بكل جسمي
    ودوخه قووووووووويه
    وما فيه مكان ما رحت له وكلش طبيعي
  5. @say_yes

    صاحبة الموضوع
    مشكورين يعطيكم الف عافية ماقصرتو عاد انا مره لقيت موقع عن السحر وما السحر وشفت بعض الاعراض فيها التنميل من انواع السحر اوالعين الله يستر علينا والله الواحد موناقص بعد ينسحر عاد ماعندي الحمدلله اعداء ولا خدم عشان انسحر بس يمكن عين عاد على ايش يالله لك الحمد الناس صارت عينها على بعض يحسدون على الموت اعوذ بالله

تابعي تجارب أخرى من هذا القسم.