السلام عليكم ورحمة الله وبركاته
اخواتي حابة تشاركوني موضوعي وتعطوني رأيكم بكل أمانه ورجاااااااءا ابغى ارائكم واقعية واكيد بنفس الوقت ابغاكم تراقبون الله فيما تردون علي واهم شي الاحترام وانتقاء الالفاظ الطيبة واللينه
انا متزوجة وعندي ولد عمره 8شهور وزوجي راتبه على قدنا والحمد لله عايشين مبسوطين صحيح بعض الاشياء ناقصتنا بس اهم شي الود والتفاهم بيننا اكيد لنا احلامنا بإن يكون لنا بيت ملك وسيارة جديده واننا نسافر بره نستانس بس كل هدا ان شالله في المستقبل
قبل امس شاورني في موضوع الا وهو ان جايته منحة ارض كان ينتظرها من زمان وقالي ايش رايك ابيع الارض واخد لأهلي ارض يعمرونها لأن اهله بيتهم مرررره صغير ومتضايقين منه مع العلم انه يكفي للأم والاب وولدين والباقين بيتزوجون ****لله بس بالاجازات ووقت الجمعات مايسعنا ابدا .
انا صراحه سكتت ومارديت على طول وهو لاحظ نظراتي وقالي انا بين نارين ابغى ابر بأهلي وبنفس الوقت ابغى ارضيكي قلت له سوي اللي ترتاح له قالي يعني اعطيها اهلي قلت له براحتك ساعد اهلك ومرررره فرح وقالي اكيد ربك بيرزقكي مدام قلتيلي كدا.
بس جلست افكر بنفسي وعيالي بالمستقبل من حق ابوهم يأمنلهم بيت الدنيا ماتدوم لأحد والفرصه هدي مابتكرر
وبنفس الوقت اهله يستاهلون لأنهم مره طيبين وماشفت منهم الا كل خير ماشالله تبارك الله وافكر مدام فكر فيهم وترك عائلته ان شالله عيالنا مارح ينسونا ادا كبرنا. بس هل تفكيري هدا صح والا زيادة طيبة مني مالها داعي اخاف اندم واقول ياليتني رفضت واخاف ارفض ويكون بنفسه شي علي بالله عليكم ياللي جربتوا الحياة اعطوني رأيكم وتدكروا الاية((ولاتجعل يدك مغلولة الى عنقك ولاتبسطها كل البسط فتقعد ملوما محسورا)) ادري هدولا امه وابوه بس هل برهم على حسابي انا وعيالي بالمستقبل؟؟ولاتقولون عني شريره مارح اسامحكم ادا قلتوا عني كدا وجزاكم الله خير اللي قرت موضوعي وردتلي بكل صدق وامانه وعقلانية.
شاركي في النقاش
سجلي الدخول لإضافة تعليق.
التعليقات
34- انتي تعرفي ان بر الام باب من ابواب الرزق
الله يعطيك على قد نيتك يارب ..ووسع لكم من واسع فضلة
سؤال
انتي متاكدة انة لهم نية بناء بيت وان المبلغ حق الارض راح يكفي لهالمشروع ؟؟ - حبيبتي لا تندمين ابد على هذا الشي لازم تفرحين لان ان شالله ببره باهله بيبرك عيالك ان شالله
وان شالله ربي بحسن نيتكم بيعوضكم عنها باحسن منها لانكم بتبرون باهله اللي هم بمكانه اهلك صح ولالا؟؟
وان شالله ربي بيفتح عليكم الرزق من اوسع ابوابه اللهم اميييين
((لو اني مكانك بسوي نفس الشي لاني بحط مكاني مكان زوجك لو اهلي محتاجين اللقمه اللي بمدها لفمي انزلها واعطيهم اياها من طيب خاطر))
والبيت اللي بيبنا بيكون لكم كلم وبتكون هذي نقطه لصالحك قدامه وقدام اهله,, - شوفي ياأختي
أنت المفروض تفتخرين بأن عند ك زوج كذا بار بأهله ما شاءالله
ولا تقولين بار بهم ويوسع عليهم على حسابي أنا وعيالي ترى الله العاطي والرازق
وأنت شفتي كيف زوجك فرح لما وافقتي واكيد انتي كبرتي بعينه وأنا اشوف ان رضى الزوج أهم من المال والبيت
وياما حريم أزواجهم موفرين لهم كل شي بس مابينهم ألفه وتراضي
ولا تنسين ترى رضا الزوج سبب لدخول الجنه
واذا انتي وقفتي معاه أكيد انه بيرضيك ويحاول يوفرلك اللي تبينه - تبين رأيي بكل صراحه 00
لاتتنازلين عنها 00
على قولتك تبين تأمنين لعيالك مسكن 00
الاطفال لازم لهم مكان كبير وحوش 00
وامه وابوه كبار في السن 00 رغبتهم في المكان الواسع ماهي مثل رغبتكم 00
واللي عندهم ان شاء الله بتزوجون 00 - وعليكم السلام ورحمة الله وبركاته
لا تندمين على موافقتك لرأي زوجك ما شاء الله عليه بار في اهله وبالتالي مردود لكم هذا كله ان شاء الله..وانتي ارضيتي وفرحتي زوجك وكبرتي في عينه وان شاء الله بيكبر غلاك وقدرك عنده اكثر واكثر من موقفك هذا...وانتم في بداية طريقكم وبأذن الله ربي يوسع عليكم ويرزقكم على قد نيتكم..وبعدين عزيزتي مو حلوه تتراجعين في موافقتك او في كلمه عطيتها زوجك بعد ما فرح بموافقتك..
مواضيع مشابهة
تابعي تجارب أخرى من هذا القسم.